المشاركة الأصلية كتبت بواسطة حماده عزو
هاهاهاه
هوا فى ست بتعرف تحوش دى كانت موضه وبطلت
لكن لو جيت للحق أنا بكون مبسوط لما فى اخر السنه الاقيها جيبالى مبلغ فوق المكافئه والذى منه وتقولى ان كونت موفره الميلغ ده على مدار السنه وساعتها بنطلع من المبلغ ده ذكاه المال وبعدين بنشوف لو البيت محتاج أى حاجه ولو مفيش بننزل نجبلها بيهم دهب وأهو كلو متحوش خوفا من غدر الزمان
وعن تجربه الموضوع ده أنقذنى فى وقت شده
كان بعد العيد الصغير بخمسه أيام الساعه 2 ظهرا والدى الله يرحمه تعب جدا وكان لازم يخش المستشفى فى ساعتها
وطبعا كنا طالعين من شهر رمضان والعيد وبدايه الدراسه يعنى العمليه كانت مزنقه على الأخر وفى ثانيه لقيت فى أيدى مبلغ محترم من غير مدور على بنك ولا فيزا ولا دفتر توفير
وللاسف توفى والدى يوميها ولكن الفلوس خلصتلى كل حاجه من باب المستشفى لحد مصاريف الجنازه والعزاء تانى يوم
ودا بصراحه كان موقف ميتنسيش
ويخلى الواحد يعرف أن الزمان محتاج الحرص لأنو ملوش أمان
وعلى فكره المبلغ مكنش كلو من مرتبى كان داخل فيه شويه من مرتبها على عدياتها من والدها وأخواتها على مصروفها
كل ده أنصهر وطلع فى وقت الحاجه
فى النهايه فعلا أن بكون مبسوط أنها تيجى فى أخر كل فتره تطلعلى مبلغ كان مستخبى
( كلام فى سركم )
أنا كمان بقيت بستنصح وأعمل جمعيه مع زمايلى فى الشغل وأكون أخر واحد فيها
أول مقبضها اروح جارى عليها ومديهولها تحوشهملنا معاها
المفضلات