معاك............
رقم العضوية : 38004
تاريخ التسجيل : 13Apr2009
المشاركات : 527
النوع : ذكر
الاقامة : ELRE7AP (NEW CAIRO
السيارة: لا يوجد
السيارة[2]: Gen 2 2010 auto
الحالة :
السلام عليكم ورحمة الله وبركاته
كلام بيدور فى دماغى وفضفضة حبيت اشارك زملائى الكرام المحترمين اعضاء المنتدى فيها يمكن اكون غلطان او على حق الله اعلم بس انا كتبتها عشان اعرف هل الناس ده برضه اللى بيدور فى دماغها زيى ولا انا فيا حاجة غلط ولو ده فعلا بيدور فى دماغ الناس طيب ليه منتفقش بينا وبين بعض على وقفة قوية مع كل المشاكل اللى احنا فيها ونبقى ايجابيين فى حلها و اولها واهمها الاحترام المفقود وسوء النية المتبادل والاتهامات التى لا تنتهى بالكذب والتضليل .
الحقيقة ان فيه ناس كتير اصبحت بتستغل القسم للتشهير بناس تانية وتصفية حسابات او بيبث كرهه للعربية او غضبه سواء المبرر او غير المبرر من التوكيل , بينما اصبحت الفائدة الفنية هى اخر حاجة ممكن تلاقيها فى القسم دلوقتى بعد ما شيعنا المرحوم اللى اسمه الاحترام المتبادل وقربنا على السنوية بتاعته .
المشكلة دلوقتى ان اى حد لو دخل وكلمك او كلم اى حد تانى بقلة ادب او بتريقة او سخرية او ايحاءات باتهامات وعمل عليك مواضيع كاملة مش هتعرف تعمل معاه حاجة لانه لم يسبك او يكتب اى لفظ خارج انما باقى اساليب الحوار الهابط مسموح بيها وحضرتك المفروض تاخد كورس عند اللمبى عشان تعرف ترد عليه او تسكت وتعمل مش واخد بالك او تعمل زى اخواننا المحترمين السابقين اللى سابوا المنتدى واللى شكل ناس كتير حتسيبه قريب وانا منهم .
الناس زعلانة ان فيه ناس علاقتها حلوة بالاعضاء فى القسم وبالتوكيل فى نفس الوقت طيب هو احنا مش داخلين هنا عشان نساعد بعض فى الاساس سواء بالمعلومة او بالنصيحة او بخدمة على ارض الواقع طيب لو ربنا قدرنى ووصلت صوتك لحد فى التوكيل ابقى انا كده عميل ؟ طيب ولو انا فى كل مشكلة اتخانقت مع التوكيل عشان خاطر فرد واحد هل التوكيل هيعبرنى لو احتجناه عشان ناس تانية ؟ فهل عشان نحل مشكلة فرد ندخل كلنا نشتم وخلاص ونخسر اى مساعدة لبقية الاعضاء فى المستقبل الناس هتبقى مبسوطة ؟ ولا نحاول نساعد جميع الاطراف فى حل المشكلة بهدوء لو هو معرفش يحلها بنفسه ونوصل لحل يرضى كل الاطراف. بجد اول اشوف شخصيات ناقمة على ناس بتحاول تساعدهم وتساعد غيرها طيب لو الناس دى بطلت تساعد حد , كده الناس هترتاح وتبطل تتهمهم بالكذب والتضليل والعمالة للتوكيل ؟ بجد انا بحسدك يا ايمن على ان حبك لمساعدة الناس لغاية دلوقتى اقوى من كل الاتهامات والايحاءات اللى بتطولك كل يوم مع انى عارف ان لكل شىء اخر وللصبر حدود ولو ايمن ساب فى يوم من الايام المنتدى مش هتبقى مفاجاة ليا .
الحقيقة اللى انا شفتها بعينى فى موقف معين ليا مع المهندس امر انه راجل بمجرد انى اتصلت بيه بدون سابق معرفة بالراجل اهتم جدا جدا بمشكلتى وكانت مشكلة مش بسيطة وحلها لى وحسيت اد ايه هو قلبه على شغله مش بتاع اقلب الزبون واعمل له اى حاجة والسلام بالعكس وكل ده لا هو كان يعرفنى ولا ايمن حتى كلمه قبلها زى ما ناس كتير هتظن وكل ده بمجرد مكالمة هادئة جدا وعرضت عليه المشكلة باحترام ولا زعقت ولا دخلت على المنتدى وعملت مواضيع عشان اضغط عليهم لانى فى الاخر انا عاوز مشكلتى تتحل مش انى اعمل مشاكل ,هل المفروض انى اخد منه موقف سلبى فى اى موقف حصل وخلاص عشان الناس تفرح ؟ وحتى فى موضوع تعديل علبة دركسيون الواجا احترمته اكتر لما اتصل بالراجل صاحب المشكلة واعتذر له طيب المفروض نخسر واحد زى ده ؟ حتى لو حصل تقصير وده وارد و كلنا بنقصر كلنا برضه بنحفظ لصاحب المشكلة حقه وبنلتمس له كل العذر لو التوكيل قصر معاه ولما التوكيل بيحاول يحل برضه لازم نديه حقه , واحد ممكن يقول ده حقى انهم يعملوا لى كل حاجة ومحدش يتشكر على جهد هما بيخدوا فلوس عليه هقول طبعا كلامك صح مية فى المية بس فى لوس انجلوس مش فى مصر كلها مش توكيل عز العرب .
الناس اللى بتخرب قسم بروتون حاليا وهى مش فاهمه ان كده خسارة ليهم هيعرفوا بعدين ان اللى خلى قسم بروتون كده هم اعضاؤه المحترمين اللى معظمهم هجر المنتدى وهم اللى خلوه قسم متشاف ومتميز وهم بجهدهم ومشاركاتهم واضافتهم اللى خلوه يجبروا التوكيل انه يعمل مواضيع للتواصل مع مدير الصيانة فيه وهم اللى خلوا التوكيل يجيب خصم متميز لهم على سعر عربياتهم وهم اللى خلوا التوكيل يديهم خصم على الاستيكر فى الصيانات وكان المفروض ان اللى يدخل بعدهم اولا يحافظ على الارث ده ويكمل المشوار انما اللى حصل العكس القدام مشيوا والبقية منهم على وشك والمستوى هبط والقسم فى النازل فهل تعتقدوا ان المنتدى لو اتقلب شتيمة وتصفية حسابات حتى المزايا القديمة هتستمر ؟ اشك .
وصدقونى مادام كيرف القسم فى النازل كيرف العروض والخصومات برضه هيبقى فى النازل واحنا كلنا الخسرانين سواء استفادة فنية او مادية .
لانه زى ما كريم منير قال هيبقى منتدى فتكات او ثرثرة على النيل موتورز .
يا جماعة نصيحة اخيرة لو عاوزين القسم يقوم تانى يبقى بايدينا احنا ومواضيعنا بس قبل كل ده لازم كلنا نقف وقفة قوية مع اى واحد يتجاوز فى حقنا سواء بالايحاء او بتلقيح الكلام او بالاتهامات المرسلة ولو ده مش غلط طبقا لقواعد المنتدى ده غلط فى حق اى انسان محترم ومحدش هيجيب حقنا غيرنا وده اننا لما نشوف اى اساءة لازم نرد وبقوة وبدون غلط -السكوت معدش نافع- ولو كلنا فعلا وقفنا مع بعض الطيب هيطرد الخبيث فلو حضراتكم قررتم السكوت يبقى خلاص ده المسمار الاخير فى نعش القسم ولو قررتم نكون ايجابيين فى المشكلة الواقعة حاليا هتبقى دى فعلا بداية العودة.
يارب اكون وصلت لكم اللى عاوز اقوله ويارب ميكونش مصير الموضوع زى مصير كل المواضيع السابقة اللى اتعملت برضه بغرض اعادة احياء المنتدى وكان مصيرها الفشل للاسف.
نداء اخير لكل الاعضاء المحترمين اللى انا متوسم فيهم خير ,عمر المنتدى ما هيرجع تانى الا باتحادنا وايجابيتنا وعدم السكوت على اى تجاوز مهما كان لان سكوتنا وتساهلنا لغاية دلوقتى على الاشخاص اللى دمرت المنتدى هو اللى وصلنا للمستوى ده ولو ده حصل انا متاكد اننا هنقدر نرجع كل زمايلنا اللى فعلا افتقدناهم بعد ما سابونا ونرجع المنتدى احسن مما كان.
قسم بروتون هل ممكن يرجع تانى ؟ سؤال صعب اوى للبروتوناوية فهل من مجيب.
[aldl]http://farm5.static.flickr.com/4051/4341840452_c91620bc9b_o.jpg[/aldl]
GEN2
DESIGNED TO BE WILD
رقم العضوية : 45882
تاريخ التسجيل : 31Aug2009
المشاركات : 336
النوع : ذكر
الاقامة : Suez
السيارة: الحمد لله
السيارة[2]: PROTON SAGA A/T
دراجة بخارية: no
الحالة :
معاك............
رقم العضوية : 77301
تاريخ التسجيل : 08Aug2010
المشاركات : 829
النوع : ذكر
الاقامة : الهرم
السيارة: هوندا اكورد 1989
السيارة[2]: بروتون ساجا 2010 A\T
دراجة بخارية: لا يوجد
الحالة :
هيرجع ان شاء الله بس فعلا لازم كلنا نبقي ايد واحده و نساعد بعضنا و نفكنا بقي شويه من النفسنه من بعض مش علشان واحد محبوب من الناس او واحد واصل شويه و بتوع التوكيل يعرفوه يبقي شغال معاهم ايه المشكله و لما واحد يكون بيحب بروتون اوي و بيساعد الناس يبقي عاوز منهم حاجه انا واحد من الناس اللي بعشق حاجه اسمها بروتون و علي قد ما اقدر بحاول افيد و استفيد و بدون النظر الي عائد من وراء هذه المساعده فقط اريد ان يكون اسم بروتون دايما عالي لأني بجد بحبها جدا
Protony 4 EverI Love Sagaلو لم اكن بروتونيا لوددت ان اكون بروتونيا
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
اول واحد معاك وقدام كل من تسول له نفسة من الخروج عن النص عن السيارة او ابداء اكثر من مجرد رأى فى التوكيل (لانة حر فى راية اكتر من كدة لاء لانة عيب) سواء من داخل القسم او من خارجة بشرط الاحترام وعدم الغلط وعندى فكرة افضل ياريت نتحد جميعا ونطرد ايوة نطرد الافات الموجودة بيننا (الوقاية خير من العلاج ) بس يكون بالاجماع نشوف مين بيخرب علينا القسم ويبقى غير مرحب بية فى اى موضوع او اى رد يكتبة على الاطلاق ونعمل كمان استطلاع على كدة والدعوة تكون عامة وقدام كل الناس دى ديموقراطية وبطريقة حضارية كمان بدون اى تجريح من فضلك انت مش محبوب هنا ومش عايزينك وسطنا (الكلام لاى حد تقيل علينا علشان محدش يقول انى برمى كلام لانها مش من صفاتى انا بقول فى الوش )
فى نقطة كمان المنتدى مش معمول للمشاكل يا جماعة معمول للتعارف ولافادة بعضنا البعض ممكن المشاكل اللى معظمها تافة وبيسوء الصورة من غير اى لازمة سواء التوكيل او العربية اللى مظلومة بايدينا قبل ما تكون بايد السوق وثقافة الناس عموما (يبانى وكورى وهندى وتايوانى والمانى واية ماليزى دى ياعم الحج دى صينى دى ؟؟؟؟ )
عايز اقول كمان اقتراح احنا محتاجين نقرب من بعض اكتر بمعنى المقابلات المفروض تكتر وممكن نعملها على حسب المناطق يعنى كل منطقة ممكن يتقابلوا كل فترة قصيرة ويتعرفوا على بعض ويتكلموا فى كل شىء وساعتها ممكن جدا يتكلموا مع بعض ف المشاكل ويناقشوها يعنى على سبيل المثال انا بشوف هنا فى اكتوبر جين وبرسونا كتير جدا لية منتجمعش ونبقى اصحاب بجد تحت مظلة المنتدى حتى لو حد حصلة لا قدر الله مشكلة يتصل ويلاقى الناس القريبة منة جنبة انا نفسى فى كدة جدا ودة حيقلل من حدة الحوار اللى موجود وكمان حيدى طمانينة للناس اللى بتخاف اول ما حاجة تحصلها او تحس بيها لاننا حنبقى على كونتاكت مباشر مش ورا كيبورد او نتقابل مرة فى السنة فى فطار رمضان ونص الناس متجيش ياريت نناقش الموضوع دة لانة حيعم بالفائدة علينا كلنا وياريت كل الناس اللى سابت القسم ترجع ونعمل ميثاق شرف للقسم ولنادى بروتون ونتعهد فية على شروط وواجبات لكل واحد فينا ناحية كل عضو من اعضاء القسم وبجد دة حيرجع القسم زى زمان واحسن كمان
تحياتى
[sor2]http://img534.imageshack.us/img534/7595/resize63.jpg[/sor2]
رقم العضوية : 65708
تاريخ التسجيل : 20Mar2010
المشاركات : 1,731
النوع : ذكر
الاقامة : agoza + 6 october
السيارة: Kia Cerato 2010 Ex Red
السيارة[2]: Gen 2 2010 Blue
دراجة بخارية: no
الحالة :
بالمختصر المفيد المنتدى اما كان فى عزه كان كام عضو ؟؟!!!
و دلوقتى كام عضو ؟؟؟
اللى يزيد عن حده بيتقلب لضده :)
بس كدا
و طبعا تحياتى ليك يا احمد بيه
و على غيرتك على منتداك
[mtohg=undefined]http://a3.sphotos.ak.fbcdn.net/hphotos-ak-ash4/283896_235991856435000_100000725633956_737794_7444 68_n.jpg[/mtohg]
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
تحياتي الخالصة لكل أعضاء المنتدى و أعضاء القسم و الأستاذ أحمد فتحي ...
المشكلة أصبحت في التعميم ........ ثم التعميم
اللي عنده مشكلة ........... لازم يعمم على كل الناس و يقولك الناس كلها عندها مشكلة
و لو عنده تجربة مش كويسة مع التوكيل ........... يقول ده توكيل زفت الطين و لازم يقولك ده الناس كلها بتتعامل كدا
كل اللي فوق ممكن يعدي ( آراء شخصية )
إنما المشكلة بتظهر لما التعميم يُضاف إليه الأتهامات للأعضاء و خصوصا الناس اللي كانت بتساعد أو مازالت بتساعد بدون أدنى مقابل ...... تُتهم بالأنحياز ... أو التضليل .... أو الكذب
يعني لو واحد عنده مشكلة ........ وواحد تاني قال أنا معنديش مشكلة
تلاقي واحد داخل يقول .................. لاءة أنت عندك مشكلة بس بتخبيها !!!!
طبعا الواحد في ظل جو زي ده لازم يبعد و مشاركاته تقل علشان قلة القيمة و خصوصا مع الناس صغيرة السن المتسرعة في قراراتها و أيضا أصحاب القرارات المتغيرة في أوقات قصيرة بدون خبرة كافية للحكم على الأشياء .
أتمنى طبعا أن القسم يرجع زي ما كان و الأحترام فقط هو اللي يكون متبادل بين جميع الأعضاء
ده أنا كنت ببقى واقف لوحدي بأشرح العربية و أقول مميزاتها في وسط طوفان من النقد بس كانت الناس محترمة في الغالب ... و كانوا من غير أصحاب السيارة و شوفوا مشاركات القسم أواخر 2007 و أوائل 2008 .... و برضه كنت قاعد و أشرح و أوضح أمكانيات العربية بقدر الأمكان و برضه علشان كان فيه أحترام ما بين أغلب الأعضاء .
مكنش حد بيتهمك أنك منحاز للتوكيل .......... أو شاري أسهم في شركة بروتون ....... أو بتضلل الناس !!
و الحمد لله على كل شئ
[img2]http://i59.tinypic.com/2vxpukz.jpg[/img2]
رقم العضوية : 13841
تاريخ التسجيل : 29Jun2008
المشاركات : 2,036
النوع : ذكر
الاقامة : المعادى
السيارة: برسونا / Gen 2
السيارة[2]: ريتمو / سويفت
الحالة :
كلام مظبوط يا أحمد و أنا كمان زيك بتمنى القسم يرجع تانى زى الأول و مستوى الحوار يبقى أرقى من كده و لولا إنى مدين للقسم بحاجات و بخدمات من أكتر من عضو و عرفت منه ناس إن شاء الله هتفضل علطول صداقات عمر بإذن الله و لولا إننا مش بعمم برده إن الناس كلها بقت سيئة فى القسم لأن فيه ناس كتير جديدة برده محترمة و على نفس مستوى حوار الناس القديمة اللى عملت اسم المنتدى و حببتنا فيه كان زمانى برده سيبت المنتدى من زمان و لكن تواصلى لحد دلوقتى مبنى على إنى عايز أرد الجمايل اللى اتعملت معايا للناس الجداد اللى أنا كنت واحد منهم فى يوم من الأيام.
الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه
[img2]http://img246.imageshack.us/img246/9382/tawkee3c.jpg[/img2]
رقم العضوية : 13668
تاريخ التسجيل : 26Jun2008
المشاركات : 2,676
النوع : ذكر
الاقامة : ِCairo
السيارة: SPARK 2008 BLACK
السيارة[2]: 1st GEN.2 owner in Egypt
دراجة بخارية: لايوجد
الحالة :
الله ينور هو ده الكلام ...
لازم بجد نوقف المهزله ومنحطش دمغنا فى الرمله ونحى تراثنا القديم لنكون افضل من الماضى كمان
وتتواصل الاجيال انا عن نفسى بزهق شويه من الاحداث لكن لو تلاحظ عليه مش بقدر يااحمد اسيب المهاترات تتقشى
زى ماانت عارف انا اكتر واحد عارف قيمة عربياتنا لانى اشتريتها من غير حتى مااخد راى حد فيها او اسئل عليها او اقلق منها او اتابع مواضيعها او انتظر اى حد يكون جربها او قطع الغيار تنتشر او التوكيل يتتطور او حتى اشوفها فى الشارع فده كيان لى شوفته بيكير وينجح امامى لوحده بدون ادنى مساعده فامش هاسيبه لوحده او اسمح لحد يلوثه بعد نجاحه الساحق الذى يستحقه بجداره عشان انا اكتر واحد اعلم بالكيان ده والحمدلله
مش عاوزين نسيب الاصول القديمه تتهاوى وعلى قد مانقدر نحاول عشان كان فى الايام السابقه بينضرب بينا المثل فى المنتدى كله
لازم حل دائما مع مواجهه صريحه من الاخوه القدماء وبطالبهم معاك للرجوع للتشارك ومهما كان الموقف كبير او صغير من كبير او صغير لايدعونا الى الهجر لازم عليهم الموووواجهه وده عشان الامانه الى فى اعناقنا
شكرررا ليك يااحمد لمحاولتك الدائمه فى الاصلاح
وبكده ممكن طبعا نرجع زى الاول واحسن ان شاء الله
ربنا يوفق
سبحان الذى سخر لنا هذا وماكنا له مقرنين وانا الى ربنا لمنقلبون
KH.Hamdy
هتلر
كنت قادرا على ابادة يهود العالم ولكني تركت بعضهم لتعرفوا لماذا أبدتهم
رقم العضوية : 80132
تاريخ التسجيل : 13Sep2010
المشاركات : 66
النوع : ذكر
الاقامة : Nasr City
السيارة: Peugeot 206CC 2.0
السيارة[2]: Proton GEN2 2009
الحالة :
كلامك جميل وحلو جدا ومنطقى
أنا لسة جديد فى المنتدى ماليش اصلا فى المنتديات لكن استفدت من نايل موتورز وحبيت اشترك ولسة
ماعرفش ايه المشاكل بس المنتدى معمول عشان الناس تفيد بعض من خبرات مشتركة. و اى عربية بيحصل فيها مشكلة دة مش معناه ان كل العربيات نفس الحاجة .
ليه واحد صاحبى معاه لانسر مرة واحدة سخنت وجابت وش سلندر دة مش معناه ان اللانسر دة الطبيعى بتاعها. لا وأغرب حاج حصلت مع واحد اعرفه وفضلت مش مصدق فترة طويلة معاه 5 golf اتقلبت وهو بيفادى عربية على 130 قولى باة الجولف وحشة و مش ثابتة
انا معايا جين2 2009 وعامل اكتر من 50 الف وعمرى ماحصلى مشكلة مع العربية (وبلاش حسد بالله عليكم) والغريب ان التوكيل على طول كويس جدا معايا وماشوفتش اى مشاكل معاهم. المرة الوحيدة اللى اشتكيت فيها كان عشان فوانيس الشبورة اتكسرت فى الطريق ولقيتها غاليةجدا (اصل كل يوم على الدائرى 160 وانت طالع) . والعربية دى على سعرها احسن بكتييييير من عربيات اعلى منها فى السعر.
الجين 2 لسة عربية جديدة و اى حد بيشتريها بيحبها جدا وخصوصا اللى بيحب الشد واللى بيحب الامان. اللى عايز رفاهية يدفع فوق 140 الف واللى عايز عربية واسعة يشترى ماتريكس.
كل العيوب اللى اتقالت فى العربية ماقبلتهاش ماعدا المانيفولد وعملوه فى صيانة الخمستلاف انا لو سمعت تكة مش عاجبانى بقولهم فى التوكييل. عمرى ما عملت اى صيانة او تركيب برة.ان شاء الله هبدأ أكتب حاجات عرفتها عن الجين2. و يارب افيد زى ماستفدت
والسلام ختام
رقم العضوية : 65708
تاريخ التسجيل : 20Mar2010
المشاركات : 1,731
النوع : ذكر
الاقامة : agoza + 6 october
السيارة: Kia Cerato 2010 Ex Red
السيارة[2]: Gen 2 2010 Blue
دراجة بخارية: no
الحالة :
المفضلات