الموضوع: يومياتي في تعلم السواقة

النهاردة كان المفروض عندي حصة الصبح بس اتلغت :D

الموضوع فعلا عايز صبر و النهاردة و انا راكبة التاكسي و فوق كوبري 15 مايو و شايفة رصة العربيات اللي فوق الكوبري الاتجاه التاني قلت في نفسي كووووووووووول دول يعني بيعرفوا يسوقوا و انا مش عارفة؟.. ليه يعني؟ همه احسن مني في ايه؟ فيهم ايه زيادة عني؟ قوة و عزيمة و إرادة؟ و انا ماعنديش ليه؟ استعيني بالله كده يا بت يا علا و توكلي عليه و هو حسبك.. و فعلا صممت اني بإذن الله هاتعلم السواقة و ابقى كويسة فيها كمان :)

آآآآآآآآآآآخر الأخبار.. النهاردة مشيت بالعربية في شوارع القاهرة العامرة لأول مرة.. طبعا و معلمتي جنبي و بتوجه الدركسيون في معظم الأوقات :o

بس الحمد لله.. احنا كنا فييييييييييييين؟ :o

طلعت من شارعنا على شارع تاني رئيسي و اتجاهين من غير رصيف في النص (أظن اسمها الجزيرة اللي في النص) و بعدين منه على شارع الكورنيش.. اديت اشارة شمال و بعدين لفيت في أول يوتيرن و بعدين طلعت كوبري الساحل و نزلت منه على شارع النيل، ثم البالون.. العجوزة و نقينا يوتيرن كبير كده و لفيت منه و رجعت و طلعت على الكوبري تاني و نزلته و منه شارع الكورنيش و روحت بيتنا.. بس هي طبعا اللي ركنت

طبعا عملت شوية أخطاء من بتاعة التركيز اياها.. اركز في لفة الدركسيون الاقي رجلي سابت الدبرياج و البنزين.. و لما افوق و احاول اركز في حركة رجلية الدركسيون طبعا يفصل مني تماما.. و هكذا

بكرة ان شاء الله هامشي بالعربية برضه و هي جنبي، بس مش عارفة هانروح فين و لا هانعمل ايه :o

انا قلت أفرحكوا اني تقدمت شوية زي ما عيشتكوا فترة غير قليلة في فيلم الحرمان اللي كنت مشغلهالكوا ده

دعواتكوا بأه في اللي فاضل :o

المشاركة الأصلية كتبت بواسطة aif

برافو يا علا
هيه مسألة وقت وممارسة لا اكثر ولا اقل
كنت عاوز انبهك تخلي المدربة تعملك اختبار زي بتاع امتحان الرخصة اللي في المرور .. بس لما مستواكي يتحسن الاول
عشان لما تروحي تعملي رخصة ما يبقاش الموضوع جديد عليكي
ربنا معاكي

هو انا النهاردة أخدت الحصة الخامسة.. يعني فاضل لي كمان 5 حصص.. يعني انا كده في منتصف الطريق.. هي بتقول انها هاتخليني امشي في كل المشاوير اللي عادة باروحها.. يعني مثلا مشوار الشغل.. زدني.. حديقة الأزهر.. بين السرايات.. كده يعني. بس مش عارفة هامشي ازاي في الطرق كده من غير رخصة.. و ما اخبيش عليك ماعنديش اي فكرة هاطلع رخصة ازاي :o