تعمل ايه لو اكنشفت ان مراتك حوشت من وراك مبلغ كبير ؟؟؟

**korkor** · 06-10-2010 03:52 PM

والله لو عرفت تحوش حاجه من مصروف البيت واعتقد ده شبه مستحيل نظرا للاسعار اللى كل شويه بتزيد يبقى كويس وحلال عليها ولو هى بتشتغل وبتحوش من مرتبها يبقى عادى جدا ومافيهاش حاجه حتى لو ماقلتلكش فلوسها وهى حره , من ناحيه الخيانه بقى والكلام الكبير هل الراجل بقى كل شهر بيروح يقول لمراته على كل مفردات مرتبه والمكافأت والحبشتكانات وخلافه وبيوريلها رصيده فى البنك ولا كل بيبقى فى السكرته لو انت ترضى بالكلام ده على نفسك ماتقبلوش ليه على مراتك مع انها بتشتغل زيها زيك مع العلم ان هى لو قاعده فى البيت ده يعتبر شغل واى مبلغ تحوشه سواء من مصروف البيت او مصروفها اللى بتديهولها يبقى من حقها .

**ashouhdy** · 06-10-2010 04:05 PM

لو مش بتشتكى من قلة المصروف و ساكتة وراضية ومفيش تقصير منى او منها و عرفت تحوش

دة ياريت تعمل كدة ! ياريييييييييييييييييت تعرف تحوش وتكون مدبرة دى حاجة تفرحنى و انا اديها اكتر و اكتر واكون مطمن وعارف ان (فلوسنا) فى الحفظ و الصون لأ واية بتزيد كمان و تتحوش لوقت عوزة

100 100

**misoalex** · 06-10-2010 06:41 PM

المشاركة الأصلية كتبت بواسطة fares2014

ياريت والله هو حد طايل يتجوز واحده بتعرف تحوش
بس طبعا لما اكتشف كده هصادر الفلوس أول بأول

هههههههههههه ده انت بتعاقب اسرافك بقى عاوز تتجوز واحده تشيل فلوسك

بس فيه فرق يا باشا يعنى لما تلاقيها محوشه 50 الف بعد عشره سنين تفتكر حتاخدهم منها بالسهوله دى !!!!!!

المشاركة الأصلية كتبت بواسطة mrmohamedragab

مافيش مانع انها تحوش بس بمعرفه الزوج حتى لو الفلوس اللى بتحوش منها مصدرها شغلها مش من الزوج
المهم يباه عارف كل صغيره و كبيره انما من وراه ده متتفسرش غير ان فى سوء نيه منها ياما خوف منه ياخدهم و يباه العلاقه من الاساس فيها حاجه غلط ياما عايزه تستخدمها فى حاجه مترضيش جوزها مش كل الستات كويسين و بيفكروا صح مع احترامى للستات. فى منهم كتير كويسين بس فى كتير مش مضمونين برضو
If u know what i me an Boys

لا فلوسها من شغلها او فلوس اهلها هى حره فيها وليها مطلق الحريه تشيلهم تعمل الى هى عاوزاه فى حدود المسموح طبعا

لكن فلوسك انت ومن وراك اكيد دى تفرق كتير لو انت اكتشفت كده من غير مهى تقولك

فى النهايه اتفق مع كلامك جدا

المشاركة الأصلية كتبت بواسطة icehearted girl

هعمل ايه,,هعمل ايه

آه

هخدهم منها :d

ههههههههههههههههههههههههه ههههه

حاخدهم منها ولا حاخدهم منه

انتى بتتكلمى بصفتك الزوح ولا الزوجه هههههههههههههههههه

المشاركة الأصلية كتبت بواسطة korkor

والله لو عرفت تحوش حاجه من مصروف البيت واعتقد ده شبه مستحيل نظرا للاسعار اللى كل شويه بتزيد يبقى كويس وحلال عليها ولو هى بتشتغل وبتحوش من مرتبها يبقى عادى جدا ومافيهاش حاجه حتى لو ماقلتلكش فلوسها وهى حره , من ناحيه الخيانه بقى والكلام الكبير هل الراجل بقى كل شهر بيروح يقول لمراته على كل مفردات مرتبه والمكافأت والحبشتكانات وخلافه وبيوريلها رصيده فى البنك ولا كل بيبقى فى السكرته لو انت ترضى بالكلام ده على نفسك ماتقبلوش ليه على مراتك مع انها بتشتغل زيها زيك مع العلم ان هى لو قاعده فى البيت ده يعتبر شغل واى مبلغ تحوشه سواء من مصروف البيت او مصروفها اللى بتديهولها يبقى من حقها .

لا يا باشا انت كده دخلت المواضيع فى بعضها

خدمه الزوجه للزوج دى مش عاوززه فلوس ربنا مقالش كده يا باشا والا متبقاش زوجه ولا دا جواز

وتحوش بعلمك وانت عارف دى حاجه وتحوش من وراك وانت مش عارف زى الاطرش فى الزفه وانت اصلا صاحب الزفه دى حاجه تانيه خااااااالص

وفلوسها وفلوس شغلها انا مجبتش اى كلام عنهم هى حره فى فلوسها تصرفهم تشيلهم ده تعبها وهى حره فيه

المشاركة الأصلية كتبت بواسطة ashouhdy

لو مش بتشتكى من قلة المصروف و ساكتة وراضية ومفيش تقصير منى او منها و عرفت تحوش

دة ياريت تعمل كدة ! ياريييييييييييييييييت تعرف تحوش وتكون مدبرة دى حاجة تفرحنى و انا اديها اكتر و اكتر واكون مطمن وعارف ان (فلوسنا) فى الحفظ و الصون لأ واية بتزيد كمان و تتحوش لوقت عوزة

100 100

بس تحوش بعلمك ولا بدون علمك

اصل كلامك يدل ان انت بتجاوب على سؤال تااااانى خالص لانك بتقول ابقى فرحان وعارف الفلوس فين

لكن لو انت مش عارف حاجه وقاعد فىالبيت وهى رايحه جايه من البنك !!!!!!!!! وانت مش عارف حاجه

**aif** · 06-10-2010 07:48 PM

يا سيدي ربنا يخليها وتحوش كمان وكمان.....
ماهو كله لبيتي وأولادي وزوجتي
إلا لو كانت بتحوش علشان تديهم لوزارة المالية او تلعب بيهم قمار لا قدر الله
....
فكرتني لما عمر رضي الله عنه كان بيقول للسحابة اذهبي كيف شئت فإن خراجك سيأتيني
وبرضه زوجتي ..... حوشي كيف شئت ...... كله للبيت والعيال

**korkor** · 06-10-2010 08:42 PM

المشاركة الأصلية كتبت بواسطة نور القمر

واضح يا ميسيو ان عندك رأي معين في فكرك ومش عايز تتنازل عنه بعد كل الاراء اللي خالفت رأيك لسه بتحاول تقنعنا برأيك واحنا بنحاول نقنعك برأينا ان اياً كان السبب ده لا يدعو لاتهامها بالخيانة او فقد الثقة فيها او اعتبارها مخطئة
طيب بذمتك كدة لو الزوج بيفكر بالطريقة دي كان هايسيب معاها فلوس تحوشها اصلا ولا كان زمانها اتصرفت من زمان

هو انت واضح انت مقتنع بفكره معينه مش عاوز تغيرها زى ما الاستاذه نور القمر بتقول فخلاص ايوه هى خيانه وبلغ فى مراتك فى القسم او مضيها على بياض على كمبيالات قبل الجواز علشان لو مادتلكش الفلوس ابقى احبسها

**Islam_galal** · 06-10-2010 09:05 PM

مع احترامي للجميع و لكنها خيانة . . .

العلاقات المالية يجب الحذر منها و آيات القرآن كثيرة لأنها أي العلاقات المالية هي مدخل الشيطان للإيقاع بين الناس

عندما يعطي الزوج زوجته مبلغ كمصروف للبيت لا يصح أن تنفق منه لغرض آخر - دي أمانة

من الممكن أن يكون هناك اتفاق (تحدث كثيرا) كأن يعطي الزوج الزوجة مصروف البيت و يقولها اتصرفي علي قده و لو وفرتي منه يبقي حقك و كده يبقي مفيش مشكلة

المشكلة أن يتم ذلك دون معرفة الرجل تماما ، حتي لو وافق الزوج بعد معرفته و لكن ماذا لو مات الزوج قبل أن يعرف ، ماذا يكون الحال أمام الخالق عز و جل

الذمة المالية للزوج محددة و للزوجة كذلك و لا يوجد ما يجعلها ذمة مالية واحدة أبدا إلا أن يتنازل أحدهم للأخر برضاه

يا جماعه الموضوع ده متداخل بشكل غريب عندنا مع أنه واضح شرعا

بمعني:

لا يجوز للزوجة التصرف في أي ماديات البيت إلا بمعرفة الزوج
لا يجوز للزوجة أن تأخذ من مال الزوج بغير علمه إلا في حالة البخل الشديد و للتدبير نفقات البيت الأساسية فقط
لا يجوز للزوج التصرف في مال زوجته سواء كان ميراث أو مرتب حتي لو للإنفاق علي البيت إلا برضاها
حج الزوجة يكون من مالها الخاص و إن لم تجد فلا إثم حتي لو كان لزوجها القدرة المالية و لو تكفل الزوج بنفقات حج زوجته فهو فضل و صدقة (و الأقربون أولي بالمعروف)

يا ريت نلتزم بفكرة الذمة المالية المنفصلة و نتجنب مداخل الشيطان

**AmatoALLAH** · 06-10-2010 10:55 PM

المشاركة الأصلية كتبت بواسطة shadygalal669

انا اعرف واحد مراته حوشت تقريبا 40 الف جنيه و راحت عشان تشتري حته ارض صغيره كده بس لما جت تشتريها قالتله و كانت هتكتبها بأسمه هو لما عرف عمل ايه ؟؟؟؟ ادها 40 الف زيهم و ضاعف لها المساحه اللي كانت هتشتريها و كتبهم بأسمها :d

من العائله عندنا على فكره :d

دا راجل محترم بجد

-

-

مشاهدة نتائج الإستطلاع: هل تعتبرها خيانه ؟

الموضوع: تعمل ايه لو اكنشفت ان مراتك حوشت من وراك مبلغ كبير ؟؟؟

LinkBack

أدوات الموضوع

عرض

-

-

-

المواضيع المتشابهه

لو مراتك سابت البيت واخدت الاولاد معاها بدون سبب يذكر تعمل ايه

تعمل ايه لو مراتك موسوسه

اجمد واحده تركبها وراك

لما رينو تعمل فيسبا.... الكبير كبير ....تفاصيل بالداخل

الكلمات الدلالية لهذا الموضوع

المفضلات

المفضلات

ضوابط المشاركة