بقيت اخاف على نفسي من المنتدى

**الغزالى** · 06-10-2010 04:29 AM

المشاركة الأصلية كتبت بواسطة نور القمر

غزالي وصل كله يوسع
طبعا اذا ذكرت الاخطاء الاملائية ذكر غزالي ههههههههههههه
صحيح كورسات شنوري جابت معاك نتيجة ايجابية واتحسنت كتير بس لسه عايزلك شوية كورسات للمدود ههههههههههه
يعني عندك ظلمني المفروض ظالمني
وفي التوقيع بتاعك يارتني المفروض يا ريتني
بس متقلقش يجي منك

ركز مع شنوري شوية

هههههههههههههههههههه ماشى ,,, بس اخلع انا قبل ما الغلاطات تزيد و يتعمل عليا انا الحفله خيلنا فى الضايو احسن

-------------------
بس بجد ماننكرش اننا من كتر ما بنتكلم بالعمى بقينا غصبا عننا بتكتب زى ما بننطق وعشان كدة بنشوف الكلام الغريب الى بيتكتب

**Egyzizo** · 06-10-2010 05:04 AM

طبعا كلكم ملاحظين كم الاخطاء الاملائية البشعة اللي ظاهرة في المنتدى هنا وفي النت عموما
بتلاقي الشخص مهندس ولا طبيب ولا لسه طالب جامعي او معهد وعنده اخطاء املائية
وانا بقول اخطاء املائية مش زلة كيبورد لان في فرق طبعا
تصدقوا بالله من وانا في ابتدائي معنديش اخطاء املائية والحمد لله وربنا يديمها نعمة
وتصدقوا بالله كمان مرة ان من كتر ما عيني اتعودت على الاخطاء الاملائية في المنتدى حسيت اني اتعديت
وبقيت اشك في كلمات كتير دي ياترى بالزين ولا الذال !!!!!!!!!!!
اقولكم على سر خطير.. انا بقيت احيانا اعمل سيرش عن الكلمة قبل ما اكتبها لو شكيت فيها ههههههههههههههههههه
والله بجد حاجة تضحك انا بقيت اخاف على نفسي من المنتدى ليجي يوم واكتب زهب بدل ذهب واكتب مدايقة بدل متضايقة واكتب ثوم بدل ثم واكتب استسمار بدل استثمار واكتب محظوف بدل محذوف واكتب لوغة بدل لغة واكتب مزيع بدل مذيع ..............

هو فعلا ملاحظة اني بقيت اغلط احيانا بس الحمد لله غالبا بلحق نفسي قبل مرور ال 10 دقايق للتعديل
بس احب اطمنكم على نفسي المدود الثلاثة لسه شغالة معايا تمام لحد دلوقت والفرق بين الهاء المربوطة والتاء المربوطة تمام عندي وكمان الالف اللينة اخر الكلمة (ى) والفرق بينها وبين الياء (ي) تمام وربنا يستر عليا في المستقبل
طيب الانجليزي عشان مش لغتنا ومفيش ممارسة ممكن نفوت الاخطاء الاملائية لكن العربي ازاي نفوتها

طيب بمناسبة الإملاء ، إنتى ليه مخاصمة همزة الألف ؟؟
معقول كل الكلام السابق ومافيش ولا ألف عليها همزة ولا حتى تحتها ؟؟
يا ترى ده كسل واللا طنــاش ؟؟ هههه

**haroun707** · 06-10-2010 05:41 AM

اههههههههههههه انتى جيتى على الجرح والله

والكلمه المشهورة اللى بردوا بتتكتب دلوقتى

بيكتبوا عــــــــثل بدل عــــــــــسل

ويارب ارحمنا من مدعيين التعليم

**SkyBird** · 06-10-2010 05:49 AM

وكمان الالف اللينة اخر الكلمة (ى) والفرق بينها وبين الياء (ي)

الفرق في الكتابة بين الاثنين من اختراع بيل جيتس (عاشق اللغة العربية) وليس لها اصل في العربية
بس اختراع جميل بصراحة

**amr100** · 06-10-2010 07:25 AM

هو كلامك صح والاخطاء أصبحت كثيرة لكن الأهم من ذلك ليست الرودود في المنتدى لكن الأخطاء في
مراسلات العمل والخطابات التي تاتي للشغل أصبحت ملئية بالاخطاء والأصل في ذلك مستوى التعليم
في مصر من سيء إلى أسوأ
عندما شخص ما في العمل أريد منه توقيعه على شىء ما وللأسف حاصل بكالوريوس هندسة مع الإعتذار
للإخوة الحاصلين على بكالوريوس الهندسة و أنا أعلم أنه خطأ فردي لكن عندما لا يعرف يكتب الكلمة أو كيف تكتب الهمزة على السطر أو على ياء أو الكلمة ياء أو ألف مقصورة و بهذا المستوى العلمي بأسف لحال التعليم الذي وصلته مصر وللتوضيح أنا لا مدرس عربي ولا أمت بصلة في تدريس للغة العربية أنا أساساً محاسب
لكن أعرف الحد الأدنى في كيفية الكتابة
لهذا يجب الاهتمام بتعلم الحد الادنى للغة وكيفية كتابتها وليس معنى هذا إني لا أخطأ

**M.almaghraby** · 06-10-2010 07:57 AM

المشاركة الأصلية كتبت بواسطة sherif_m72

الموضوع ده فعلا منتشر جدا جدا وحصل فيه اكتر من انتقاد هنا فى المنتديات
وفكرنى بمشاركه من فتره كبيره جدا حبيت اوريهالكم بس والله مش قصدى التشهير بصاحبها انا قصدى كمثال فقط لا غير
(ممنوع الضحك ها انا نبهتكم وانتوا احرار)

ههههههههههههههههههههههههه هههههههههههههههههههه

انا حموت من الضحك ههههههههههههههههههههههههه هه

**aif** · 06-10-2010 09:38 AM

هناك فرق
زلات الكيبورد مفهومة وكلنا بنقع فيها
الكتابة بالعماية اصبح واقع لازم نتعايش معاه
الاخطاء الإملائية ممكن برضه تكون مفهومة وان كان ده مش عذر
لكن اللي مش مقبول هو الركاكة .... ان واحد او واحدة متخرجين من الجامعة ويبقو بالركاكة دي سواء بالعامية او الفصحى
الكارثة الحقيقة ان اللغة العربية مرتبطة مباشرة بالقرآن الكريم ....... وللأسف حتى اسماء الحروف احنا اتعلمناها غلط من صغرنا لأن اللي علمونا مش متعلمين صح اساسا
يعني مثلا مافيش حاجة اسمها حرف الزين ...... اسمه حرف الزاي ..( لا مؤاخذة يا نور )...وغير كدة كتير

**a_samy** · 06-10-2010 11:55 AM

ياااااااه ده حضرتك أتكلمتى فى موضوع كان نفسى أتكلم فيه من زمان بس قلت لنفسى أكيد لو أتكلمت فى حاجه زى كده الناس هتفتكرنى عامل فيها مدرس لغه عربيه ويفتكروا انى بتكبر عليهم مع أنى والله عاوز ألف نظر الناس قبل ما يبقى ده الطبيعى فى مصر.
جزاكى الله كل خير على هذه اللفته وياريت الناس تاخد بالها وتحافظ على لغتنا الجميله أكتر من كده.

-

الموضوع: بقيت اخاف على نفسي من المنتدى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

قدر الله و ما شاء فعل لكن ابتديت اخاف من اللوجان للاسف((فعلا متضايق))

اسعار التوكيل النهارده خلتني اخاف اقرب من اي شارع فيه توكيل؟؟

نفسي .. نفسي .. نفسي .. نفسي اروح اسكندرية

باركولى بقيت عضو فعال فى المنتدى

بدات اخاف تانى من شراء الجين 2

الكلمات الدلالية لهذا الموضوع

المفضلات

المفضلات

ضوابط المشاركة