الموضوع: ينفغ تمور"n" و انت سايق ال سيراتو اوتوماتك ؟

المشاركة الأصلية كتبت بواسطة yasserelsayad

الفتيس هيعشق الرابع لو عملت الحركة دى عشان فيه حساس سرعة انا بعملها ساعات من 140 مثلا لحد 70 مثلا لو انا عارف انى ههدى شوية قدام ولما بعشق مش بيجيب الرابع على طول .. بس وانت بتجيبها على الـ d متدوس بنزين غير لما النقلة تعشق.

الاوتوماتيك مش بيمور اول ما تشيل رجلك ولا حاجة .. الـ rpm بيفضل زى ما هو لحد لما السرعة تقل عادى يعنى زى اى عربية

هو بيختلف من عربية لعربية في الموضوع دة, عندي في الهوندا كانت تمور و تعشق مافيش مشكلة, لما جبت الفرونتيرا باملها لقيت الار بي ام على جامد قوي , مرة و التانية و تنبهت ان الموضوع مختلف و انة مش واحد في كل العربيات,

بص انا متأكد من دي او عالاقل عندي في عربيتي كدة و ربما بتختلف عن عندك, اول ما بارفع رجلي من البنزين الار بي ام بينزل لل 800

المشاركة الأصلية كتبت بواسطة bishoy02010

يا جماعة محدش رد عليا الكتالوج موجود فيه ان كده غلط ؟؟؟؟!!!

+ ان فى حاجة اعتقد مجرد اعتقاد لو الموضوع غلط وهيأثر على الفتيس كانوا هيمنعوك تروح من ال n لل d زى مبيمنعوك تروح من ال d لل r لو العربية ماشية مهيا تقبى نفس الموضوع

مايتفعش يمنعك تروح من النيوترال للدرايف لان هوة عامل دي علشان و انت واقف,و وانت واقف مش غلط انك تجيب للدرايف, ماهو برضة ممكن واحد يجيب الريفيرس و هوة ماشي بانة يضغط الزر, او انة يجيب الباركنج و هوة ماشي برضة مع ضغط الزرار,

المشاركة الأصلية كتبت بواسطة tofyguy

[caution]لا يا ادهم موضوع التلات دقائق دي موجوده في الكتلوج و انا قريته كويس انك منتسيبش العربي علي الدريف اكثر من 3 دقائق من غير بنزين[/caution]

اية الرعب دة تحذير و تنبية هههههههههه

معلش صور الصفحه دي من الكتالوج و ارفعها احب اشوفها و اقراها و افهم اية وجهه نظرهم

المشاركة الأصلية كتبت بواسطة yasserelsayad

اه طبعا طول ما انت ماشى لو شلت رجلك من على البنزين الrpm مش هينزل زى لما تمور العربية .. هيفضل يقل مع السرعة

لا و الله عندي مجرد ما ترفع رجلك الار بي ام بينزل ل 800 لفة/دقيقة كأنك ممور, مش عارف بقى هل بتختلف عندك و للا اية

المشاركة الأصلية كتبت بواسطة atrees

كلامك صح يا ياسر - انا مركبتش مانيوال قبل كدة وبركب اتوماتيك في الامريكاني من ايام ما كان 3 نقلات وياما عملت الحركة دي (لا تاثير بالضرر علي السيارة )[/color][/size]
الحاجة الوحيدة الخاطئة انك بعد ما تمور تقوم دايس بنزين وتعشق d وانت دايس البنزين - انما لو عشقت من غير ما تدوس بنزين - ولا الهوا - الفتيس حياخد نقلة اعلي من السرع اللي انت ماشي عليها وغالبا حتكون الرابع
الفتسي الاتوماتك في ميزة طول عمر والدي بيقوللي عليها - لايمكن يسمحلك تاذية او تاذي اخوة اللي هوا الموتور - دايمن حيعمل الصح الاول - حتي في الاستيب ترونيك

ياسيدي الفاضل انا ماباسوقش غير اوتوماتيك من حوالي 12 سنة و عندي عربيتين اوتوماتيك في الوقت الحالي (فرونتيرا و لانسر) ومتأكد من دي العربية لما مورتها و عشقتها تاني (الفرونتيرا) الار بي ام على جدا كأني سقطت الاولاني
بس الهوندا الاكورد (كانت معايا لغاية 3 سنين) كنت امور و اعشق تاني مكانش فيها مشكلة, و تاخد الغيار عادي جدا و لا تحس ان الموتور علي , واضح ان الموضوع فية اختلاف من عربية لعربية و دة اللي انا قلتة من الاول ان بيختلف ومش واحد في كل العربيات

المشاركة الأصلية كتبت بواسطة yasserelsayad

انا مش بتكلم لما تمور العربية .. انا بتكلم والعربية على d لو شلت رجلك من على البنزين الrpm مش هينزل اكنها على الـ n لكن هيفضل ينزل مع السرعة اكنك بتهدى.
شوف المشاركة اللى انا معلق عليها وانت تفهم انا بتكلم على ايه

لا عندي بينزل عال 800 لفة/دقيقة كأن العربية ممورة

انا مش عارف انتوا عاملين في نفسيكم كدة ليه ! الي مش مقتنع ميعملش و الي مقتنع يعمل و في الاخر كل واحد حر ! انا شايف شوية و الناس حتضرب بعض !

هيا ليه كل حاجة بقيت عراك و خناق ! انا لسه راجع من مشوار و بضرب نفسي اني نزلت النهاردة اساساً انا جي و مش طايق نفسي و لا الناس و لا اي حاجة الناس بقت مستفزة و غريبة و معندهاش احساس و بقيت مش عارف اقول ايه والله

انا نفسيتي تعبانه قوي :( فحبيت الناس متعملش زي في الشارع هنا برضه :(