رعشة جامدة فى الميجان

**SoFiMaN** · 10-10-2010 02:20 PM

هو ايه الكوبلن اصلا ده و مكانه او وظيفته ايه ؟

**pioneerahmed** · 10-10-2010 02:37 PM

المشاركة الأصلية كتبت بواسطة ahmed a.maksoud

حمداً لله على سلامة ميجى يا باشا

من أهم الحاجات اللى الواحد المفروض يبص عليها فى العربية هى غطاء الكوبلن.....و هل الأفيز اللى عليها مربوط كويس و لا لأ علشان لو الأفيز مش مربوط كويس الشحم هينزل من الكوبلن و الكوبلن ممكن يقفش بسهولة.

الله يسلمك يا احمد باشا

انا مكونتش اعرف الحوارات بتاعة العفشة و الكبالن دية خالص

بس صحيح الغطاء بتاع الكوبلن دة جوة اوى مش هعرف اشوف ازا كان مربوط كويس و لا لا

لازم اروح كل شوية لحد يفك و يراجع و لا ليها طريقة تانية؟

**Elsarrawy** · 10-10-2010 02:44 PM

المشاركة الأصلية كتبت بواسطة sofiman

هو ايه الكوبلن اصلا ده و مكانه او وظيفته ايه ؟

الكوبلن دا موجود في العربيات ذات نظام الجر الأمامي

ووظيفته نقل الحركة من الموتور إلى العجل الامامي

وبالتالي في منه اثنين كوبلن في كل سيارة تعمل بنظام الجر الامامي خلف كل عجلة كوبلن

**Elsarrawy** · 10-10-2010 02:54 PM

المشاركة الأصلية كتبت بواسطة pioneerahmed

الله يسلمك يا احمد باشا

انا مكونتش اعرف الحوارات بتاعة العفشة و الكبالن دية خالص

بس صحيح الغطاء بتاع الكوبلن دة جوة اوى مش هعرف اشوف ازا كان مربوط كويس و لا لا

لازم اروح كل شوية لحد يفك و يراجع و لا ليها طريقة تانية؟

ممكن اثناء غسيل شاسيه السيارة من اسفل تبص عند كل عجلة وتشوف كاوتشة الكوبلن في مكانها ولا لأ

وممكن تكسر العجل على الآخر يمين ومحاولة النظر على الكوبلين اليمين والعكس صحيح

وعموماً اهم حاجه احساسك بالعربية هو دا الي بيخليك تكتشف في مشكلة فيها ولا لأ وكل مشكلة وليها مكان وسبب وحل طبعاً

وباحساسك بالمشكلة بتعرف تحدد مكانها وسببها تقريباً

ولو ماعرفتش تحدد سببها بتروح لفني متخصص وتقوله على مكانها واعراضها وهو بيعرف السبب وبيعالجه بسهولة خصوصاً لو كان فني ماهر

والف مبروك على اصلاح الميجان

**Ahmed Selim** · 10-10-2010 02:54 PM

المشاركة الأصلية كتبت بواسطة pioneerahmed

الله يسلمك يا احمد باشا

انا مكونتش اعرف الحوارات بتاعة العفشة و الكبالن دية خالص

بس صحيح الغطاء بتاع الكوبلن دة جوة اوى مش هعرف اشوف ازا كان مربوط كويس و لا لا

لازم اروح كل شوية لحد يفك و يراجع و لا ليها طريقة تانية؟

بص هو علشان تكون فى الأمان يبقى تروح لحد ينزل المصفحة اللى تحت الموتور و يبص

المشاركة الأصلية كتبت بواسطة elsarrawy

الكوبلن دا موجود في العربيات ذات نظام الجر الأمامي

ووظيفته نقل الحركة من الموتور إلى العجل الامامي

وبالتالي في منه اثنين كوبلن في كل سيارة تعمل بنظام الجر الامامي خلف كل عجلة كوبلن

هو وظيفته تحديداً نقل الحركة من الفتيس الى العجل الأمامى

و فيه نقطة تانية حبيت أوضحها لصاحب السؤال

أن الكوبلن فيه منه أتنين فى العربية بس كل ناحية منهم ليها رأس كوبلن و الرأس دى هى اللى الميكانيكى بيطلق عليها مجازاً كلمة كوبلن

يعنى فعلياً فى 4 رؤوس كبالن فى العربية.....2 ناحية العجل و 2 ناحية الفتيس.
ساعات اللى بايظ بيبقى اللى ناحية العجل و هو ده الأكثر شيوعاً وساعات بيبقى الرأس اللى ناحية الفتيس لوحدها و ساعات الأتنين.