الموضوع: نفسى اجرب بنزين 80

من رأيي :-
لو عايز تجربه على سبيل التجربه فقط يبقا بلاش
لو عايز تجربه كنوع من التوفير يبقا توكل على الله وظبط فيشه الاوكتين وجرب الـ 80

لكن متنساش عيوب ومميزات كلاً منهم , وشوف الافضل والاحسن لاحتياجاتك وامشي عليه

بالتوفيق يا استاذ عماد :-)

المشاركة الأصلية كتبت بواسطة emad_banda

تمام بس لو عايز توفير وهل ضبط فيشة الاوكتان على 80 حتبوظ الرشاشات لوجود الشوائب

والله انا شخصيا عمري ما جربت البنزين الـ 80 مع اللانوس او غيرها :-)
بس اللي اقدر اقوله ان كل شئ ممكن , واكيد الفرق في السعر = الفرق في المضمون والمحتوى

شوف موضوع ال 80 دا هيفرق معاك لو بتسافر كتير فى الوفر . و ممكن تستعملة بس لما تكون مسافر عشان تضمن تخلصة فى الطريق طبعا بفارق السحب اللى هيحصل بس ع الطوالى مش بتبان . بس ترجع تحط 90 تانى

يا جماعه معلش انا ضد رايكم ده خالص

ياريت تجربوا الاول قبل ما تحكموا على 80

اولا حكاية الشوائب اللى كل ما حد يسال عن موضوع ال 80 يقولوله الشوائب
ال 80 زي 90 زي 92 زي 95 من ناحية الشوائب بتختلف من محطة للتانيه حسب التانك و تنضيفه

الفرق بين كل انواع البنزين دي هيا نسبه الانضغاط للبنزين يعني ايه
يعني قدرة البنزين على مقاومة التصفيق عند الاحتراق في غرفه الحريق (يعني الاشتعال الذاتي)

يعني مثلا بنزين 95 مقاومته للتصفيق اعلى ازاي يعني
يعني مابيحترقش بسهولة لما بيحصل الضغط من المكبس في السلندر بين مزيج الهواء و البنزين و مابتحرقش الا لما البوجيه يولع
البنزين 80 بقى لو حطيناه في عربيه معدل الانضغاط بتاعها 11 مثلا يعني بتاخد بنزين 95
هاتلاقي قبل ما البوجيه يطلع الشراره هاتلاقي البنزين اتحرق نتيجة للضغط بتاع المكبس داخل غرفه الحريق

طيب لو فيه طريقة اخلى العربيه تقدم الشراره عشان تلحق قبل ما مزيج البنزين 80 و الهواء يتحرق تحت الضغط الشديد في غرفه الحريق يبقى كده انا قضيت على ظاهره التسقيف و ده اللى بيحصل في الدايو مع ظبط فيشه الاوكتان

لكن كون انه بيسد الرشاشات و الكلام ده مش مظبوط و لا بيأثر على علبه البيئه و لا اي حاجة لانه مافيهوش رصاص
و بعدين التجربه خير برهان جرب الاول و بعدين احكم
وبعدين الفرق الكبير ده يستاهل على الاقل محاوله التجربه