ينفغ تمور"n" و انت سايق ال سيراتو اوتوماتك ؟

**Adham** · 06-10-2010 11:32 AM

المشاركة الأصلية كتبت بواسطة computerking

انا مش عارف انتوا عاملين في نفسيكم كدة ليه ! الي مش مقتنع ميعملش و الي مقتنع يعمل و في الاخر كل واحد حر ! انا شايف شوية و الناس حتضرب بعض !

هيا ليه كل حاجة بقيت عراك و خناق ! انا لسه راجع من مشوار و بضرب نفسي اني نزلت النهاردة اساساً انا جي و مش طايق نفسي و لا الناس و لا اي حاجة الناس بقت مستفزة و غريبة و معندهاش احساس و بقيت مش عارف اقول ايه والله

انا نفسيتي تعبانه قوي :( فحبيت الناس متعملش زي في الشارع هنا برضه :(

فين يا سيدي الفاضل العراك الناس بتتناقش باسلوب محترك و كل واحد بينقل تجربتة

المشاركة الأصلية كتبت بواسطة normal

أنا مش شايف أى خناقه ولا عركه ولا حاجه :)
دى ناس بتتناقش وكل واحد بيقول رأيه

+1

المشاركة الأصلية كتبت بواسطة hm414

حاجه كمان للي بيقولي ده بيعلي الار بي ام
مهو ده الطبيعي ان الار بي ام يعلى

اللي بيقول ان الار بي ام بيعلى مش بيقول انة بيعلا شوية او النسبة العادية للنقلات, الار بي ام بيعلى لدرجه الرد زون يعني وصل ل 6000 لفة ار بي ام و اكتر

هوا انتا لو فاتح عالخامس في عربية مانيوال وجايب 160 وبعدين مورت ووصلت العربية ل 120 (طبعا في الوقت ده العربية مموره) وجيت جبت الخامس تاني مش الار بي ام هيعلى عشان يكمل؟؟؟
ده الطبيعي

لا يا سيدي الفاضل لو السرعه نزلت من 160 ل 120 و جبت الخامس تاني الار بي ام حاينزل مش حايطلع, يعني لو كان على 4000 على 160 عالخامس حايبقى على 3000 على 120 عالخامس برضة

بلاش دي
نفترض انك ماشي عالدي وحبيت فجأة تشد مع واحد
مش حضرتك بتجيب دي 2 او دي 3 واىلار بي ام يعلى (بالعربي يعني كأنك سقطت نقله)
عادي فين المشكله في كل ده مش عارف؟؟؟!!!

اللي انت بتتكلم فية دة قصة تانية خالص, اللي بنتكلم فية ان (في بعض السيارات) لو مورت عالنيوترال و عشقت تاني ممكن الفتيس ماياخادش الغيار المناسب للسرعه و ياخد غيار واطي جدا و تلاقي الار بي ام على جدا و الفتيس ممكن ينتهي في الحركه دي

في الاردن كنا بنبقى ماشيين عالدي ومبيجيش منزل الا ونجيب فيه دي 2 ومطالع على دي 1 وبننقل علطول من الدي

في منزل مش مفروض انك تسقط نقلات اساساً (الا لو بتحكم العربية "إنجن بريك"), تسقيط النقلة في المطالع و مع الحمولة فقط, يعني لو بتطلع كوبري و محمل وزن تقيل و ماشي بسرعه منخفضة قول 60 كم/س يبقى ممكن تسقط , و السواق المتمكن من الاوتوماتيك مش بينقل من السيليكتور خالص و انما بضبطه رجلة عالبنزين (بالكيك داون يعني) يقدر يخللي العربية تسقط و يحكمها عالغيار اللي هوة عايزة لغاية ما هو عاوز و يخليها تنقل وقت ماهو عاوز

انما اللي بستعمل السيليكتور دة مع احترامي مش واخد على سواقة الاوتوماتيك او مش متمكن و رجلة مش حساسة عالدواسة, لان السيليكتور مش معمول انك طول مانت ماشي شغال علية زي المانيوال,’يقابلك مطلع و للا منزل و للا عايز تعدي عربية عمال تسقط و تطلع في نقلات, برجلك تعمل كل اللي انت عايزة من غير ما تلمس السيليكتور

ولو كان في مشكله من النقل من الدي للان والعكس كانو عالاقل منعوها في الفتيس زي الريفيرس

الترباس بيمنع الريفرس منعا للاخطاء انك تحط الريفرس او الباركنج لو رجلك خبطت في السيليكتور مثلا او طفل جنبك خبط السيليكتور و انت سايق, و لكن و انت واقف مش بيمنع الدرايف, الترباس وضعيتة واحدة سواء و انت ماشي او و انت واقف, يعني اللي لازم تدوس فية الزرار هوة هوة سواء و انت واقف او ماشي, و حيث انك بتنقل الدرايف و انت واقف عادي يبقى برضة حايقبلة معاك و انت ماشي

الخلاصه مفيش مشاكل من ده اطلاقا

لأ فية مشاكل و فية فتيسات لما تمورها و تعشقها تاني ممكن تلاقيها بتاخد الغيارات من الاول خالص , يعني تبقى ماشي 120 و تمور و تعشق تلاقيها خدت الاولاني او التاني, و انا حصلت دي معايا مرتين, و فية عربيات تانية مافيهاش اي مشكلة, الهوندا الاكورد عندي كانت تاخد غيار عالي تاني و مافيهاش اي مشكلة

اما عن الهدف ليه ممكن الواحد يمور في الاوتوماتيك
ساعات بيكون الطريق مساعدك والعربية ماشيه لوحدها فالواحد بيبقى عايز يريح رجله من دوس البنزين مثلا واهي العربية منطلقه بسرعتها

العربيات الاوتوماتيك لما بتشيل رجلك من الدواسة العربية بتمور و الار بي ام بينزل للايدل و الا كانت العربيات الاوتوماتيك لما تشيل رجلك تلاقيها بتكلبش زي المانيول

المشاركة الأصلية كتبت بواسطة otefa

الأوتوماتيك ليه سيستم مختلف عن العادي زي ماوضحت في تجربتي في عربيتين مختلفيتين لما تشيل رجلك مابيحملش ويعمل تباطأ زي الفتيس العادي بيبقي أقرب لحالة النيوترل .........فا مش شايف فايدة من موضوع النيوترال لأن النقل من النيوترال للدي بيحمل علي الكلاتشات ولو بنسبة بسيطة يعني الأصح عدم أستخدامه ألا للضرورة كتسقيط نقلة لأنجن بريك في منزل أو عزم لمطلع

+1 كلام حضرتك سليم

المشاركة الأصلية كتبت بواسطة bishoy02010

حضرتك بتقول زرار يعنى هيعمل حاجة مش طبيعية زى موضحت

وده بيأكد كﻻمى هوه لو الموضوع غلط مكنش هيسمحلك تنقل للدريف من ال n غير لما تكون واقف مهيا مش صعبا هيطبق نفس فكرة ال r والموضوع خلص + ان محدش رد فى موضوع الكتالوج بيقول انها غلط وﻻ ﻷ + ان العربية لما برجعها على ال دريف مبحسش بأى حاجة وبتاخد تقريبا أعلى غيار

مش كل العربيات بتعمل كدة فية بتاخد غيار عالي و فية بتاخد اول غيار او تاني غيار و بالتالي اللي عربيتة بتاخد غيار واطي مفروض مايعملش دة, و بالنسبة للزرار فهو بيقبل انك تحط الدرايف و انت واقف عادي و بالتالي بيقبلها و انت ماشي

المشاركة الأصلية كتبت بواسطة yasserelsayad

ممكن فى اختلاف من عربية للتانية بس انا بتكلم على الجديد والسيراتو بالخصوص .. بس بالنسبة للفتيس بيمور لما بتشيل رجلك فا انا مركبتش عربية كدا الصراحة .. فا دى معلومة استفدتها منك وشكرا :)

العفو

**Adham** · 06-10-2010 11:46 AM

المشاركة الأصلية كتبت بواسطة yasserelsayad

ممكن فى اختلاف من عربية للتانية بس انا بتكلم على الجديد والسيراتو بالخصوص .. بس بالنسبة للفتيس بيمور لما بتشيل رجلك فا انا مركبتش عربية كدا الصراحة .. فا دى معلومة استفدتها منك وشكرا :)

العفو

بس انا عاوز حضرتك تراقب الار بي لما بتشيل رجلك من البنزين, لانة لازم يفصل مجموعه الحركه و يمور الفتيس و الا كنت تلاقي مقاومة في فرملة السيارة لان الموتور متصل بالجير بوكس و العجلات,

زي الفرق بين ماتفرمل و انت معشق او و انت دايس دبرياج في المانيوال

وكانت العربية تبطل لما تقف على اساس ان الموتور متصل بالجير بوكس و العجلات و طالما العجلات وقفت يبقى اكيد الجير بوكس حايخللي الموتور يقف

زي العربية المانيول, مش لو انت وقفت العربية و العربية معشقة بدون ماتدوس دبرياج او تمور , اول ما العربية تقف تماما حاتلاقي الموتور بطل ؟؟؟

يبقى دة بيؤكد ان الفتيس الاوتوماتيك بيمور (بينفصل عن الموتور) , مع رفع القدم عن دواسة البنزين

**dr.hazem** · 06-10-2010 07:07 PM

يا استاذ ادهم الاختلاف لا يفسد للود قضيه
حضرتك فهمت جزئيات كتير من كلامي غلط
لما قلت ان الار بي ام بيعلى في المنيوال عالخامس اقصد ان وانتا مممور مهو بيكون ايدل يعني مثلا 800 ومن ثم يعلى تاني اقل مما كان عليه...

ثانيا موضوع الرد زون ده غريب والله
اعتقد انه لو موجود فهو عيب في العربية دي تحديدا
مش لحاجه
انما لان انا سقت عربيات اوتومناتيك وموديلات اقل من ال ثمانينات وعمره الكلام ده ما حصل او صادفني في ولا عربية
علما باني سقت امريكي والماني وكوري اوتوماتيك ولا شفت الكلام ده مره واحده....

ثالثا بقا هل حضرتك رحت الاردن او سمعت حتى عن السواقه هناك عامله ازاي؟؟؟
دي بلد جبليه
عايز اقربلك صوره اكيد حضرتك مسمعتش عنها
في اغلب الطرق في الاردن بتلاقي يافطه مكتوبه (لاتعتمد على المكابح واستخدم الغيارات العكسيه او الغيار الثقيل)
ده عشان تفهمني لما بقول تسقيط نقله
اما عن انك تسقط نقله بطريقة دواسة الينزين على المنازل هناك فده اشبه باللي ارتكب جريمه فحق نفسه لان لو رجله متظبططتش ااكدلك انه هينزل فاول وادي جنبه
طرق الاردن من كتر منتا بتكون على جبال بتبقا مش شايف قعر الجبل في ايه وقدامي عربيات لوحدها فقدت السيطره وراح هوب نازل في الوادي
ولدرجة انهم حتى مبيقوش في الغيار العكسي بيحطو حاجات عالطريق اسمها مهابط بيبقى في نص المنازل الطويله عاليمين كده مطلع بمسافه 100 متر بيتعمل على اساس لو العربية فلتت منك تطلع المطلع ده فالعربية تهدى وتعرف توقفها...
بعد كل الكلام ده اعتقد انه اللي هناك بيسوقوا اوتوماتيك على اصوله مش هزار (والاوتوماتيك عموما هناك مش بيصمد والمانيوال يبقى الاقوى والافضل وحديثا فقط اصبحت السيارات هناك بتنزل بمواصفات خاصه للظروف دي...)

رابعا
موضوع الانجن بريك بالاوتوماتيك
انا كل العربيات اللي سقتها لما بشيل رجلي من عالبنزين الار بي ام بيفضل عالي
مبيتعملش انجن بريك ده كلام مظبوط لكن عمره مبيبقى في حالة ايدل وعموما ده حاجه ممكن فعلا تكون بتختلف من عربية للتانيه والله اعلم...

خامسا مش مقتنع بحكاية الترباس معمول عشان احتمالليه الخطا لان في ترباس حتى على فتيسات الامريكي اللي بتبقى ورا الدركسيون اللي معتقدش اني هخبطها بالغلط او طفل هينط عليها كده خطأ
معرفش ايه الحكمه لكن اكيد مش معموله عشان حضرتي مبعرفش اركب اوتوماتيك وبغلط (اروح اشتري مانيوال احسن بقا....)

سادسا هل في مشاكل او لأ
فكل واحد يرجع لعربيته وكتالوجاتها ويقرأ لكن في حدود خبرتي البسيطه محصلش معايا مشاكل ولا حتى في الموديلات الثمانينات(دحنا حتى كنا بنمور وندوس بنزين جامد عشان الار بي ام يعلى ونجيب دي ونحرق كاوتشات ياما وعمرنا مشتكينا من حاجه...)
ومش بقول ان ده كان صح لكن عالاقل العربيات دي كانت قديمه ولو كان في حاجه كانت حصلتلهم من باب اولى....

موضوع ان الاوتوماتيك بيمور لوحده دي زي مقلت جايز تكون في عربيات معينه انما عمري ماشفتها في عربية من اللي ركبتهم...

بس ياسيدي وان شاء الله ميكونش كلامي فيه حاجه مش مفهومه تاني

تحياتي

**dr.hazem** · 06-10-2010 07:10 PM

عايز اقول حاجه برضو
ان كلامي ده كمان من واقع تجربتي مع السيراتو فعليا وده المهم بالنسبه للموضوع من الاساس

سلامي للجميع

**moha4tec** · 07-10-2010 09:57 PM

السلام عليكم
المانيوال بتاع النيو سيراتو اهو,اللى عايز يقرا يقرا
بس اللى فهمته انه ممكن تنقل من ال الدى للمور عادى و لكن متنقلش من المور للدى الا و هى وقفه خالص او الار بى ام على الايدل فقط...
و الله اعلم

لينك المانيوال

RapidShare AG, Cham, Switzerland

بس هو انجليزى بس سهل ان شاء الله
و السلام ختام

**moha4tec** · 07-10-2010 10:06 PM

صفحه 200
فى مانيوال السيراتو

CAUTION
• To avoid damage to your
transaxle, do not accelerate the
engine in R (Reverse) or any forward
gear position with the
brakes on.
• When stopped on an upgrade, do
not hold the vehicle with engine
power. Use the service brake or
the parking brake.
• Do not shift from N (Neutral) or P
(Park) into D (Drive), or R
(Reverse) when the engine is
above idle speed.

صفحة 204

Good driving practices
• Never move the shift lever from P
(Park) or N (Neutral) to any other position
with the accelerator pedal
depressed.
• Never move the shift lever into P (Park)
when the vehicle is in motion.
• Be sure the vehicle is completely
stopped before you attempt to shift into
R (Reverse) or D (Drive).
• Never take the vehicle out of gear and
coast down a hill. This may be
extremely hazardous. Always leave the
car in gear when moving.
• Do not "ride" the brakes. This can
cause them to overheat and malfunction.
Instead, when you are driving
down a long hill, slow down and shift to
a lower gear. When you do this, engine
braking will help slow down the vehicle.
• Slow down before shifting to a lower
gear. Otherwise, the lower gear may
not be engaged.
• Always use the parking brake. Do not
depend on placing the transaxle in P
(Park) to keep the vehicle from moving.

و السلام ختام

**moha4tec** · 07-10-2010 10:35 PM

الشكر لله يا نورمال بس بردو لو سمحت اقرا المانيوال كله من صفحة 200 حتى 206
و قولى رايك

**dramir1** · 07-10-2010 10:35 PM

المشاركة الأصلية كتبت بواسطة moha4tec

صفحه 200
فى مانيوال السيراتو

caution
• to avoid damage to your
transaxle, do not accelerate the
engine in r (reverse) or any forward
gear position with the
brakes on.
• when stopped on an upgrade, do
not hold the vehicle with engine
power. Use the service brake or
the parking brake.
• do not shift from n (neutral) or p
(park) into d (drive), or r
(reverse) when the engine is
above idle speed.

صفحة 204

good driving practices
• never move the shift lever from p
(park) or n (neutral) to any other position
with the accelerator pedal
depressed.
• never move the shift lever into p (park)
when the vehicle is in motion.
• be sure the vehicle is completely
stopped before you attempt to shift into
r (reverse) or d (drive).
• never take the vehicle out of gear and
coast down a hill. This may be
extremely hazardous. Always leave the
car in gear when moving.
• do not "ride" the brakes. This can
cause them to overheat and malfunction.
Instead, when you are driving
down a long hill, slow down and shift to
a lower gear. When you do this, engine
braking will help slow down the vehicle.
• slow down before shifting to a lower
gear. Otherwise, the lower gear may
not be engaged.
• always use the parking brake. Do not
depend on placing the transaxle in p
(park) to keep the vehicle from moving.

و السلام ختام

جزاك الله خيرا على النصائح الغاليه دي

-

الموضوع: ينفغ تمور"n" و انت سايق ال سيراتو اوتوماتك ؟

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة