تعليق سريع يعد 1000 كم - سيراتو 2011 - وكيل

**mido** · 08-10-2010 12:14 PM

ازيكم يا جماعه بعد مرور 1000 كم مع السيراتو اليكم الانطباعات السريعه
اتا عربيتى SX
انا شغلت التكيف من اول يوم علشان مفيش حاجه بتقول مشغلوش :) التكيف ممتاز جدا انا يشغله على تانى سرعه وبيكون كويس
العفشه مش ناشفه قوى مقارنة بالافيو :) يعنى ممكن تعيش معاها انا ظيطت الهوا على 30 والدنيا اتحسنت كتير وناوى احط نيتروجين
سحب الموتور كويس بس لو عايز تشد ستيترونيك احسن بس فى كل الحالات الresponse بتاع الموتور سريع جدا
السرعه انا معديتش ال120 بس كانت كويسه جدا على المحور بس على الدائرى بتاع الهرم بحس العربيه مش ثابته قوى
استهلاك البنزين مش حلو يعنى مش بوصل ل 200 كم فى ال20 لتر جوه البلد من غير حرق والتكيف شغال معظم الوقت اخرى 160 مثلا
ال ABS شغال كويس انا فرملت على كوبرى اكتوبر ووقفت بس اللى وراى مكانش عنده ABS :)
الاكصدمات تعبانه جدا ومش محشيه حاجه و يادوبك ريحت واتا بركن الاكصدام اللى قدام اتنى ده غير اللى لبس فيا من ورا
اكصدامات الافيو كانت احسن كتير :)
النور انا حاسس انه ضارب يمين شويه مش عارف ده عادى واللا لا؟
لما بضرب عالى بحس ان فى رعشه خفيفه كده بس مش عارف طبيعى ولا لأ دى كانت موجوده فى الافيو برده
الباركنج سنسور جامد جدا بيساعد جدا فى الركن والريموت حلو بس مش بيطلع صوت لما تفتح او تقفل
الcd بيشغل ال ipod ودى حاجه جامده جدا وبيشحن التليفون فى نفس الوقت
الخامات الداخليه ممتازة جدا فى الفئه دى

فى النهايه انا راضى جدا عن العربيه ولما تيجى تبص على السوق هتلاقى السيراتو best value for money طبعا من وقت للتانى بيوحشنى شكل الكروز :)

**NoRmAl** · 08-10-2010 12:28 PM

طيب عقبال ال100 ألف يا ميدو :)
طبعا معاك فى موضوع الاستهلاك دا وبجد مشكله
بس مش معاك فى موضوع الاكصدامات الحقيقه
تجربتى غيرك خالص :)
أنا أتخبط من ورا نتيجه سرحان الى ورايه من 3 الى 4 مرات
والحمد لله ولا مره حصل حاجه
وهغير الاكصدام علشان الخبطه الى فى الرفرف مخربشاه بس
لكن متكسرش ولا أتنى معايا خالص
بخصوص النور ممكن تظبطه بقى فى التوكيل لو مش عجبك
أنا شخصيا بعشق النورالعالى بتعها بيقضى الغرض بجد فى ظل الكلاكس العار بتاعها :)
مبروك مره تانيه

**Mshawky** · 08-10-2010 02:20 PM

انا الحمد لله العربيه معايا زى الفل اهو وعامل 9000 كيلو بيها وتمام

انا برضه موضوع النور عندى كان مشكله كده وحسيت انه اتزبط لما رفعت زرار النور على درجه 1 بس انا ناوى اركب زينون ان شاء الله هيبقا مريح للعين اوى بس الناس هتدعى عليا هههههه

**mido** · 08-10-2010 02:26 PM

المشاركة الأصلية كتبت بواسطة normal

طيب عقبال ال100 ألف يا ميدو :)
طبعا معاك فى موضوع الاستهلاك دا وبجد مشكله
بس مش معاك فى موضوع الاكصدامات الحقيقه
تجربتى غيرك خالص :)
أنا أتخبط من ورا نتيجه سرحان الى ورايه من 3 الى 4 مرات
والحمد لله ولا مره حصل حاجه
وهغير الاكصدام علشان الخبطه الى فى الرفرف مخربشاه بس
لكن متكسرش ولا أتنى معايا خالص
بخصوص النور ممكن تظبطه بقى فى التوكيل لو مش عجبك
أنا شخصيا بعشق النورالعالى بتعها بيقضى الغرض بجد فى ظل الكلاكس العار بتاعها :)
مبروك مره تانيه

شكرا يا باشا هو الاكصدام اللى ورا متكسرش الحته السودا اتفكت وركبتها بس الامامى اتنى وبقى فيه نقره كده

**M.ABDEEN** · 08-10-2010 02:35 PM

مبروك ومليون مبروك يا باشا

**ahmedsamir5edr** · 08-10-2010 02:53 PM

ألف مبروك يا باشا
بس أستهلاك البنزين عالي شويتين

**ghazy12** · 08-10-2010 05:42 PM

طبعاً و قبل اي شئ الف مبروك, و ربنا يديك خيرها و يكفيك شرها...

اسمحلي اعلق على نقاط تقييمك للعربيه بحكم تجربتي الشخصيه...

1- التكييف كويس جداا, و الاداء هيتحسن اكتر بعد الـ5000 كم...

2- العفشه بالفعل ناشفه, لكن ماتقارنهاش بالافيو اكيد, جرب تركب سيراتو الشكل القديم
و انت تعرف لانهي مدى عفشة النيوسيراتو ناشفه و ده ليه اسباب طبعاً و هي...

- المساعد قصير
- نظام تعليق خلفي تورشن بيم
- الجنط الـ17 (لو انت Sx بجنط 17)

3- موتور النيوسيراتو قوي بشكل ملحوظ فعلاً, و لما تفتح الموتور هتلاقي سحب الـD
بقى زي الستيبترونيك و ممكن افضل كمان, و الاستجابه اسرع (و ده الوضع اللي كان عندي بعد التفتيح)...

4- احساسك بعدم ثبات العربيه على الدائري تحديداً ده بسبب الفواصل اللي فيه, و اللي بتخلي
العربيه تفقد توازنها نسبياً مع كل فاصل بسبب ارتفاع العجل الخلفي عن الارض و فقده للاحتكاك
بالاسفلت, و ده بسبب نظام التعليق بردو... على عكس المحور اللي بلا فواصل و بالتالي هتحس
العربيه قمة الثبات... بس على طريق سليم و ممهد و متسفلت بشكل محترم و مافيهوش مطبات هواء...

5- استهلاك البنزين المفروض يتحسن بعد الـ1000 كم بشويه, يعني ممكن على 2000 كم مثلا
تبدأ تحس باختلاف, و مش لازم تكون من ضمن الناس اللي عندها مشكله في الاستهلاك, لان انا
واحد من الناس ماكانش عندي مشكله في الاستهلاك, لكن في ناس كان عندها, و بالتالي الموضوع نسبي.

6- الـABS ممكن يبقى ميزه, و ممكن يبقى عيب, و على حسب استخدامك ليه ازاي... و بمعنى

ممكن جداا تكون في موقف مش محتاج فيه انك تفرمل جامد و (تفادي) في نفس الوقت, و بالتالي
انت مش محتاج الـABS, لكن محتاج فرامل عاديه علشان العربيه تقف, و بالتابعيه ماتدوسش على
بدال الفرامل للاخر, لكن كفايه نصف دوسه على البدال, و هتفي بالغرض بدون الحاجه لمرحلة الـABS

لكن في موقف تاني انت محتاج تفرمل جامد و تفادي عربيه او حاجه قصادك, و مع الفرمله جامد
انت مش عايز العربيه تفقد اتزانها او تعوم منك نتيجة الفرمله و توقف العجل تماماً, و هي دي تحديدا فائدة الـABS
انه بيمنع غلق التيل على الديسكات بشكل ثابت و بالتالي العربيه تزحف او تعوم لو هتفادي شئ يمين او شمال
لكن بيعمل زي نبضات او عملية غلق متقطعه على الديسكات بتسمحلك انك تعدل مسارك و في نفس
الوقت بتقلل من سرعتك بدون ما تفقد اتزانك او بدون ما العربيه تزحف... ده كل الموضوع

اللي وراك خبط فيك مش لانه ماعندوش ABS, لكن لان المسافه بينك و بينه كانت ماتسعفوش او
الفرامل عنده ضعيفه, او هو ماخدش باله..... الاسباب كتيييير بعيداً عن وجود الـABS من عدمه...

7- مش معاك اطلاقاً في موضوع الاكصدام ده... لان في ورا الاكصدام دعامات من الفولاذ بتمتص
الصدمات علشان ماتوصلش للصدر الامامي او الريدياتبر, و الاهم للركاب نفسهم, و ده على حساب الاكصدام...

لكن عن تجربه, الاكصدام قوي, و في وراه دعامه فولاذ, و كمان صاج العربيه قوي كعادة كيا عموماً

8- موضوع النور ده ممكن يكون مجرد هاجس, و ممكن يكون سليم, فالافضل تشييك عليه في التوكيل

9- الموضوع ده ماكانش بيحصل عندي, و الافضل بردو تشييك على كهربة العربيه في التوكيل

10- مختلف معاك في نقطة ان الخامات الداخليه ممتازه, لان خامات الشكل القديم افضل منها بكتير...

ربنا يباركلك فيها, و ألف مبروك على الصيانه و عقبال صيانة الـ100 ألف... تقبل تحياتي

**Hosam_Optrawy** · 08-10-2010 05:55 PM

ربنا يباركلك فيها يا ميدو

**M.Radwan** · 08-10-2010 06:33 PM

بشمهندس غازي معلش عايز أسألك حاجة
بخصوص عفشة السيراتو الخلفية، أنا عندي اللوجان نفس النظام تورشن بيم
وأنا شفت بتاع السيراتو هو نسخة منها
وأعتقد معظم عربيات مصر في الفئات دي كده وقليل جدا مالتي لينك
بس أنا عندي الجنط 15، فهل الجنط ممكن يكون هو السبب في نعومة العفشة عندي وبالتالي السيراتو بجنط 15 تبقى هى حل العفشة الناشفة بس على حساب الثبات؟

-

الموضوع: تعليق سريع يعد 1000 كم - سيراتو 2011 - وكيل

LinkBack

أدوات الموضوع

عرض

تعليق سريع يعد 1000 كم - سيراتو 2011 - وكيل - انشر الموضوع فى :

-

-

-

-

-

المواضيع المتشابهه

تسعير سيراتو 2011 sx وكيل

مساعدة.. سيراتو 2011 وكيل او سيراتو 2012 خليجى ( سعودى )

تسعير سيراتو 2011 sx وكيل

سيراتو 2011 خليجي ولا وكيل ؟

سيراتو sx 2011 وكيل حتنزل بجنط 16 بدل 17 :))

الكلمات الدلالية لهذا الموضوع

المفضلات

المفضلات

ضوابط المشاركة