الموضوع: زيارتى لمركز الخدمة بالقطامية..

الأخ الفاضل ozama22
السلام عليكم
الحمد لله أنها جت على 6 ساعات بس.. طيب إيه رأيك فى سواق والله العظيم غلبان جدا وأغلب من الغلب وطيب ومسالم ولا بيعرف يرفع صوته ولا يتخانق وكان موجود من الساعة كام.. عارف كام حضرتك.. قلت لى كام.. من الساعة 5:30 صباحا ومشيت أنا ومشكلته لم تحل ومعرفش مشى إمتى .. أنا أقسمت لما أتكلم عن زيارتى للمركز هقول مشكلته قبل مشكلتى لأن ما حدث معه هو أكثر ما نرفزنى اليوم.. جبت كل التفاصيل: إسمه وتليفونه ورقم العربية ورقم الشاسيه ومشكلته بالتفصيل ..
قبل ما أختم لازم أشكر الرجل المحترم المهندس حسن.. الرجل ميعرفش إن إحنا هنكتب عنه حاجة... بس اللى عمله الراجل ده يدل فعلا على أنه رجل محترم وعنده ضمير ولكن مجهوده ضايع وسط العشوائية الرهيبة فى المركز والجمايل والوسايط والمحسوبيات.. هو حاول يعمل الصح وعمله فعلا لكن فى الأخر الغلط هو اللى مشى غصب عنه وعننا ... شكرا لهذا الرجل المحترم وسأسرد لكم كل شئ بالتفصيل فى الموضوع الذى سأفتحه إن شاء الله تعالى..
والسلام عليكم