الموضوع: قسم بروتون هل ممكن يرجع تانى ؟ سؤال بأه صعب اوى يا بروتوناوية

المشاركة الأصلية كتبت بواسطة m.almaghraby

الاعضاء المحترمة تشارك ...... بس كدا

و محدش يسكت علي اهانات ,, فتاوي ,, تجريح شخصي ,, و كله بالذوق طبعا :)

بس نفسي بجد الناس بتاعة زمان تشارك تاني

كلنا يا دكتور والله نفسنا برضه

انت واحد من الناس اللى بتعرف ترد كويس وبرضه من غير ما تغلط

عاوزين نوقف الاساءات دى

المشاركة الأصلية كتبت بواسطة m.3abdel3al

مستنى ردك يا محمد

المشاركة الأصلية كتبت بواسطة sayed911

والله يا اخي انا من الناس اللي متابع القسم من حوالي 4 او 5 شهور يعني ما زلت حديثا ولكن انا نفسي عشان نبعد عن القيل والقال والكلام ده كلو يتعمل قسم جوة قسم بروتون للشكاوي عشان مونجعش قلبنا ونلزق حاجة انسان مش مقتنع بيها لشخص اصلا مش حابب العربية !! يعني ببساطة اللي عايز يشتم في التوكيل او في العربية يدخل القسم ده ويفضل مع نفسوا لحد ما يحس انو طلع اللي جواه وخلصت على كده :-d طبعا ده بعيد جدا عن الواقع وما هو الا محض خيال ولكن يا اخي اسمحلي اني اسئلك سؤال انا واحد من الناس اللي للأسف لم يكن لي الشرف اني حضرت مع احد من القدام المحترمين ولكن انا اعذرني عايز اقول كلمة واحدة بس انسحب احد من المنتدى سلبية كلنا عندنا شغلنا وعندنا مشاكلنا ولكن بندخل على القسم هنا نتعلم حاجةجديدة عن العربية بنشارك بفكرة جديدة بنستفيد بتجربة بننصح حد ومش عايز اقولك انو 50% من اللي جابو الساجا في القسم بناء على المواضيع الشديدة الصراحة اللي اتعملت عندنا في القسم وبشدة وتؤيد السيارة يعني مهما كانت المواضيع فالنصيحة واجبة وانا 100 مرة بيبقى نفسي اوقف حد في الشارع معاه ساجا واقولوا العربية وضعها ايه معاك ومش عايز اقولك اني معمريش ركبت العربية لحد دلوقتي ولا حتى جربتها ولكن انا عارف من الكلام العلمي المبني على حقائق وضع العربية دي ايه في السوق المصرى عشان كده انا واثق ان شاء الله في اختياري وبشدة كمان ... ولكن انا دعوة مني من عضو ما يزال حديث في القسم لدعوة الناس القدام في القسم لأنو لو انا سبت وهوة ساب وده ساب واللي بعدي ساب محدش ها يفضل وهية ااسا الناس كلها بتدخل القسم ولو ساعة في اليوم تشوف ايه الجديد ترفيه عن النفس الى حد ما ولكن انا بدعو الناس كلها القديمة والجديدة نخلي تركيزنا كلوا في السيارات وعيوبها قبل مميزتها عشان احنى بنهتم بالصراحة قبل كل شئ ونسيب بقى مشاكل التوكيل وللي عايز يشاركنا مشكلتو تكون كشرح فقط بدون اي ايحاء عن اي شئ يعني ببساطة يا جماعة انا فنوسي اتكسر ورحت التوكيل ورفضوا بس ممكن بقى ساعتها الأعضاء يساعدوه يعمل ايه يروح لمين وهكذا وتحياتي لك اخي على الموضوع الصريح وان شاء الله القسم ها يرجع تاني وانا واثق من كلماتي ...

انا معاك فعلا ان كل القدامى لازم يرجعوا يشاركوا , ومعاك اننا نوضح عيوب ومزايا العربية وده اللى حاصل فعلا من اول يوم فى المنتدى بس لازم الاسلوب يبقى هادى ولازم العرض يكون بحيادية مش عشان اطفشك اعمل حجة انى لازم اقول العيوب اللى ممكن متكونش اصلا عندى

المشاركة الأصلية كتبت بواسطة momopersona

يا رب قسم بروتون يبئا احسن قسم فى المنتدى
بغض النظر عن سيارة بروتون او توكيل عز العرب

يارب يا محمد بس مش عارف ازاى بغض النظر عن سيارة بروتون

يارب يبئا افيد قسم بنصائح أعضاؤه
يعنى اللى شايف مميزات يفيد الناس ويذكرها وماحدش يهاجمه من غير ملاكها
وبردو اللى شايف عيوب يذكرها ويحذر الناس منها وماحدش يهاجمه من ملاكها ولا يكرهه
سواء كان فى رأى الطرف الاخر غلطان او لا
لازم نسيب كله يتكلم وفى الاخر القارئ هو صاحب القرار

اللى انت بتقوله ده موجود من اول يوم فى المنتدى ومستعد اجيب لك المواضيع دى كلها من يوم ما القسم اتعمل يعنى انت مش جيت تشيل الغمامة اللى احنا حطينها على عنين الناس عشان نضللهم

الحمد لله غالبيتنا عندنا اكثر من عربيه او مسيرنا نغير العربيه واللى هايتبقالنا شخصيات مش عربيات ولا توكيلات

انا معنديش غير عربية واحدة ولو هغير ان شاء الله هتكون بروتون برضه وعلى فكرة عربيات بروتون بقوتها وجمالها هى اللى جمعتنا هنا والسبب اننا اتعرفنا على بعض فهى مش حتة حديد هنرميها ونمشى
.
الحمد لله رغم كره العديد ليا بسبب حبهم الزائد للسياره والتوكيل واللى وصلهم لانهم مش مستحملين كلمه عليها ومستعدين يخسرو شخصيات بسببها
لكنى طلعت بأكثر من صديق حقيقيين بيحبونى وباحبهم رغم اختلاف وجهات نظرنا
ودى هى الفائده الحقيقيه للمنتدى

حب الناس للعربية مش عيب واظن كلنا عندنا حاجات تانية برضه بنتعصب ليها مش بنحبها بس يعنى لو بتشجع كورة اكيد مش هتقبل كلمة على فريقك او انه يخسر او حتى ان حد ينقده ولو ده حصل برضه هتشجعه ومش هتسيبه ابدا وانا بروتون بالنسبة لى زى فريقى المفضل اللى بفرح جدا لنجاحه وضغطى بيعلى لما يتغلب وباية حال اللى جمعك هنا باصدقاءك هى بروتون مش المنتدى

واكبر فائده طلعت بيها فى السنه ونصف اللى شاركت فيها فى نايل موتورز
هى التحكم فى الاعصاب والذكاء فى الرد
زمان كان اللى بيوصلنى لدرجه معينه من الاستفزاز بذكاؤه القانونى باغلط فيه من غير قصد وبتؤخذ عليا وارجع اتأسف ولم يغفر لى بردو
حاليا اتعلمت اتحكم فى اعصابى واتجاهل اى تلقيح كلام او استفزاز قانونى

واخيرا
ليس مهما ابدا ما ناخذه من التوكيل ومايمكن اخذه من تخفيضات وعروض بالحفاظ على العلاقات والمزايا المقدمه لنا منه

ولكن تحذير المقبلين على الشراء من عيوب التوكيل وعيوب السياره وايضا ذكر الاشياء الجميله اللى فيها
وكده نبئا بنفكر فى الغير مش فى نفسنا

معلش يا محمد اذا كنت مش شايف ان تخفيض سعر العربية او اى عرض بنجيبه حاجة مش مهمه ليك ده لانك لسه صغير فى السن متعرفش الفلوس بتيجى ازاى ووالدك ووالدى والناس كلها بتشقى عشان القرش اد ايه فلما الاقى خصم 3 او 4 الاف جنيه على العربية او خصم من التوكيل على صيانة او اى عرض من اللى الناس هنا بتتعب نفسها عشان تجيبه لازم نحافظ عليه لان الفلوس دى مش حاجة سهلة وبكرة اكيد لما تدخل الجامعة وتتخرج وتلاقى شغل وتبقى مسئول عن اسرة مش هتقول الكلام ده

مش عارف تحذير المقبلين دى كلمة كبيرة اوى الكلمة بتحسسنى انهم هيشربوا السم او داخلين حقل الغام ومع احترامى ليك حضرتك مش مفوض تتكلم عننا وعن عربياتنا وعن التوكيل انت تتكلم عن عربية والدك فقط وتجربته مع التوكيل فقط لا غير لا انت تملك انك تكون وجهة نظر عننا كلنا ولا عن عربياتنا ولا عن راينا فى التوكيل , اتكلم عن تجربتك فقط اكتر من كده انت كده بتتعدى على حقوقنا كلنا فى المنتدى لاننا مش لسه قصر ومبلغناش سن الرشد ومش هنعرف نقول راينا فى الاشياء

بالنسبه لى افيد قسم فى المنتدى قسم شيفروليه
عشان حذرونى من شراء الافيو وعرفونى مشاكلها بالكامل قبل شراءها والحمد لله ربنا سطر

ياريتك جبتها يا محمد انا متاكد انك كنت هتكون اسعد بيها مش عشان وحشة لأ لانها تم اختيارها افضل عربية فى سنة 2009 فى فئتها فى استفتاء مجلة عربيتى

ومازلت اعاتب على اعضاء قسم بروتون عدم ذكر مشاكل مثل الطنابير وعلب الدريكسيون (التى تم الاعتراف بها من قبل التوكيل) قبل شرائى للسياره
وشايف ان التحذير منها بل تثبيت مواضيع فيها المشاكل المتكرره للسياره افيد كتييير من تثبيت مواضيع حب فى السياره
وتثبيت التقارير السيئه مهمه بردو زى تثبيت التقارير الشاكره فى السياره

برضه الناس ضحكت عليك وخبت المشاكل عنك بجد يا محمد الموضوع ده كفاية عليه اوى كده غير يا محمد , انت كاره العربية براحتك انما عيب انك لتالت او رابع مرة تتهم الناس الاتهامات دى لغاية ما الناس قرفت من المنتدى واتهاماتك اللى عمال توزعها عمال على بطال كده

طب نسال بعض كام سؤال

مين اللى بيكذب وبيضلل؟

- اللى بيعمل لنفسه 2 اكونت ويدخل يعمل بيهم مواضيع ويرد بيهم على نفسه عشان يثبت رايه ويؤيد كلامه وياخد عشان كده وقف ويوهم الناس انه اتوقف عشان خلاف مع زميل تانى؟

ولا اللى بيستشهد بكلام ناس فى كلامه عشان يثبت ان مشاكله ظاهره عامه وبعد كده الناس دى تدخل تعاتبه وتكذبه انها لا قالت كده ولا صرحت بكده ؟

ولا اللى بيحكى للناس عن خبراته اللى محصلتش بالسيارات وهو لسه موصلش السن القانونى اللى يطلع فيه رخصة اصلا ؟

ولا اللى لما بيركب عربية واحد جاره ولا قريبه يضيفها للاكونت بتاعه لغاية ما بقى عنده 5 عربيات عشان يوهم الناس بخبراته النادرة ؟

ولا اللى غير حاجات فى عربيته بره التوكيل وخرجوه بره الضمان وبفضل ناس معينة رجعت تانى ؟

اسئلة كده مش عارف جت فى دماغى ليه دلوقتى بس حبيت اسالها للناس وليك يمكن فعلا نعرف مين الكذاب والمضلل فعلا ونخرجه من بينا للابد
شكرا على فتح هذا النقاش
تحياتى لكل الاعضاء اللى عمرى ماهخسرهم بسبب حديد وتوكيل
وياريت يرجعو اعضاء زمان يشاركو فعلا
ان شاء الله قريبا اوى

أستاذ أحمد فتحي .... تحياتي العطرة الجميلة لك و لكل الأعضاء المحترمة ....
و إن شاء الله القسم يرجع تاني زي الأول طالما فيه أسرة محترمة أفرادها ناس زيك و زي أسرة بروتون .

هو التيار كان ماشئ أيجابي أيجابي أيجابي ......... و بعدين تم مقاطعته بمشاركة سلبية ...
الشكوى عمرها ما تكون مشاركة سلبية ............ الأسلوب و العرض و الأتهامات للناس أحيانا هي اللي بتخلي الشئ الأيجابي سلبي ...

طيب أنا فهمت ليه كدا ......

ومازلت اعاتب على اعضاء قسم بروتون عدم ذكر مشاكل مثل الطنابير وعلب الدريكسيون (التى تم الاعتراف بها من قبل التوكيل) قبل شرائى للسياره
وشايف ان التحذير منها بل تثبيت مواضيع فيها المشاكل المتكرره للسياره افيد كتييير من تثبيت مواضيع حب فى السياره
وتثبيت التقارير السيئه مهمه بردو زى تثبيت التقارير الشاكره فى السياره

أول موضوع متثبت في المنتدى فيه مميزات و عيوب السيارة بالكامل ( سيارة موديل 2006 ملك للعضو المحترم المختفي الحسيني)

بقية كلامك في أتهامات تانية و ده غير مقبول و مش هارد عليه ....

بس واضح أن التاريخ محدش بيتعلم منه و هاقتبس جزء من كلام الأستاذ أحمد

ولا اللى بيستشهد بكلام ناس فى كلامه عشان يثبت ان مشاكله ظاهره عامه وبعد كده الناس دى تدخل تعاتبه وتكذبه انها لا قالت كده ولا صرحت بكده ؟

ولا اللى بيحكى للناس عن خبراته اللى محصلتش بالسيارات وهو لسه موصلش السن القانونى اللى يطلع فيه رخصة اصلا ؟

ولا اللى لما بيركب عربية واحد جاره ولا قريبه يضيفها للاكونت بتاعه لغاية ما بقى عنده 5 عربيات عشان يوهم الناس بخبراته النادرة ؟

ولا اللى غير حاجات فى عربيته بره التوكيل وخرجوه بره الضمان وبفضل ناس معينة رجعت تانى ؟

واضح أن أنت عندك مشكلة في العربية ........... عادي ممكن تحصل و محدش يقدر يكب حد و ياما ناس عرضت مشاكلها و دخلنا نفكر معاهم لحل في العربية و ياما الواحد تعب و عملت أتصالات تليفونية علشان يساعد الناس
محدش حجر على حق حد في اظهار مشكلته و محاولة الوصول لحل .

و الأدهى بقى أيمن
أيمن اللي ساكن في أخر الدنيا و بيكلم الناس في تليفونه و بينزل من بيتهم للتوكيل مرات كثيرة و على حسابه علشان يساعد الناس

و مع ذلك ........ لما عمل حادثة عربيته قعدت في التوكيل مدة كبيرة و كأنه بني آدم أقل من العادي و الراجل عمره ما أشتكى و عمره ما شتم حد و عمره ما أتهم حد بأي شئ .
لأن كل شئ له حدود ( يعني السلبيات لها حدود و الأيجابيات لها حدود )

أنا معرفش حجم مشكلتك و معرفش أزاي حاول والدك (مالك السيارة ) أنه يحلها ......
و لكن كل هذا لا يعطيك الحق في أتهام أي حد أنه بيدافع عن العربية لمجرد الدفاع و بيستميت و بيكذب على الناس و بيخبي مشاكلها

على فكرة حاجة تانية محدش يعرفها خالص
أنا أمتلكت عربيتين جين 2 و الأثنين مفيهومش الهوا و الحمد لله ..........
يعني أنا واحد من الناس بتكلم عن تجربة طويلة مع العربية كماركة و مع الموديل نفسه و من سنة 2007 لغاية النهاردة .

كان لازم أرد لأن الكلام أستفزني لأني حسيت أني واحد من الناس المتهمين بالكذب و التضليل .

يلا يا شباب بروتون

عايزين أيونات موجبة تلف المنتدى و القسم و عايزين نطرد أي أيونات سالبة

اللي عنده مشكلة و عايز يعرضها ده هو أساس وجود المنتدى هو عرض المشكلة علشان نلاقي حل لها


زمان مرة واحد صاحبي قالي عايز أشتري كمبيوتر ( كان اللاب توب مش منتشر ) الكلام ده سنة 1997 .....
المهم نزلنا مع بعض و أنتقانا بعض القطع علشان أركبها للراجل ....

المهم في شركة الكمبيوتر البائع كان عايز يبيع لصاحبي سي دي روم من ماركة من معينة كانت وسط و بتبوظ بسرعة و طبعا كان عايز يخلص منها .
المهم أنا صممت أني أشتري لصاحبي ماركة أفضل و كانت أغلى بقليل .
و بعدين مفيش أسبوع و السي دي روم باظ ..........
لقيته بيقولي أنت السبب الراجل بتاع الشركة كان عايز يديني حاجة أحسن ( طبعا صاحبي ده الكمبيوتر بالنسبة له زي علم الطاقة الذرية لي ) ..... قلتله خلاص هاغيرهالك على حسابي و انا أخد البايظة أتصرف فيها ....( أنا قلت أشوف الضمان )

لما صاحبي نزل لوحده يسأل من ورايا ......... كل الناس قالتله أن الماركة أللي أنت أشتريتها هي الأفضل و لكن حظك وقع في قطعة معيبة ...... و في النهاية تم تصليحها في الضمان ....... رفضوا التغيير !!

من ساعتها قلت مش هاقترح على حد حاجة علشان فيه ناس عقولها تصورلها أن الأقتراح ده لو مكنش ناجح بنسبة 100 % يبقى صاحب الأقتراح هو المسئول و هو اللي لازم يتحمل قراراه ...
مع أني ساعتها أقترحت على صاحبي يشتري بسبب خبرتي و بسبب أني مجرب و فاهم الحتة دي كويس .

و صاحبي بعد ما فهم الموضوع كويس ...... أعتذرلي و قالي آسف و كتر خيرك اللي ضيعت وقتك معايا و جمعتلي الكمبيوتر و كمان ببلاش و كمان فوق ده كله كنت خايف على فلوسي و بتنصحني .... و مع ذلك أتهمتك و أتنرفزت لما السي دي روم باظ ...

كلنا ممكن نغلط في الحكم على الأشياء و على الناس
و لكن خيرنا ....................................... من يُصحح نفسه و يقعد يفكر ..... ما يمكن أنا اللي حظي وحش .... و بتحصل في كل الماركات و في كل الأشياء ....

يلا عايزين فكر ايجابي و نطر الفكر السلبي
نعرض مشاكلنا ( عرض المشكلة شئ أيجابي ) و لكن بدون ما نتهم حد و بدون ما نغلط في حد .

ممكن أكون لسه مضايق من الوضع.....بس انتو صح.....وأنا غلط....... طالما فيه ناس زييكو لسه هنا.....يبقى لسة فى أمل ان روح القسم ترجع تانى واحسن من الاول كمان

معاكوو ان شاء الله نرجع عيلة واحدة.....

موضوع رائع وأراء بنائة
قد يكون هذا الموضوع هو بدء الرجوع للعهد الذهبي لبروتون
اشكركم جميعا على روحكم الإجابية.

تقبلوا تحياتي جميعاً وفي انتظار التغيير " معاً سنغير "

المشاركة الأصلية كتبت بواسطة مصطفى_صديق

ممكن أكون لسه مضايق من الوضع.....بس انتو صح.....وأنا غلط....... طالما فيه ناس زييكو لسه هنا.....يبقى لسة فى أمل ان روح القسم ترجع تانى واحسن من الاول كمان

معاكوو ان شاء الله نرجع عيلة واحدة.....

ربنا يوفق