تجربتي مع الحج Vesco (زيت موتور ) و مستر STP (منظف الانجيكشن)

**Amr Axel** · 13-01-2012 04:28 PM

بسم الله الرحمن الرحيم

السلام عليكم و رحمة الله و بركاته

انا قولت انقلكم تجربتي عشان لو اي حد عايز يغير و يجرب فيسكو او منظف انجيكشن

طبعا كلنا عارفين موبيل بقي من افضل الزيوت في مصر دلوقتي (

) كان مخلي صوت العربية عندي زي الكراكة و العربية سحبها ضعيف
فكنت مستني اخلص موبيل و اغير لنوع تاني و بالمرة انظف الانجيكشن
قولت شيل بس ملقتش فرق دلوقتي دورت هنا و دورت هنا
ملقتش غير كاسترول و فيسكو و الاتنين واحد اساسا من شركة بي بي بس فرق اسم الفيسكو بينزل للكويت و كاسترول للسعودية و فرق السعر طبعا لصالح الفيسكو
و اشكر د \ حازم hm414 ع تعبه معايا و توجيهي للزيت ده و شرحه من الاخر الراجل زهق مني في الاسئلة لأ و بيقولي اسئل كمان ههههههههه
توكلت ع الله و اخترت فيسكو و خاصة انه معبأ في الامارات يعني محصلش اي حركة نص كوم من اللي متعودين عليها فقولت اجرب و د \ حازم بيشكر فيه و يوم ما جيت اشتريه شوفت واحد معرفة طلع بيستخدمه سألته قالي نزل الـفيسكو 2000 ع 7000 و لا 8000 و كان نازل كويس

المهم شديت بلولو ( الالتو بتاعتي غيرت اسمها بدل زقزوقة بقت لولو ههههه ) علي بنزينة كارجاس و جيبت الحج \ فيسكو باشا و كان نازل عليه عرض 15 متر غاز هدية و غيرتهم من سواق تاكس هههههههه لأني بنزين مش هاخد الكوبونات و ارميها يعني و الزيت 20دبليو50

بعدها طلعت ع سمايلز وطنية و جيبت منظف انجيكشن مستر \ ستب stp باشا الامريكي و كنت هجيب ليكوي مولي بس مش قادر انزل دمشق الواحد لسه جي من الامتحان بالاضافة ان فرق 10-15 جنيه , الـ stp جيبته بـ25 جنيه
و سميت و اتبعت التعليمات اللي ع العبوة و حطيت المنظف و مشيت بصراحة العربية بسم الله ما شاء الله السحب و الاستهلاك اختلف تماما الا ان العربية برده حاسس مش الاداء المطلوب و صوت الموتور مازال كراكة خاصة ع الرابع قولت حسبي الله و نعم الوكيل في موبيل كرهني في العربية استنيت لما خلصت حوارالمنظف عشان انزل القديم بكله هبله و عبطه و بلاويه و احط الجديد ع نضافة
نزلت وغيرت الزيت للحج \ فيسكو باشا و غيرت الفلتر و جيبت استاذ \ فاك بيه و سميت و طلعت بالعربية
اول ملاحظة ليا اني مبقتش سامع صوت الموتور زي الأول بخلاف الاداء اللي اختلف بعد تغيير موبيل
بصراحة العربية بسم الله ما شاء الله رجعت تاني زي الأول الحمد الله

التكلفة : الزيت( 97 جنيه بعد العرض اللي بدلته يعتبر وقف عليا بـ90 جنيه )+ فلتر الزيت ( 15 جنيه ) + المنظف ( 25 جنيه ) = 130 جنيه
لو حسبنا التكلفة لزيت موبيل او شيل او اي نوع تاني هنلاقي التكلفة هتعدي الــ150 و الفرق ده انا اولي بيه اجيب حاجة مفيدة للعربية

بالتوفيق ان شاء الله

**misoalex** · 14-01-2012 05:11 AM

طيب هو اللى جيبته ده بيقعد كاام كيلو

وهو بينفع لكل المواتير ؟؟ ولا كل موتور ليه نوع معين

**mohamedbook** · 14-01-2012 07:09 AM

انا جربت الزيت ده وهمستخدمتوش تاني بيخلي صوت المكنة عالي
وانا عندي لتر لو عايزة انا تحت امرك لاني مش محتاجة

**Raul_7** · 14-01-2012 08:59 AM

تمام, الف مبروك عليك, بس المرة الجلية غير لكاسترول عشان أحسن من فيسكو بكتير عن تجربة للاتنين.

**Amr Axel** · 14-01-2012 10:25 AM

المشاركة الأصلية كتبت بواسطة koshary

متابع بردو انا احترت فالفولين ولا فيسكو ولا ليكوى مولى ولا اخلينى شل وخلاص

انا برده كنت محتار لكن توكلت ع الله و قولت اجرب فيسكو مش هخسر حاجة

**Amr Axel** · 14-01-2012 10:28 AM

المشاركة الأصلية كتبت بواسطة misoalex

طيب هو اللى جيبته ده بيقعد كاام كيلو

وهو بينفع لكل المواتير ؟؟ ولا كل موتور ليه نوع معين

5000-7000 و لسه واحد اعرفه قايلي انه نزله ع 7 او 8 الاف مش فاكر الصراحة
و هو مع المواتير العادية لكن ده معدني عشان العربية عندي متعودة ع المعدني لكن فيه النص التخليقي منه و التخليقي

**Amr Axel** · 14-01-2012 10:35 AM

المشاركة الأصلية كتبت بواسطة mohamedbook

انا جربت الزيت ده وهمستخدمتوش تاني بيخلي صوت المكنة عالي
وانا عندي لتر لو عايزة انا تحت امرك لاني مش محتاجة

لغاية دلوقتي صوت المكنة هادي بس جايز لما حضرتك جربته جربته لما اتعبي في مصر
لأن دلوقتي رجع يتعبي في الامارات تاني لما الناس اشتكت من ادائه مش زي الأول

**Amr Axel** · 14-01-2012 10:37 AM

المشاركة الأصلية كتبت بواسطة raul_7

تمام, الف مبروك عليك, بس المرة الجلية غير لكاسترول عشان أحسن من فيسكو بكتير عن تجربة للاتنين.

الله يبارك فيك بس ايه الفرق ؟؟ ع ما اعتقد الاتنين واحد و نفس الشركة المصنعة

-

-

الموضوع: تجربتي مع الحج Vesco (زيت موتور ) و مستر STP (منظف الانجيكشن)

LinkBack

أدوات الموضوع

عرض

تجربتي مع الحج Vesco (زيت موتور ) و مستر STP (منظف الانجيكشن) - انشر الموضوع فى :

-

-

-

-

-

-

المواضيع المتشابهه

㋡ نبارك لحبيبنا الحج محسن والحج محمد بمناسبة عودتهم من الحج ☆☆☆

تجربتي مع منظف الانجكشن ليكوي مولي

تجربتي مع منظف الانجيكشن

منظف الانجيكشن fuel injection cleaner؟!؟!

استفسار بخصوص منظف الرشاشات فى الموتور الانجيكشن ارجوا الرد

الكلمات الدلالية لهذا الموضوع

المفضلات

المفضلات

ضوابط المشاركة