مقارنة تجربة مواتير الكامبرو القديم و الجديد و تغيير الجين 2

**Tarek Gen 2** · 08-10-2010 01:52 PM

كدة الموضوع محل نظر !! :) بس بتبقى الساعة بالقعدة بتاعتها ؟

**khpopo** · 08-10-2010 02:45 PM

موضوع هايل
مبروووك جنجون الجديده انا كنت بفكر زيك من فتره اجيب جينون الجديده لانى مابقتش مقتنع باى حاجه بسهوله
نظرااا لظروف برضه كنت هابيع واجيب الجديده لكن قلبى ماطاوعنيش عشان الفروقات ونظرااا انى جربت الجديده وفى سفر وجرى حسيت بفرق السحب فى السرعات العاليه كمان بصراحه حسيتها بقت زى اى عربيه فى الصوت والصالون ...القديمه ليها تميز عن العربيات جامد
ربنا يديك خيرها ويكفيك شرها
ربنا يوفق

**XXXMEMOXXX** · 08-10-2010 04:50 PM

المشاركة الأصلية كتبت بواسطة tarek gen 2

انا سمعت اخر حاجة انها فوق الخمسمية بالتركيب

اهنب يا استاذ منيجى

دول ناس طيبين قوي قوي يا خال dd:

المشاركة الأصلية كتبت بواسطة m.almaghraby

ربنا يخلي الاستيراد ;))

طيب ممكن نجيبها منين يا محب باشا ؟؟

**hesham_soaida** · 08-10-2010 10:27 PM

علشان حد يشتري نفس العربية في خلال 3 سنوات, لازم يكون بيعشق العربية دي. تحية كبيرة لتوت

**mangere90** · 09-10-2010 02:55 AM

المشاركة الأصلية كتبت بواسطة M.almaghraby

ممكن تخلص فيها علي 200 علي ما اتذكر :d

السلام عليكم ورحمة الله وبركاته

ياباشا لو علي الكلام ده انا جاهز اشتري بس منين ومين اللي يركبها

**tutankhamoun** · 09-10-2010 08:59 AM

المشاركة الأصلية كتبت بواسطة Ahmed.Ali

الف مبــــــــــــــــــروك علي العربيه الجديده انا متفق معاك في موضوع الساعه ان شاء الله هركبها بس انا الفرش الجديد احلي بالنسبه ليا بس كدا كدا ان شاء الله هعمل فرش جلد cps ياريت حضرتك كمان تفكر تعمله لانه بيدي شكل جميل جدا للعربيه

شكل العربيه بالنسبالي من الامام اتحسن برضوا :)

ربنا يباركلك فيها و بيعد عنك شرها ان شاء الله

أستاذ أحمد .... شكرا لمرورك و تعليقك
و بالنسبة للفرش عايز أركبه بس مش بحب الفرش الجلد لأنه مش حلو في الصيف خالص.
و بالنسبة لرأيك في الفرش الجديد و الشكل الخارجي .... دي بتبقى أزواق و ممكن تكون تعلق مني بالعربية القديمة لأنها أبتاعات بسبب ظروف قاهرة و كنت بحبها جدا و الحمد لله بحب الجديدة برضه و أهو كله جين 2

المشاركة الأصلية كتبت بواسطة tamer_aj

ربنا يباركلك فيها, ويديك خيرها و يكفيك شرها

شكرا ياباشا و نورت الموضوع و ربنا يكرمك على الدعاء الجميل .

المشاركة الأصلية كتبت بواسطة A. Ibrahim

الف مبروك يا توت و المقارنه هيله تسلم ايدك

بس بالنسبه لجراب النظاره ممكن تجيبه من التوكيل و يركب انا عمات كده و قريبا هنزل الصور

ياباشا شكرا على تعليقك و مرورك ....... و على معلومة الجراب ..... بس بكام يا ترى ؟؟

**tutankhamoun** · 09-10-2010 09:05 AM

المشاركة الأصلية كتبت بواسطة elmadawy

الف مليون مبروك يا توت باشا وربنا يبارلكلك فيها ويكفيك شرها

ألف شكرا ياباشا و نورت الموضوع يا أستاذ معداوي و ألف سلامة عليك و ربنا يكرمك بإذن الله

المشاركة الأصلية كتبت بواسطة Nistelrooy

الف مبروك .. هو ده عشق بروتون :)

ربنا يبارك فيك يا باشا ..... و هانعمل أيه ؟؟ العربية بتعمل سحر للي بيركبها .... بحبك بحبك يا جين 2

المشاركة الأصلية كتبت بواسطة densfog

الف مبروك لحضرتك وربنا يبارك لحضرتك فى الجديده ... سؤال حضرتك ممكن مترودش عليه لو كان شخصى ... هو حضرتك بعت العربيه بكام؟ ... وايه اخبار استهلاك البنزين فى الجديده .... ومعلش ازاى حضرتك بسم الله ماشاء الله كملت بالتيل لحد 40000

استاذ معداوى حمد الله على سلامتك ... الحمد لله انها جت على قد كده

بالنسبة لأستهلاك البنزين هاعمله موضوع مخصوص ( و الأستهلاك عموما كويس قوي و هاشرح ازاي في الموضوع بإذن الله )

و بالنسبة لموضوع التيل ازاي وصل 40 ألف كم
و الله الموضوع سهل جدا و هو ببساطة تلخيصه كان في رد لي في موضوع أخر و ده أقتباس منه

المشاركة الأصلية كتبت بواسطة tutankhamoun

أي شئ أستخدامه الكثير بيقلل عُمره الأفتراضي
و بالتالي لما تستخدم أي شئ بأقصى قدرة معمول لها ..... بيقل عمره في أقل وقت

يبقى أيه الحل للحفاظ على أجزاء السيارة و منهم التيل ؟

الحل طبعا القيادة الهادئة المحترمة المتأنية ( مش زي سواقة سواقين الميكروباظ و الشباب الشوماخري )

أنت عارف طريق مثلا كويس
و عارف أن فيه مطب على بعد 500 متر
تهدي العربية قبل المطب بشوية و بعدين لما توصل على المطب هاتلاقي نفسك مش محتاج فرامل جامدة علشان تهدي
و بالتالي أنت حافظت على 3 حاجات

أستهلاك بنزين أقل لأنك مفضلتش دايس لغاية المطب .
أستهلاك تيل أقل
أستهلاك طنابير أو ديسكات الفرامل أقل طبعا

منظومة الفرامل مش تيل بس
فيه كمان الطنابير اللي التيل بيقفش فيها ......... و بالتالي حاجتبين بيحكوا في بعض
بس علشان التيل مُعرض للتآكل أكتر فبنشعر به أكتر و لكن الطنابير هي كمان بتتأكل مع الفرامل القوية على طول .

أرجوا أني أكون أفدتك و ربنا يستر طريقك و يبعد عنك الشوماخرية المصريين و سواقين الميكروباظ و النقل بجميع أنواعه
و ربنا يأخد الكائنات الضالة اللي على الطريق مورهاش غير أذيه غيرها

و ده رد تاني على التيل في العربيات الأتوماتيك

دكتورمحمود صلاح ... التحية العطرة
فعلا في الأوتوماتيك التيل بيعيش أقل من المانوال .

بس له حل ....

لما تفرمل و أنت ماشي على 100 و عايز توقف العربية في 20 متر غير لما تفرمل و أنت ماشي على نفس السرعة بس مساقة التوقف زادت ل 500 متر
أستهلاك الفرامل في المرة أولى هايكون أزيد طبعا بكتير و أستهلاك البنزين و أستهلاك الطنابير أو الديسكات .

و بالتالي الفرمل في الأوتوماتيك أسهل
تشيل رجلك من على البنزين .......... و تسيب العربية تمشي شوية من غيره هاتلاقي فرامل الموتور بتهدي العربية لوحدها
و بعدين تستخدم الفرامل حسب الحاجة .

مشكلتنا في مصر أن الناس بتجري و خلاص ........ كله عايز يجري بس و محدش عايز يهدي و كله عايز يطير من على المطبات .

**tutankhamoun** · 09-10-2010 09:12 AM

المشاركة الأصلية كتبت بواسطة CryptonX

نفس اللون برده ؟ و لاغيرت :)

الف الف مبروك و عقبال الجن3 بقى :)

بالنسبة للون أنت أيه رأيك ؟

و ألف شكر يا كريم باشا و نورت الموضوع و عقبالك لما نشوفك بجينا في ليلة الدخلة

المشاركة الأصلية كتبت بواسطة BlackBerry

ألف مبروك يا توت ويرزقك خيرها ويكفيك شرها ان شاء الله.

تحياتي

الله يكرمك يا بلاك بيري باشا ...... و شكرا على الدعوة الجميلة

بس خلي بالك البلاك بيري بيمنعوه دلوقتي

أنا بهزر معاك

المشاركة الأصلية كتبت بواسطة M.almaghraby

الف مبروك يا كبير :)

الموديلين فيهم مميزات و عيوب في رأيي

ربنا يبارك فيك يا أستاذ مغربي و شكرا عى الدعوة الجميلة

و أكيد كل موديل هايكون له مميزات و عيوب ...... و ربنا يباركلنا في بروتوناتنا الجميلة

**tutankhamoun** · 09-10-2010 09:17 AM

المشاركة الأصلية كتبت بواسطة ahmed_su

الف مبروك يا توت

مقارنة جميلة وعن تجربة عملية ....

الله يكرمك يا أستاذ أحمد و نورت الموضوع بمرورك و تعليقك
و ربنا يباركلك في بروتونتك

المشاركة الأصلية كتبت بواسطة spiderloking

شكرا جدا يا توت علي التوضيح و علي الموضوع الرائع جدا تسلم ايدك

نورت ياباشا و العفو و الله يكرمك

المشاركة الأصلية كتبت بواسطة ramyar

بسم الله ماشاء الله
مقارنه عادله تقبل تحياتي
وياريت يا فندم ماتغبش عننا كتير

منور يا رامي باشا .... و شكرا لمرورك الكريم .
و أنت عارف بقى ساعات الدنيا بتبقى سلبية شوية بس إن شاء الله نستمر على طول و نفيد و نستفيد من بعض

و تقبل تحياتي و شكرا على مرورك الكريم

**tutankhamoun** · 09-10-2010 09:24 AM

المشاركة الأصلية كتبت بواسطة pedro732000

استاذنا اخبارك ايه نورت المنتدى من تانى وبلاش الغيبة الطويل ده تانى والف مبروك على الجديدة اونت تقريبا جايبها فى نفس التوقيت بتاعى
بس بالنسبة للالرم اللىبعد 100 او 120 بتهيالى كان موجود فى الموديل القديم وكان مزعج واتشال فى الجديد

ياباشا ده المنتدى منور بنورك
و الله يبارك فيك و يباركلك إن شاء الله .

بالنسبة للأنذار الخاص بالسرعة
لا القديمة كان فيها و لا الجديدة فيها .......... و نفسي أي عربية تنزل في مصر يكون فيها أنذار و اللي يزود عن 120 على أساس أن 120 دي سرعة أقصى طريق في مصر ........ العربية ما تزودش بنزين عن كدا .

المشاركة الأصلية كتبت بواسطة Tarek Gen 2

تسلم ايدك يا استاذ توت يا عم القسم

طارق باشا نورت الموضوع
ووالله أنا بحب أقرأ كل تعليقاتك الجميلة .... بجد بأبتسم مع كل تعليق

المشاركة الأصلية كتبت بواسطة bluemaneg

جامد قوي التحليل و توضيح الفرق بين الموديلين

شكرا استاذ توت دايما مستمتعين بموضوعاتك

العفو يا أخي الكريم ...... و ربنا يباركلك يارب

المشاركة الأصلية كتبت بواسطة solghof

مقارنة هامة ومفيدة وتطمن الواحد ان الموتور والعفشة في تطور مستمر
بالرغم من انقاص بعد الاشياء الغير ملموسة في الكماليات كالساعة مثلا او تغير شكل العداد من فردي الي زوجي

لا أطمن يا أخي الفاضل ......... هما بيشيلوه حاجات و يحطوه حاجات مكانها
و الحمد لله
تقريبا هي العربية الوحيدة اللي في السوق
اللي سعرها ثابت من ساعة ما نزلت مصر .

الموضوع: مقارنة تجربة مواتير الكامبرو القديم و الجديد و تغيير الجين 2

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

مقارنة بين نيسان الشكل القديم والشكل الجديد

مقارنة بين 3 مواتير

استفسار عن مواتير الجين 2 والعفشه

فيه نوعين مواتير فى الجين 2؟

مقارنة بين مواتير ال 405

الكلمات الدلالية لهذا الموضوع

المفضلات

المفضلات

ضوابط المشاركة