الموضوع: دراسة لاتخاذ قرار شراء الرينو لوجان 2011 ارجو التعاون .

بصراحه انا بقالي فتره بدور على افضل عربيه زيرو في حدود ال70 الف ... انا كان معايا كورسا 98 ... مريحه و كويسه بس طلع عيني ف قطع الغيار و الصيانه ... قطع الغيار استيراد تقعد تلف عليها الحرفيين لغيت اما تلاقي واحد من الشمامين الي هناك عندو حاجه تنفعك و يبعهالك اغلى من الجديد ... طبعا لانو عارف ان الجديد كلو مضروب .. ده غير الصنايعيه الي مضروبين اكتر من قطع الغير الجديده .. انا بصراحه كنت استقريت تماما على اللوجن الكامله الي ب 68500 -طبعا بعد ما شفت المنتدى الهائل ده-بس الموزعين بيقولولي الاسبوع الي الي جاي ان شاء الله ... المهم قابلت واحد صاحبي من ساعتيين مهندس ميكانيكا ف شركه بترول - محدش يتريق لو سمحتم على حكايه مهندس البترول الي بيفتي فالعريات ده- قالي مفيش احسن من الانوس قطع غيار ببلاش و موجوده عند البقالين و اي سباك بيصلحها ... لو جبت رينو التوكيل حيبيع و يشتري فيك و مفيش ميكانكي بره التوكيل حيعرف يصلحهالك ... يعني حتحتاس بيها برضو ... انا بصراحه اترعبت .. قلت ارجع لكم يمكن حد يطمني او ياكدلي الكلام ده ... و سؤال تاني هل الفرق بين الميجن الكامله و الهاف ابشانز يستاهل فرق الفلوس و تاخير وقت الاستلام ؟؟؟ و هل فعلا العربيه نازله الاسبوع الي جاي ولا استمرار للشمامين في حياتي ؟؟؟
معلش انا عارف اني طولت عليكم -زي ما اكون بحكي قصه حياتي - بس معلش حقكم علا مقدما

ربنا يوفقك للإختيار الصحيح إن شاء الله...
بالنسبه للتكييف كان فوق الممتاز لحد درجة حرارة 38....وممكن تظبته لو حضرتك فى مكان بتعدى درجة الحراره فيه 40...على فكره كنت فى عز الظهر مره مع واحد قريبى معاه تيريوس وطبعا العربيه أغلى بكتيير من اللوجان وبالرغم من كده قالى إن تكييف اللوجان أشد من التريوس...
على فكره الشنطه بتتفتح من جوه عادى من زرار السنتر فى الطابلوه
الأنا شايفه عيب شويه إن الشنطه عاليه شويه من ورا ودى بتأثر فى الركن بس ومع الوقت حتتعود عادى وممكن تركب باركنج سينسور..
كل الحضرتك كاتبه ده معظمه كانت عيوب فرديه يعنى مينفعش تتحط فى عيوب العربيه أصلا....إلا السخونه ممكن لو تتبعتها تحس بيها بس وومكن تركبلها عازل فى التوكيل...وطبعا لو مشغل التكييف يستحيل تحس بيها....
وربنا يوفقك

المشاركة الأصلية كتبت بواسطة mohnezar

بصراحه انا بقالي فتره بدور على افضل عربيه زيرو في حدود ال70 الف ... انا كان معايا كورسا 98 ... مريحه و كويسه بس طلع عيني ف قطع الغيار و الصيانه ... قطع الغيار استيراد تقعد تلف عليها الحرفيين لغيت اما تلاقي واحد من الشمامين الي هناك عندو حاجه تنفعك و يبعهالك اغلى من الجديد ... طبعا لانو عارف ان الجديد كلو مضروب .. ده غير الصنايعيه الي مضروبين اكتر من قطع الغير الجديده .. انا بصراحه كنت استقريت تماما على اللوجن الكامله الي ب 68500 -طبعا بعد ما شفت المنتدى الهائل ده-بس الموزعين بيقولولي الاسبوع الي الي جاي ان شاء الله ... المهم قابلت واحد صاحبي من ساعتيين مهندس ميكانيكا ف شركه بترول - محدش يتريق لو سمحتم على حكايه مهندس البترول الي بيفتي فالعريات ده- قالي مفيش احسن من الانوس قطع غيار ببلاش و موجوده عند البقالين و اي سباك بيصلحها ... لو جبت رينو التوكيل حيبيع و يشتري فيك و مفيش ميكانكي بره التوكيل حيعرف يصلحهالك ... يعني حتحتاس بيها برضو ... انا بصراحه اترعبت .. قلت ارجع لكم يمكن حد يطمني او ياكدلي الكلام ده ... و سؤال تاني هل الفرق بين الميجن الكامله و الهاف ابشانز يستاهل فرق الفلوس و تاخير وقت الاستلام ؟؟؟ و هل فعلا العربيه نازله الاسبوع الي جاي ولا استمرار للشمامين في حياتي ؟؟؟
معلش انا عارف اني طولت عليكم -زي ما اكون بحكي قصه حياتي - بس معلش حقكم علا مقدما

انا لم افهم حضرتك وجهة نظر حضرتك هتشتري لوجان ولا لأ بعد ما بتقول التوكيل هيبيع ويشتري فيك في موضوع قطع الغيار واللانوس قطع غيارها ببلاش والسباكين بيصلحوها
نرجو التوضيح

المشاركة الأصلية كتبت بواسطة bishoy02010

1. فى التوكيل غالية إلى حد ما غير متوافرة زى إيه ؟؟؟

2. معرفش حاجة عن الموضوع ده او مش واخد بالى منه لأنه مش عاملى اى مشكلة ده على إفتراض انه موجود

3. مبركزش بصراحة لأنى مبسمعوش أصلا

4. الشنطة ممكن البنزين لأ وده مش عيب على فكرة :-)

5. مبقاش فيه عضه الموضوع ده اختفى من زمان

6. ولا أعرف حاجة عنها غير حصلت مع حد فى المنتدى تقريبا وتقريبا برده فيه حوالى 200 واحد معاهم لوجان فمش عارف النسبة هتبقى كام

7.هوه الصح والطبيعى بقى غلط !!!

8.ديه موجوده فى أى عربية فى الدنيا تقريبا

9.حضرتك حكمت على الموضوع ده على أساس إيه انا شايف الناس اللى باعت فى المنتدى باعت بسعر كويس ومناسب يعنى مش قليل

10. ممكن

11. ديه أسهل حاجة انك تستعملة فى الملف :-)

12.وماله

13.حد يوريهانى فى العربية طيب عشان انا مش عارف حضرتك بتتكلم على إيه

14.مش فاهم

15.حضرتك بتشترى عربية ب 68.500 يعنى كتر الف خيرهم انهم عاملين الأوبشن ده ( اول عربية اعرفها فيها الموتور مينى فابيا سبورت إيديشن )

16. أكيد بتتكلم عن عربية تانية :)

17. لأ مش اللوجان أكيد اللى حضرتك بتتكلم عليها

أزودلك حاجة نسيتها :-)

18. الزجاج الأمامى بيتسرطن لوحده حصلت لحوالى 3 تقريبا فى المنتدى من 200 وديه نسبة أعلى من النسبة بتاعة الدواسة اللى بتعلق :-)

البنزين اللى حضرتك بتقول عليه معقول أتحدااااااااااك لو جبت عربية بتعمل رقم زيه أصلا

نصيحة أبعد عن اللوجان لأن انا لو رايح أشترى عربية وطلعت فيها الحاجات اللى حضرتك مطلعها أكيد مش هبقى مستمتع بيها بعد كده لأن واضح ان حضرتك نادرا لما حاجة بتعجبك ( حضرتك كتبت مميزات العربية تقريبا فى سطرين وكتبت عيوب غريبة فى 20 سطر .. قصدى ان مميزات العربية اللى لو اتحطت جنب عيوبها هتمسحها أصلا حضرتك تقريبا مش فارقة معاك ومهملها فعلى إيه ) ديه نصيحة مش أكتر :-)

وطبعا ديه وجهات نظر

تقبل تحياتى

السلام عليكم ورحمة الله وبركاته

• اكيد الموضوع وجهات نظر
• انا كتبت المميزات قبل العيوب بموضوعية (وجمعتها كلها بشكل مركز مختصر ؟هي جات في سطرين بدون شرح لكن العيوب كانت محتاجة لللتوضيح والشرح عشان اللي بيقرأ تكون واضحة ولايقول دي معناها ايه ) ايه المشكلة حضرتك لو شايف اني نسيت حاجة من المميزات وضحها .
• الموضوع مطروح للمناقشة الهادئة بدون انفعالات او حساسية
• لا داعي للعبارات المتجاوزة( مش فارقة معاك) (ومهملها )(وعلي ايه).
• لن اضيف مشكلة الزجاج المسرطن لكن انظر للمشكلة دي اهم http://www.nilemotors.net/Nile/183184-a.html
• اشكرك علي النصيحة الغالية

المشاركة الأصلية كتبت بواسطة avatar

انا لم افهم حضرتك وجهة نظر حضرتك هتشتري لوجان ولا لأ بعد ما بتقول التوكيل هيبيع ويشتري فيك في موضوع قطع الغيار واللانوس قطع غيارها ببلاش والسباكين بيصلحوها
نرجو التوضيح

اولا شكرا للاهتمام بالرد ... ثانيا ...انا عايز اشتري اللوجن طبعا بس ,,,
1- فيه ناس كتير بتشتكي فالمواقع من توكيلها ..زي كونتاكت كارز ... لدرجه ان واحد قال انا بعتها رغم انها عربيه كويسه جدا علشان اخلص من التوكيل و قرفه. انا شخصيا مفروض حتعامل معا فرع العجوزه ... لو فيه اي معلومات عنو تطمني عليه .. اكون شاكر
2- موضوع قطع الغيار و ان اي ميكانيكي يقدر يصلحها ... انا مش حاحتاج للموضوع ده الا لو التوكيل قرفني اما غير كده فانا حاحاول ان شاء الله الالتزام بيه
3- واحد صاحبي اشترى نيو اكسنت و قبل ما يروح يامن عليها عمل حادثه جامده التوكيل سعر التصليحات ب 43 الف جنيه ... عملها بره ب 6 الاف جنيه ... ف- لا قدر الله -لو حصل حاجه زي دي تبقى مصيبه الموسم و كل موسم ... علشان كده عايز اطمان اني ممكن اتصرف خارج التوكيل ولا لا ...
4- عايز اعرف رايكم في فرق السعر و فرق سعر التسليم بين العربيه القول اوبشانز و الهاف اوبشنز ... يستاهل ولا لا
انا بصراحه نفسي اطمن على الحاجات دي لاني ميال جدا للعربيه
و شكرا للاهتمام

تسلم يا استاذ نور .. انا بس كنت عايز اعرف ايه الفرق بين مركز الخدمه و التوكيل .. انا رحت شفت فرع احمد عصمت كان عباره عن ورشه 5 متر في 5 متر فهل ده مركز الخدمه ؟؟؟ انا حاولت اتصل بيك انهارده من رقم 0115521550 بس للاسف ... تليفون حضرتك كان مقفول ... شكرا للاهتمام