شوية تظبيطات للتيجو

**firstknight_eg** · 07-10-2010 02:29 PM

انا والحمدلله نويت اظبط كام حاجة في التيجو وعاوز رأيكو

أنا عملت كام حاجة كده ولسه هكمل لما يبقي عندي وقت

1- غيرت السماعات اللي كانت نازلة مع العربية لسماعات Sony 1641 غشان صوت السماعات كان هيشيلني

مع كل احترامي للي بيقول ان السماعات اللي فيها حلوة غير السماعات وهتسمع حاجة تانية خالص

2- زودت Bluetooth Unit علي كاسيت العربية ودي وحدة أصلية منزلها كينوود لموديل الكاسيت اللي نازل في التيجو

وفي فرق كبير بينها وبين أي وحدة بلوتوث تانية اولا لان كده الكاسيت بيقفل الصوت لما تليفون يجي

وممكن يتسجل عليها 5 موبيلات

وتتصل من ريموت الكاسيت

في الصورة واضح الميكروفون متركب جنب الكاسيت

وديه صورة للكاسيت وواضح فيها حرف BT وقوة الشبكة والبطارية

3- عمل فرش جلد عند جيتز كار ، خليت اللون الرئيسي اسود وفي النص نفس اللون الرمادي بتاع العربية

-------

ناوي بإذن الله لما يبقي عندي وقت اعمل حاجتين

1- اركب إنذار للتيجو " عشان الإنذار اللي فيها بتاع فتح الابواب بس" وطبعا فكرة ان اشيل 2 ريموت مستبعدة تماما فقعدت ادور لغاية ما لقيت إنذار بيركب علي العربية وبيشتغل بمفتاح العربية الاصلي هو غالي شوية بس احسن من اني افضل شايل مفتاحين

2- اركب عتب للجناب / شفت واحد عند علي رضا اللي في مدينة نصر للتيجو وواحد عند ArabCom بس اللي عند رضا شكله أحسن

ولو فيه حد عنده اي افكار تانية يا ريت يقولي

**emadmoufid** · 07-10-2010 04:35 PM

ممكن اعرف تكلفة كل حاجة من اللي عملتها علشان انا ناوي اعمل نفس الموضوع في التيجو اللي معايا ومحتاج اعرف هاصرف كام عليها. وربنا يوفقك

**firstknight_eg** · 07-10-2010 04:54 PM

أستاذ عماد تحياتي ليك والتكلفة كانت كالتالي

1- طقم السماعات 280 جنيه بالتركيب وانا غيرت الطفمين من عند أدريان اللي في طريق النصر بعد عباس العقاد

2- وحدة البلوتوث تمنها 700 جم من عند السجان

3- الفرش الجلد + فرش الارضية عمل 1350 جم

4 - الإنذار بيعمل 350 بالتركيب من عند أدريان برضه

5- العتب بيعمل 1400 من عند رضا و 1350 من ArabCom

انا لسه في شوية حاجات بدور عليها ذي العتب الداخلي وشوية اكسسوارات تانية

وممكن تطلب اي حاجة لو عاوز يا باشا اقدر اساعدك فيها

**emadmoufid** · 07-10-2010 05:17 PM

شكرا لك على سرعة الاستجابة.

بس انا ملاحظ ان الاسعار تقريبا عالية شوية وخصوصا العتب الجانبي إلا إذا كنت تقصد العتب جانبي وامامي وخلفي (ديفندر) لاني سمعت ان الطقم بالكامل في شارع معروف في حدود 1200 جنيه.

وارجو توضيح معني العتب الداخلي علشان انا معنديش فكرة عنه.

ياريت لو تعرف تمن وحدة gps تبلغني.

معلش طولت الاسئلة عليك..... وشكرا جزيلا لك.

**firstknight_eg** · 07-10-2010 05:45 PM

المشاركة الأصلية كتبت بواسطة emadmoufid

شكرا لك على سرعة الاستجابة.

بس انا ملاحظ ان الاسعار تقريبا عالية شوية وخصوصا العتب الجانبي إلا إذا كنت تقصد العتب جانبي وامامي وخلفي (ديفندر) لاني سمعت ان الطقم بالكامل في شارع معروف في حدود 1200 جنيه.

وارجو توضيح معني العتب الداخلي علشان انا معنديش فكرة عنه.

ياريت لو تعرف تمن وحدة gps تبلغني.

معلش طولت الاسئلة عليك..... وشكرا جزيلا لك.

استاذ عماد

بص هو دايما في مبدأ ان الجودة يقابلها سعر عالي

عشان كده في اسعار ان حاسس انها عالية شوية بس ضرورية عشان الجودة

يعني وحدة البلوتوث ديه تمنها بره 100 دولار يبقي في مصر فرق السعر مش كبير خصوصا انها هتديك امكانيات كبيرة

اما بخصوص الفرش بص انا لما قالولي علي جيتز كار كنت مستكتر الاسعار بس بعد ما اتعمل قلت والله مش خسارة الفلوس لانه بجد معمول حلو جدا

العتب الجانبي بيبدا من 600 بس ما فيش حاجة فيهم دخلت مزاجي

اما بقي الدفندرات انا شفت طقم امامي وخلفي عامل 2300 جم بس كان روعة

وكل حاجة حسب الاسعار اللي انت عاوز تدفعها

----

بخصوص ال GPS هاتلك كاسيت جديد في GPS وبلوتوث وفيديو وشاشة باللمس من عند ArabCom بس بصراحة مش عارف بيعمل كام

لو عاوز الوحدة لوحديها في تقريبا بتبدأ من 700 او 800 لحد 2000 وانت طالع

**max_ziro** · 07-10-2010 06:17 PM

ماشاء الله انا بحترم جدا العربية دى
ربنا يباركلك فيها ..

**abo_salama** · 08-10-2010 03:21 AM

ما الله كان

**islamnasser10** · 01-12-2010 07:26 PM

الشغل تمام وانا كمان عايز اعمل شوية حاجات اول ماشتريها ان شاء الله
وعايز اعمل الاتي
1_- طقم السماعات 280 جنيه بالتركيب
هغيرهم زي حضرتك لاني من هواة الصوت النضيف
2_- الفرش الجلد + فرش الارضية عمل 1350 جم
تمام
3- العتب بيعمل 1400 من عند رضا و 1350 من ArabCom
عايز اعملة بس بصراحة مستغلية اوي ممكن احط الرخيص وخلاص اهو منظر
5_عايز احط ديفندر امامي بس برضة مستغليه اوي وهشوف ارخص حاجة ممكن تعمل كام
5_عايز افيم الزجاج الامامي كمان مع الخلفي
6_عايز احط بطول العربية علي الابواب كلمة Tiggo
7_عايز حاجة شكلها شيك احطها علي التابلوة علشان ميشققش بسرعه من الشمس
بس.
هي النمر التجارية بتتجاب ازاي وبتكلف كام؟

**speed demon666** · 02-12-2010 12:39 PM

انا عندي مشكلة في الكاسيت ... لما بحط الفلاشة مفيش حاجة بتتقري .... و الدي في دي مش راضي يقرا اي حاجة ... انا حاولت معاه و مفيش فايدة ... لو حد عندو حل يا ريت يقوللي