عتريس بيسال ----- فين الشهامة ؟؟؟؟

**Atrees** · 06-10-2010 05:34 PM

صباحكم فل يا كياوية :)

طبعا كلكم تقريبا عارفين اني كل يوم علي كوبري 6 اكتوبر رايح جاي لما ورمت - والملاحظ اليومين دول انهيار البلد تحت وطاة الزحام المبرر والغير مبرر - لكن عندي سؤال محيرني

زمان لما كان يبقي فيه حادثة او عطل في سيارة علي اي طريق كان لازم تلاقي حد يقفلهم ويعرض المساعدة - ده طبعا بيسبب اختناق مروري لكن بنستحملة عشان في هدف نبيل وراه

الغريب بقي انك دلوقتي متلقيش الشهامة دي خالص بل بالعكس تلاقي كل واحد قاعد في عربيتة بيفتي سبب الحدادث اية وواقف او ماشي بيتمخطر جنب الحادثة عشان يتفرج !!!!!!

طبعا في اختناق ساعتها واكتر كمان من انك تقف تساعد والاهم انك بتعطل الطريق للمساعدة طيب مش عايز تقف تساعد ومستعجل او شهامتك في اجازة - طيب فين شهامتك انك توسع لعربية الاسعاف او الطوارئ عشان يعملوا شغلهم ؟؟؟ مفيش

يعني لا شهامة المساعدة ولا شهامة انك توفر وقت للمساعدة - حاجة بقت تقرف - عربيه اشعاف علي الكوبري واقفة 10 دقايق ورا اتنين خبطو بعض وواقفين يتخانقو ولا هما هنا - بروووووووووووود والابرد منهم الناس اللي تيجي تهدي جنبهم وتتفرج - سخافة ملهاش حد

ياريت يا جماعة وان عارف ان اعضاء المنتدي فعلا محترمين ومقدرين للحاجات دي - نساعد بعض ونرجع الشهامة للشارع - نحاول ننشر الوعي دة

بلاش وقفة الفرجة والدلع - ولو اللي قدامك بارد سخنة بالكلاكس وزعقله - خلية يمشي ببرودة

انا بجد اتخنقت - مش مصدق برود الناس والامبالاه وصلت كدة ازاي - طب احنا مستحملين سخافتهم وبرودهم كل يوم في الشارع - كمان في الطواري وارواح الناس ؟؟؟؟

حسبنا الله ونعم الوكيل

**NoRmAl** · 06-10-2010 06:24 PM

بصراحه ليك حق :)
الشهامه فى النازل دلوقتى ودا الحال فى كل شىء
بس مكدبش عليك أنا مبقفش
لسبب
أنى عارف أنى مش هعرف أقدم أى مساعده
أنا ممكن أقف لو الحادثه لسه حاصله قدامى ومحدش قدم مساعده
ساعتها هقف وأساعد وعملتها قبل كدا
لكن ساعات بلاقى ناس واقفه وأتصلوا بالاسعاف وكل حاجه
هقف أعمل أيه
أتفرج!
ولا حتى أنا دكتور أعرف أساعد حد وكدا
وبصراحه كمان موضوع الاسعاف دا أنا مش حاسه زيك
أنا بوسع ليه وكل الناس الى فى الشارع بتوسعله
المشكله بقى فى العيال الرشقه الى بترشق وراه :)
شكرا يا معلم على الموضوع

**lolly136** · 06-10-2010 06:39 PM

أنا كمان بوسع للاسعاف
بس المشكلة إن بحس إن الناس بتبصلك على إنك مجنون

**د.محمود صلاح** · 06-10-2010 06:39 PM

الفرجة للتطفل للأسف بتسبب اختناق زيادة ..

**ahmed_mido1889** · 06-10-2010 07:03 PM

المشكله ان في عربيات بتزنق علي عربيات الاسعاف

**moroattar** · 06-10-2010 07:41 PM

الكلام دا غريب يا أ/atrees معقول يبقى فيه حادثه ومحدش ينزل يساعد.

**Atrees** · 06-10-2010 07:55 PM

صدقوني - انا كمان زيكم كتير قوي مش بقف لاني فعلا مش حعرف اساعد بس اول مقرب من الحادث باخد يمين واوسع الطريق علي قد ما اقدر - وبمناسبة الاسعاف - صدقني يا نورمال - الناس بتوسع بس مش بطريقة صحيحة

يعني انا لو قدام العربية وعايز اوسع الاقي اللي جانبي مش عايز يوسعلي ولا اللي جنبة - زي ما يكون حاخد مكانة في الجنه - استغفر الله

ويا دوب توسع لعربية الاسعاف وكل الطريق وراها يبقي دربة - كله بيحشر نفسة عشان يجري وراها - حاجة تقرف

بجد احنا محتاجين طفرة في المرور - الناس اللي مبتفهمش في السواقة بقت اكتر من الازم لدرجة ان الناس بقت تكره بعض في الشارع واتسعرو - كل واحد مش مدي فرصة للتاني

رغم اني مرة حسبتها لقيت انك لما تستني وتعدي اللي جنبك او تعدي مشاة او اي حاجة من السواقة المحترمة تلاقيها خدت مدة لا تزيد عن 15 ثانية - تخيلو 15 ثانية وكلنا نبقي سعداء

حاجة تانية ملاحظها - ان سائقين السيارات في فئة عمرية فوق ال 40 -50 -60 بقو يعملو عجايب - الشباب المتهور مبيعملهاش - وكل ماهو غلط تلاقية طالع منهم

اعتمادا منهم علي انه راجل كبير فمحدش حيقولو حاجة

ربنا يستر علينا - السواقة في مصر مبقتش حرفنة - بقت بتعكس حال المجتمع الحقيقي

نكدت عليكم انا عارف بس فعلا لزم نبتدي بنفسنا

**Atrees** · 06-10-2010 08:00 PM

المشاركة الأصلية كتبت بواسطة moroattar

الكلام دا غريب يا أ/atrees معقول يبقى فيه حادثه ومحدش ينزل يساعد.

يا اهلا يا باشا

صدقني فعلا بتحصل وانا واحد من الناس كتير قوي مبقفش - ودة راجع لعدة اسباب

1- انا مش حعرف اساعد لو الحادث اصاباتة خطيرة - لكن ممكن اطلب النجدة
2- لو احنا في وسط الزحام يفض اوسع عن اني اخنق الطريق بوقفتي
3 -لو الحادث في مكان نائي او مفيش احتمالة مساعدة بقف واعل اللي اقدر علية
4- في حوادث ممكن اساعد فيها بطفاية او اني اخرج المصاب او حتي اطمن علية

لكن المشكلة مش في الشهامة انها مش موجودة - المصيبة في السخافة اللي تلاقية واقف جنب الحادثة بيتفرجججججججججججج مش بيساعد

**ALSHARIEF** · 06-10-2010 08:57 PM

والله عندك حق يا عتريس باشا ............... فعلا موضوع الشهامة بقى بيقل و فى النازل بس ده ممكن يكون راجع لأسباب كتيرة خلينا نحسن الظن و نختار أحسن هذه الأسباب ألا و هو عدم معرفة الناس بالمعنى الحقيقى للشهامة و دا فعلا أخطر الأسباب لأن الجهل بالشىء أخطر من عيوب أو مساوىء الشىء نفسه بس دا ما يمنعش إن الدنيا لسه بخير و لسه فيها ناس كويسين محترمين زى حضرتك و زى ناس كتيرة أوى معانا هنا و هاتلاقيهم فى كل حتة ( أللهم أجعلنى منهم ) لذلك أنا بضم صوتى لصوتك إننا نعمل حملة نصحصح فيها الحاجات الحلوة إللى موجودة فى الناس بس هيه ممكن تكون بس نايمة شوية و محتاجة صحصحة و البركة من عند الله و البركة فى الشباب الحلوة إللى زيك كدا.................... ربنا يباركلك و يجزيك خيرا و متنساش بشرى الصادق المصدوق طب القلوب و دوائها و عافية الأبدان و شفائها و نور الأبصار و ضيائها صلى الله عليه و سلم ( الخير فى أمتى إلى يوم القيامة ) أو كما قال عليه الصلاة و عليه السلام

الموضوع: عتريس بيسال ----- فين الشهامة ؟؟؟؟

LinkBack

أدوات الموضوع

عرض

عتريس بيسال ----- فين الشهامة ؟؟؟؟ - انشر الموضوع فى :

-

-

-

-

المواضيع المتشابهه

عتريس بيصبح :)

عتريس زهق :(

عتريس و ال gps

السلام عليكم المساعدة من اهل الشهامة

الشهامة والمروءة

الكلمات الدلالية لهذا الموضوع

المفضلات

المفضلات

ضوابط المشاركة