الموضوع: تعمل ايه لو اكنشفت ان مراتك حوشت من وراك مبلغ كبير ؟؟؟

بالظبط كدة زي ماشنوري بيقول
يعني لو بتديها مثلا 1000 جنية في الشهر
والبيت بيتصرف علية كويس ومش ناقصة حااجة وهيا بتحوش منة
يبقي حاجة كويسة
انما لو بتديها 1000 جنية وعمالة تقلك مش بيكفي والكلام دة وهيا يتحوش نصهم دة يبقي غير طبيعي

لو هيه مش مقصره فى حاجه وعرفت تحوش مبلغ .. هفرح جدا واعرف انى عرفت انقى فى اختيارى ..

لأ طبعاً حاجة تضايق ، ماشى توفر من مصروف البيت وتشيل لوقت زنقة ، بس أكون عارف ، إنما من ورايا فدى حاجة مش ظريفة خالص.

فى الاول بس يا جماعه انا بتكلم عن الموضوع كظاهره عامه وانتشرت مش مشكله شخصيه وباخد رأيكم فيها
يعنى الموضوع ميخصنيش الحمد لله لسه محصلش معايا بس قولت افتح الموضوع واستعد يمكن يحصللى فى يوم من الايام
بس اكتشفت ان الموضوع عادى عند الناس وواخداه ببسااااااطه ولا اكن الجواز ده شركه وعيله
ترضى شريكك فى المحل او فى مشروعك يحوش من وراك سنين من فلوس الشغل وتكتشف ده بعد عشررررره سنييييين وانت فاكره صاحبك وشريكك هى دى مش تعتبر ........
هو لو بيحوش من فلوسه وانا مالى ده انا اشجعه لكن من فلوسى وفلوس الشغل
طب لو صارحنى وفهمننى يبقى انا مقدرش اتكلم وممكن ازود الفلوس لكن من ورايا لييييه وازاى أأمن ليه تانى فى حاجات تانيه

انا شايف ان كل الردود برضه عادى والموضوع زبادى فى الخلاط ومش واخدين بالكم انا بتكلم عن ايه وواخدين الموضوع عااااااااادى جدا كووووووووول

المشاركة الأصلية كتبت بواسطة tameraast

No comment

طب تعبت نفسك اوى يا باشا كده ليه وكتبت الكلمتين دول
ياريت توضح رد حضرتك اكتر

المشاركة الأصلية كتبت بواسطة hm414

هههههههههههههه
طب ياريت هيا تحوش اي حاجه
مهو هيا اللي ممكن تكون مبذره ومبتعرفش تحوش
عموما مفيش مايمنع انها تحوش من مصروفها الشخصي
انما من مصادر مجهوله هنا هتكون المشكله


تحياتي

مصروفها الشخصى حتحوش منه مبلغ زى ده يا باشا ليه بتديها كام فى الشهر ومهما كان هو حيكفى مصاريفها الشخصيه والتحويش

المشاركة الأصلية كتبت بواسطة نور القمر

خيانة ليه
هي اخدت الفلوس من وراك؟؟
ولا انت بتديها 10 جنيه وتصرف 8 وتشيل 2
وهل لو اتزنقت في فلوس لحاجة مهمة زي مرض لا قدر الله هاتمنعهم عنك ؟

اه من ورا جوزها امال قالتله انا حوشت انهارده 10 جنيه وامبارح اشتريت اباجوره ب50 وقولتلك 100 وشيلت ال50 التانين لو هى عملت كده وقالت والله يبقى حلال عليها ومقدرش اتكلم لانها بتشيل لوقت زنقه
وفيه ستات بتعمل كده يعنى مش حاجه غريبه انها تشيل وجوزها عارف ايه الى يحصل لو عرف

واللى يخللى واحده تحوش من ورا جوزها سنييييين ويبقى معاها مبلغ محترم يخلها تخاف تقوله وقت زنقه
احنا مش بنتكلم عن 100 ولا 1000 احنا بنتكلم عن مبلغ محترم

الا لو هى زوجه اصيله وحتقف جنب جوزها وفى نيتها انها تقوله لكن الى مش فى نيتها و عارفه انه غلط تفتكرى حتعمل كده


فى الاخر لايصح الا الصحيح ليه ميبقاش فيه صراحه بينهم وتقوله فيها ايه
بلاش تشيلهم فلوس تقوله حجيب بيهم دهب عشان منمدش ايدنا عليهم لو هى فعلا بتفكر فى مصلحتهم

لاكن الحلات الى بتكلم عنها وشوفتها لالالالالالالالالا بقولك دول وصلت انهم بيقولو وانا حعمل ايه لو رمانى فى الشارع فى يوم من الايام

المشاركة الأصلية كتبت بواسطة cdkareem

ياريت طبعا
ده شيئ كويس اوى على فكرة
وفى الموضوع ده خلى حسن النية ديماً متوفر ،

حسن النيه ازاى يا باشا مهو الموضوع من الجانب التانى مش حسن النيه يبقى انا افترضه ازاى
واحد مد ايده فى جيبك تقول عادى خلينى حسن النيه يمكن معندوش جيب

المشاركة الأصلية كتبت بواسطة zrzr1

مش مشكله يباشا واحسن ما تكون ست مبزره وتلاقيك مديون كل شهر
وبعدين اكيد عايناه لأزمه لاقدر الله لو احتجتم المبلغ
وبعدين انا لو منك اخدهم واغير العربيه ...يلا ياعم فلوس مكنتش ع البال :d

ههههههههه اقسم بالله انا مبتكلمش عن نفسى
بس برضه الموضوع يغيظ انت تشتغل وتتعب وتصرف على البيت لاخر مليم فى جيبك و تلاقى مراتك بتقولك انا معايا 20 ولا 30 الف ورايحه بكره اشترى عربيه ليا مثلا !!!!!!!!

المشاركة الأصلية كتبت بواسطة mazagangee

دي فلوسها و هيه حرة فيها
ايه المشكلة ان الست يكون معاها فلوس من مصروف البيت من ميراثها ... مفيش مشاكل لكن خيانة دي كلمة كبيرة قوي على انها محوشة فلوس

فلوسها ازاى يا باشا انت مش فاهم الحوار ولا ايه
وهو مفهوم الخيانه بقى ايه فى نظر الناس بين الزوجين
هى الخيانه دى اصلا كلمه عامه مش كلمه بتتقال لما ...........

المشاركة الأصلية كتبت بواسطة نور القمر

على فكرة انا ايام العز واكل الوز في ابوظبي كنت بحوش مبالغ كبيرة واشتري دهب كمان
وفي مرة مرتب جوزي اتأخر 3 شهور واتزنقنا وطلعت المستخبي وكان فرحان بيهم جدا
وهو راح معايا بنفسه فتح لي حساب في البنك احوش فيه الفلوس
ولما بيحتاجهم بسحبهم ولما ربنا يفرجها بيرجعهم تاني ومش بيقول دي فلوسي وهي حوشتهم من ورايا

ايييييييييييييييييييييييي ييييييوه حطى تحت كلمه بشترى دهب دى 10 خطوط يعنى جوزك شايف انتى جبتى دهب وعارف منين
وممكن كمان تشترى منها حاجات للبيت او الاولاد ده ولا عيب ولا حرام مدام الزوج فاهم وعارف الفلوس جايه منين ورايحه فين
لكن انتى شايله من وراه مبلغ محترم جدااااا لنفسك ومش حتقوللى ليه مهما حصل وده لمجرد انه يبقى عندك فلوس وتعمللى مشروع مثلا من وراه او تشترى حاجه بدون علمه وفى نيتك انه ميعرفش طول العمر
اظن لا هنا الوضع يختلف

واهو حضرتك بتقوللى هو عارف وعملك حساب تشيلى فيه الفلوس عشان لما يحصل حاجه لقدر الله حتحتاجوها او متشالين لاولادكم
ده ممكن هو لو معاه فلوس زياده يقولك خديهم شيليهم

المشاركة الأصلية كتبت بواسطة mr_vampire

انا مش متجوز بس متهيالي ردي هيبقي كدة:
هقولها هاتيهم ياحبيبتي احوشهوملك. وحوشي غيرهم وكل ماتحوشي زيهم تيجي تدهمولي احوشهولك. احنا ايه مش واحد ياحبيبة قلبي ( لو قالت لاء مش واحد يبقي الليلة قفلت وشوفولنا واحد مازون بقي وهي اللي هتحاسب عليه كمان.

هههههههههههههههههه والله ردك ضحكنى وانت راجل سياسى جداااااااااا

بس النقطه التانيه دى الى بتكلم عليها انهم لو شايلين الفلوس واستحاااااااله تطلع لو حصل طلاق وساعتها يقولو ايوه كان تفكيرنا صح اهو رمانا فى الشارع والفلوس نفعت

المشاركة الأصلية كتبت بواسطة tota_love

ايه المشكله يعني ده حاجه حلوه والمفروض تشجعها مش تقولها انها خاينه

ده رأى حضرتك لو انت اكتشفت ان المدام عنها حساب فى البنك من تعبك وفلوسك الى بتديهالها للبيت والاولاد
عادى يا باشا لو ده رأيك بس ده مش الوضع الصح