يومياتي في تعلم السواقة

**ihab** · 25-03-2008 10:05 AM

اهم حاجة كمان انك تتعاملى مع السيارات المحيطة بيك و تحطى فى دماغك انهم ممكن يعملوا اى حاجة غلط و تتوقعى التصرف قبل ما يعملوا
انا لما والدى كان معاى زمان و بيعلمنى قالى جملة " اعتبر ان انت الوحيد اللى بتعرف تسوق و ان كل الناس الثانية ما بتعرفش و اتصرف على هذا الاساس "
و جملة ثانية برضه " ما تخليش العربية هى اللى تسوقك ، انت اللى تسوق العربية "
بمعنى ان مش علشان العربية بتستجيب و عايزة تجرى مثلا تطاوعيها انت اللى تحددى سرعتك و اتجاهك
و ربنا معاك و يوفقك

**Karim_Monir** · 25-03-2008 10:40 AM

استاذ وليد في الجزاير يعني ما تدوريش على اوبل قوي:D:D
لكن انا اوعدك ماطلعش الدائري بوتيتا لحد ما تخلصى تعليم:p
بس بصراحة
انصحك تامني على حياتك غي ظل وجود المدربة بتاعتك دي
ها ها ها:D:D:D:D

**ramyfawzy** · 25-03-2008 02:27 PM

الدائري؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
وانا اقول رحت شغلى متأخر 3 ساعات ليه

رامي (ابو احمد)

**matrix1987** · 26-03-2008 02:37 AM

iهو الموضوع كدا يعنى طيب

الكل يبعد عن الدائرى اليويمن دول

علا بتتعلم السواقه

ممكن تنزل تنبيه على الدائرى علشان

الكل يوسع ربنا يوفقك وجمدى قلبك على الاخر

اوعى تخافى والمدربه بتنزلك فى الدائرى علشان تعلمك الصعب وتلاقى بعد كدا كله سهل

ويارب الدائرى ميقفش بسبب علا

**fahd_628** · 26-03-2008 02:51 AM

حرام عليكم يا جماعة هتحبطوها كدة :)

**abdelaziz-waleed** · 26-03-2008 03:27 AM

المشاركة الأصلية كتبت بواسطة OlaOsman

انت قلت لي عربيتك ايه؟ فيكترا؟.. طيب لونها ايه بس عشان اركز و انا ع الدائري مش اكتر :p

اوعى............. اللي هايرش اوبللتي بالماية هارشله عربيته بالبنزين :D:D:D
اول ما بدأت اتعلم واحد قالي انت مش هاتخبط العربية وانت بتتعلم انت هاتخبطها بعد ما تبقى محترف. عارفة ليه يا علا. علشان انتي دلوقتي في قمة تركيزك وبتحاولي تخلي بالك من كل حاجة علشان كدة ان شاء الله مش هاتخبطي العربية وده اللي بيسببلك التعب والارهاق في الأول انما بعد ما هاتتعلمي هاتصابي بحالة اللامبالاة (اسف في اللفظ) والتي تزداد بزيادة تمكنك من القيادة. ربنا يسترها معاكي ان شاء الله وماتخباطيش العربية لا اقبل ولا بعد ما تتعلمي.

بس انا اتوقع انك ممكن تغيري التوقيع بتاعك وتخليه ( بدلاً من ان نلعن السواقة .... لماذا لا ندوس بنزين) :D:D:D:D

**OlaOsman** · 26-03-2008 08:00 AM

ماشي.. اتريقوا براحتكوا.. بس اللي انتوا ما تعرفوهش بأه ان من قواعد المنتدى انه ممنوع التريقة على الناس و هي بتتعلم السواقة

اللي عايز يتريق بأه يروح يتريق عند موضوعه.. ياللا يا بابا انت و هو هانرش مية قدام الموضوع ده.. كل واحد يروح يلعب قدام موضوعه :p

**Dr_Mido** · 26-03-2008 08:09 AM

بس برضه مقلتليناش بقالك شويه كدة وصلتى لفين فىا لسواقه وبتتلخمى ولا بطلتى وكدة عايوزين نتطمن

**fahd_628** · 26-03-2008 05:47 PM

اةةةةةةةةةة نسيت اقلولك على حاجة مهمة علشان ممكن تقابلى الموقف دة كتيير

انتى عارفة الشباب الروش الى بيحب ياخد غرز و الكلام دة فا لو لقيتى واحد كدة و معدى من جمبك بسرعة اوعى تحودى يمين او شمال او تتخضى خليكى زى ما انتى و لو انتى شايفاه وراكى فى المراية لو فية فرصة انك توسعيلة وسعيلة

-

الموضوع: يومياتي في تعلم السواقة

LinkBack

أدوات الموضوع

عرض

-

-

-

-

-

-

-

المواضيع المتشابهه

اثناء تعلم السواقة لاول مرة

يومياتي في اول زيارة للتوكيل

تعلم مراتك السواقة و تجبلها عربية ولا لأ؟؟

السواقة في مصر

الكلمات الدلالية لهذا الموضوع

المفضلات

المفضلات

ضوابط المشاركة