تجربتي مع منظف الانجيكشن

**fmesiha** · 03-10-2010 03:39 PM

لقد كنت اتابع هذا المنتدى الشيق منذ فترة طويلة و استفدت من نصائح الاعضاء الخبراء
علشان كده حبيت اشارككم تجربتي مع منظف الانجيكشن
اشتريت سيارة لانوس 2 موديل 2000 منذ فترة قصيرة ولما كان صاحبها لا يستعملها كثيرا فالسحب فيها كان ضعيف و بتاكل بنزين كتير
كانت بتعمل 190 - 200 كم في الصفيحة
و بناء على نصيحة وجدتها في المنتدى قمت بشراء منظف الانجيكشن (جينك) من محطة وطنية خلف مسجد السلام
ازازة لونها ابيض كانت ب 27ج
انا حسيت ان ملهاش لازمه و معملتش حاجه لاني محستش بفرق في السحب بس لقيت الاستهلاك قل بشكل ملحوظ و بقت دلوقت بتعمل 260-270كم في الصفيحة
و شكراً

**ahmed_h_g** · 05-10-2010 12:16 AM

أنا شاكك ان العبوات اللى مكتوب عليها منظف رشاشات أو منظف دورة وقود بتبقى محسن أوكتان يعنى بيبقى أحساس بفرق فى السحب كأنك مونت بنزين 95 بدل ال 92
عايز تتأكد من كلامى
لما التانك يفضى فول من تانى هتلاقى العربيه رجعت زى الأول

**gebreel** · 05-10-2010 12:21 AM

متابع....

**Mo.Kareem** · 06-12-2010 05:01 PM

المشاركة الأصلية كتبت بواسطة sab3aawy

لو الرشاشات اصلا نضيفة فطبيعى ان المنظف ميعملش حاجة
لكن لو الرشاشات فيها درجة من الاتساخ فبتكون مش بتوزع الوقود بشكل مظبوط وبالتالى احيانا الاحتراق مش كامل وده بيخلى استهلاك الوقود ممكن يكون زيادة شوية وهنا المنظف بيجيب نتيجة، علشان كدة طبيعى انه يجيب نتيجة مع ناس ومع ناس تانية لأ

منظف الرشاشات بيختلف فى تركيبه عن محسن الاوكتان
محسن الاوكتان بيكون عادة مكون من بعض المواد التى تنظم حريق البنزين زى الكحوليات و/أو مركبات النفتالين و/أو بعض البارفينات الثقيلة
أما المنظف فبيكون مادة مذيبة محضرة فى قاعدة متطايرة ، بحيث تقوم بتقشير الأصماغ وبقايا الكربون والزيوت من على مسارات الوقود والرشاشات

تصدق فعلاً كلام حضرتك صح
الف شكر يا افندم على المعلومات الجامدة دى

**doc_semsem** · 06-12-2010 06:03 PM

طيب العلبة شكلها ايه؟
وحاطط اد ايه والتفاصيل لو سمحت؟

**naser_1978** · 13-12-2010 10:17 PM

انا برده كان لي تجربة مع الرشاشات بس ما حطيتش من السوائل اللي مع البنزين ... لا جيبت منظف بخاخ اسبراي وعند مدخل الهواء رشيت الاسبراي مع دوارة الموتور وكنت تعال شوف الشكمان ولا كتنه مدخنة وهكذا وحسيت بفرق في دعسة دواسة البنزين هو كله في الاخر كربون مترسب وبيعمل انسدادات