الموضوع: تعمل ايه لو اكنشفت ان مراتك حوشت من وراك مبلغ كبير ؟؟؟

المشاركة الأصلية كتبت بواسطة misoalex

فى الاول بس يا جماعه انا بتكلم عن الموضوع كظاهره عامه وانتشرت مش مشكله شخصيه وباخد رأيكم فيها
يعنى الموضوع ميخصنيش الحمد لله لسه محصلش معايا بس قولت افتح الموضوع واستعد يمكن يحصللى فى يوم من الايام
بس اكتشفت ان الموضوع عادى عند الناس وواخداه ببسااااااطه ولا اكن الجواز ده شركه وعيله
ترضى شريكك فى المحل او فى مشروعك يحوش من وراك سنين من فلوس الشغل وتكتشف ده بعد عشررررره سنييييين وانت فاكره صاحبك وشريكك هى دى مش تعتبر ........
هو لو بيحوش من فلوسه وانا مالى ده انا اشجعه لكن من فلوسى وفلوس الشغل
طب لو صارحنى وفهمننى يبقى انا مقدرش اتكلم وممكن ازود الفلوس لكن من ورايا لييييه وازاى أأمن ليه تانى فى حاجات تانيه

انا شايف ان كل الردود برضه عادى والموضوع زبادى فى الخلاط ومش واخدين بالكم انا بتكلم عن ايه وواخدين الموضوع عااااااااادى جدا كووووووووول








طب تعبت نفسك اوى يا باشا كده ليه وكتبت الكلمتين دول
ياريت توضح رد حضرتك اكتر



مصروفها الشخصى حتحوش منه مبلغ زى ده يا باشا ليه بتديها كام فى الشهر ومهما كان هو حيكفى مصاريفها الشخصيه والتحويش




اه من ورا جوزها امال قالتله انا حوشت انهارده 10 جنيه وامبارح اشتريت اباجوره ب50 وقولتلك 100 وشيلت ال50 التانين لو هى عملت كده وقالت والله يبقى حلال عليها ومقدرش اتكلم لانها بتشيل لوقت زنقه
وفيه ستات بتعمل كده يعنى مش حاجه غريبه انها تشيل وجوزها عارف ايه الى يحصل لو عرف

واللى يخللى واحده تحوش من ورا جوزها سنييييين ويبقى معاها مبلغ محترم يخلها تخاف تقوله وقت زنقه
احنا مش بنتكلم عن 100 ولا 1000 احنا بنتكلم عن مبلغ محترم

الا لو هى زوجه اصيله وحتقف جنب جوزها وفى نيتها انها تقوله لكن الى مش فى نيتها و عارفه انه غلط تفتكرى حتعمل كده


فى الاخر لايصح الا الصحيح ليه ميبقاش فيه صراحه بينهم وتقوله فيها ايه
بلاش تشيلهم فلوس تقوله حجيب بيهم دهب عشان منمدش ايدنا عليهم لو هى فعلا بتفكر فى مصلحتهم

لاكن الحلات الى بتكلم عنها وشوفتها لالالالالالالالالا بقولك دول وصلت انهم بيقولو وانا حعمل ايه لو رمانى فى الشارع فى يوم من الايام



حسن النيه ازاى يا باشا مهو الموضوع من الجانب التانى مش حسن النيه يبقى انا افترضه ازاى
واحد مد ايده فى جيبك تقول عادى خلينى حسن النيه يمكن معندوش جيب

بص انا اقدر اقولك حاجه واحده مراتك غير شريكك في المحل
مراتك لو اصيله مهما بتحوش فا في الاخر هتديك الفلوس وقت الزنقه وفي الاخر الفلوس في البيت يعني مطلعتش لحد غريب
غير شريكك اللي بيحوش من وراك هوكده بيعمل مصلحه لنفسه علي قفاك والفلوس في حته تانيه ويوم لما تتزنق
ممكن يدههوملك بس علي هيئه سلفه او دين
يا رب تكون فهمت وجهة نظري

شريك المحل غير الزوجة
وبعدين معلش اسمح لي هي بتقول عشان الرجل مش مضمون وممكن يرميها في اي لحظة
طيب هي لو عندها الاحساس ده يبقه مش جاي من فراغ واكيد له سبب واكيد لها حق تحوش من وراه
ولو بخيل ومش بيديها اللي يكفي اساسيات الحياة كمان من حقها

أعتملها تمثال في اكبر ميادين مصر
هو حد عاف يحوش حاجه اليومين دول

حتى الكتابه نسيتها من الفرحه ان مراتي ممكن تعمل كده

ياريت والله هو حد طايل يتجوز واحده بتعرف تحوش
بس طبعا لما اكتشف كده هصادر الفلوس أول بأول

مافيش مانع انها تحوش بس بمعرفه الزوج حتى لو الفلوس اللى بتحوش منها مصدرها شغلها مش من الزوج
المهم يباه عارف كل صغيره و كبيره انما من وراه ده متتفسرش غير ان فى سوء نيه منها ياما خوف منه ياخدهم و يباه العلاقه من الاساس فيها حاجه غلط ياما عايزه تستخدمها فى حاجه مترضيش جوزها مش كل الستات كويسين و بيفكروا صح مع احترامى للستات. فى منهم كتير كويسين بس فى كتير مش مضمونين برضو
If u know what i me an Boys