يومياتي في تعلم السواقة

**SEATLOVER** · 21-03-2008 09:57 PM

بصى يا عُلا انا كنت هاقولك كلام .... لقيت نادر قايلة بالتفصيل ...اقرى كلامة كويس

بعدين بصى ...بدام بدأت معاكى كدة ...يبقى هاتنتهى باحتراف إن شاء الله
هى دى بدايات المحترفين .

**OlaOsman** · 21-03-2008 10:00 PM

المشاركة الأصلية كتبت بواسطة Dr_Mido

وبرضه تجنبى الشارع من الساعه 7 الصبح لحد 10
ومعاكى من 10 او 11 لحد 1 حد اقصى قبل مالشارع بيبقى مدبحه
وبالليل من بعد 11 خدى معاكى حد وانزلى مشى العربيه فى الشارع
وطبعا تجنى الهرم وفيصل و ووسط البلد ال 24/7
وتجنبى الكبارى والمفارق

يا نصايحك يا دكتووووووووور :D

ده اللي هو اتجنب السواقة في الشارع.. مش كده؟ :p

اما عن الربكة لما حد يزمر من ورايا.. آه باتوتر من صوت الكلاكس و ابقى عايزة أخلص منه بأي شكل.. طبعا ده لما اكون راكبة جنب حد.. امال لما اسوق بأه هاعمل ايه؟

**OlaOsman** · 21-03-2008 10:03 PM

المشاركة الأصلية كتبت بواسطة Nader

اول نصيحة بقولها لاي حد لسة في اول

ايامة في السواقة بقولة انسى ان في

تحت رجلك الدواسة اليمين بتاعة البنزين

حاولى متستخدميهاش خالص دلوقتي

وامشي على السلنسية يعني ارفعي رجلك

شوية من على الدبرياج وهتلاقي العربية

بتتحرك لوحدها، انا لما كنت بعلم اختي

كنت بقولها اهم حاجة تعرفي توقفي العربية

ومتخافيش من الفرامل!! مش عارف لية

بنات حواء بيخافوا يفرملوا .... او بيفرملوا

ويخافوا يدوسوا بنزين!!! انا عندي النوعين والحمد لله!!!

المهم كمان متخليش العربية هي اللي تسوقك

وتمشيكي، يعني مش هي تحدف يمين تقومي انتي

جايبة شمال وبعدين تجيب يمين تاني علشان

تعدلي،، لا تبتي في طارة الدركسيون كويس

ومتحركيش ايدك وخليكي في طرق مستقيم

بقدر الامكان لحد ما تتمكني من العربية و

تتعودي على ابعادها كويس بعد كدة تقدري

تنزلي في في شوارع رايقة الى حد ما

فشوارع متوسطة، فكباري اخيراً.

ملحوظة اخيرة اتعلمي على الاقل تجيبي التاني

لان لو مشيتي كتير على الاول بالـ127 في

الايام الحر دي العربية هتعملها معاكي وتسخن.

وبالتوفيق.

شكرا يا نادر على الشرح و الإيضاح.. قرأت كلامك كله بإمعان و تركيز.. و الرك ع التنفيذ :o

**OlaOsman** · 21-03-2008 10:21 PM

المشاركة الأصلية كتبت بواسطة mohamed sedek

الموضوع ممارسه مش اكتر مع شويه تركيز مع التحكم الجيد في الدريكسيون من خلال ساعتين كل يوم بس مش ورا بعضهم علشان ماتفديش التركيز و اول ماتتعلمي تتعلمي في مكان فاضي واسع علشان ماحدش يربكك بمعني ان محدش يفدك تركيزك كل شويه و السواقه ممارسه مش اكتر وشويه شويه تبدئي تدخلي مع العربيات نسيت اقول ان اهم حاجه تكوني عارف امتي تنقلي و فايده كل دواسه ايه وامتي تستعمل من ناحيه النقل لازم الرجل الشمال عي الدبرياج اللي هو اول واحد شمال ثم الغيار الاول شمال خالص لفوق والتاني في نفس اتجه لتحت العصايه في النص ده الموروهكذا

هو الدبرياج بيستعمل في النقل بس؟.. أصل انا النهاردة اتعلمت استعمله لما آجي اهدي و افرمل و كل حاجة

**OlaOsman** · 21-03-2008 10:22 PM

المشاركة الأصلية كتبت بواسطة aif

شدي حيلك يا علا
لو عاوزه مشجعين ممكن نيجي نشجعك
ما قلتيليش بتتعلمي فين ومع مين

شكرا يا احمد على التشجيع :D

باتعلم مع اللي انت ادتني نمرتها و بنروح ميدان الرماية اتعلم هناك.

**OlaOsman** · 21-03-2008 10:25 PM

المشاركة الأصلية كتبت بواسطة abdelaziz-waleed

ياه يا علا فكرتيني بنفسي من سنتين لما ابتديت اتعلم السواقة كنت زيك بالضبط. ولما اول مرة سوقت في الزحمة واعتمدت على نفسي 100 بالمائة كانت من المعادي للتحرير على الكورنيش طلعت من المعادي وانا عندي 27 سنة ووصلت التحرير وانا عندي 55 سنة. بس مع الوقت حواسك بتظبط نفسها وبتلاقي انك بتعملي كل حاجة تلقائي من غير ما تحسي وبتكلمي مع اللي جامبك وبتاكلي وتشربي وبتكلمي في الموبايل كل ده في وقت واحد وانتي بتسوقي
بس استاذ نادر جابلك الخلاصة وان شاء الله ربنا يوفقك وتهري الطريق غرز لغاية ما تخلصي كل الخيط اللي في مصر

ياااااااااااااه.. انا حاسة اني بيني و بين اللي بتقوله ده شهور و سنين و ايام

شكرا على التشجيع :)

**OlaOsman** · 21-03-2008 10:27 PM

المشاركة الأصلية كتبت بواسطة SEATLOVER

بصى يا عُلا انا كنت هاقولك كلام .... لقيت نادر قايلة بالتفصيل ...اقرى كلامة كويس

بعدين بصى ...بدام بدأت معاكى كدة ...يبقى هاتنتهى باحتراف إن شاء الله
هى دى بدايات المحترفين .

احتراف مرة واحدة؟

الله يجبر بخاطرك يا رب

**abdelaziz-waleed** · 21-03-2008 10:40 PM

المشاركة الأصلية كتبت بواسطة OlaOsman

هو الدبرياج بيستعمل في النقل بس؟.. أصل انا النهاردة اتعلمت استعمله لما آجي اهدي و افرمل و كل حاجة

بصي يا علا انا هاقولك على نصيحة مهمة بخصوص الدبرياج بس يا ريت لو انا غلطان حد يصلحلي علشان البنية ما تروحشي في داهية بسببي
الدبرياج تستعمليه في حالتين بس لو هاتنقلي او هاتتوقفي غير كدة عودي نفسك تشيلي رجلك من عليه خالص طول مانت سايقة علشان تحافظي على طقم الدبرياج. واثناء مانت سايقة ماتريحيش رجليكي عليه علشان ما يبوظشي.
ممكن حد يقولك وانتي بتهدي دوسي على الدبرياج ده غلط غلط غلط انتي تهدي بالفرامل لغاية ما تلاقي ان سرعتك محتاجة تنزلي غيار تقومي دايسة دبرياج ونازلة غيار وهكذا انما انك تدوسي دبرياج قبل الفرامل ده بيخلي العربية حرة وبيحمل على الفرامل انما الغيار بيخلي الموتور مكتف العربية
كفاية كدة علشان ما تفصليش شحن وانتي بتقري
ربنا معاكي يا علا والعملية ان شاء الله اسهل مما تتخيلي بس انتي جمدي قلبك على قد ما تقدري

21-03-2008 10:41 PM

بصراحه الله يكون فى عون اللى بيتعلم السواقه الايام دى
ربنا معاكى يا قمر
حاولى تنزلى فى وقت الصبح بدرى و مكان رايق
و اعرفى الطلعه و حدود العربيه و اتحكمى فى الدريكسيون كويس
و ان شاء الله الموضوع حيكون سهل متقلقيش
و بالتوفيق ؛؛؛؛

**fahd_628** · 21-03-2008 10:47 PM

انا كنت زيك كدة انا كنت حاسس انى مش حعرف اسوق خالص زى الناس :) بس ابويا كان بيشجعنى و يقولى اطلع متخفش و لو خبط ولا يهمك مع انى عارف انك مش حتخبط و كلام مشجع دلوقتى الحمد لله شوماخر ههههههههههههههههههههههههه ههههه بهظر طبعا بس الحمد لله بسوق 100 100 :)

ملحوظة : شوماخر دة واحد من اشهر سائقين السيارات فى العالم بطل فورميلا 1 و دية صورتة