الموضوع: موسوعة أعطال وسلبيات اللوجان بالحلول

السلام عليكم ورحمة الله وبركاته

أنا يا جماعة إشتريت لوجان فول أوبشن 2011 بتاريخ 8/11/2011 وكان فضل إختياري لهذه السيارة يرجع بعد الله سبحانه وتعالى لهذا المنتدى والمعلومات الرائعة اللي عرفتها منه قبل ماشتري واللي ساعدتني في إتخاذ قرار شراء هذه النوعية.

ورداً للجميل عملت ساعتها موضوع جامد أوي بإسم "لوجان 2011 خطوة بخطوة" عرضت فيه تجربتي كاملة مع هذه العربية لكي يستفاد منها من هو مقبل على شراء سيارة جديدة وبرضه عرضت تقييمي للعربية وإجراءات الترخيص والتأمين و...و... لكي يظل هذا الموضوع مرجع شامل للعربية دي.

المهم شاء ربنا إن هذا الموضوع يضيع مع المشاكل الأخيرة اللي حصلت للمنتدى ومنفعشي يرجع تاني ففكرت إني أعمل موضوع جديد بس المرة دي يكون بحق وحقيق مرجع شامل كامل للعربية دي (لوجي حبيبتي).

العربية دلوقتي بقالها معايا داخل على شهر وعديت الألف كيلو وبصراحة رأيي زي ماهو - العربية دى ممتازة وأحسن واحدة في الفئة السعرية دي.

الموضوع الجديد دة أتمنى من ربنا إن يوفقني فيه ويحقق المراد منه - أنا في تخيلي إن المنتدى مليان بالأخبار الحلوة عن العربية دي ففكرت إني اعمل موضوع يلم كل الملاحظات السلبية والأعطال اللي تخص هذه العربية من خلال ملاحظات وتجارب الأعضاء عشان كل اللي يشك في حاجة غلط في عربيته يرجع لهذا الموضوع ويعرف سبب دة إيه وكمان علاجه إيه.

ربنا المستعان

المشاركة الأصلية كتبت بواسطة baset

السلام عليكم ورحمة الله وبركاته

أنا يا جماعة إشتريت لوجان فول أوبشن 2011 بتاريخ 8/11/2011 وكان فضل إختياري لهذه السيارة يرجع بعد الله سبحانه وتعالى لهذا المنتدى والمعلومات الرائعة اللي عرفتها منه قبل ماشتري واللي ساعدتني في إتخاذ قرار شراء هذه النوعية.

ورداً للجميل عملت ساعتها موضوع جامد أوي بإسم "لوجان 2011 خطوة بخطوة" عرضت فيه تجربتي كاملة مع هذه العربية لكي يستفاد منها من هو مقبل على شراء سيارة جديدة وبرضه عرضت تقييمي للعربية وإجراءات الترخيص والتأمين و...و... لكي يظل هذا الموضوع مرجع شامل للعربية دي.

المهم شاء ربنا إن هذا الموضوع يضيع مع المشاكل الأخيرة اللي حصلت للمنتدى ومنفعشي يرجع تاني ففكرت إني أعمل موضوع جديد بس المرة دي يكون بحق وحقيق مرجع شامل كامل للعربية دي (لوجي حبيبتي).

العربية دلوقتي بقالها معايا داخل على شهر وعديت الألف كيلو وبصراحة رأيي زي ماهو - العربية دى ممتازة وأحسن واحدة في الفئة السعرية دي.

الموضوع الجديد دة أتمنى من ربنا إن يوفقني فيه ويحقق المراد منه - أنا في تخيلي إن المنتدى مليان بالأخبار الحلوة عن العربية دي ففكرت إني اعمل موضوع يلم كل الملاحظات السلبية والأعطال اللي تخص هذه العربية من خلال ملاحظات وتجارب الأعضاء عشان كل اللي يشك في حاجة غلط في عربيته يرجع لهذا الموضوع ويعرف سبب دة إيه وكمان علاجه إيه.

ربنا المستعان

يالا نفتح الباب وأنا اللي هكتب أول مشاركة

دي ملاحظاتي السلبية اللي خدت بالي منها وطبعاً لسة ماعنديش حلول ليها بس طبعاً هعرضها على التوكيل لما أروح أول صيانة بإذن الله.

1- صوت الموتور
هو فعلاً علوه ملحوظ وأعلى من عربيات كتير في الفئة دي - ودي كانت ملاحظة ناس صحابي كتير علقوا عليها بإن دة مش صوت موتور عربية جديدة - بس برضة بأمانة تامة وللحيادية لازم برضة أذكر إن عزل الصوت داخل العربية ممتاز - يعني لو قفلت الزجاج هتعيش مع نفسك ومش هتسمع أي حاجة.

2- رعشة دواسة البنزين
العيب دة برضة في ناس كتير علقت عليه وهو إنك بتحس بزنة جامدة تحت رجليك في دواسة البنزين - أنا قريت عنه كتير وفي أعضاء قالت إنه بيروح مع الوقت.

3- ريحة بنزين
دي بقة جديدة - أنا ساعات بشم ريحة بنزين جوة العربية ودة بيحصل لما بحس إني ضغطت على دواسة البنزين أكتر من الازم يعني حرقت بنزين كتير - ده بيحصل ساعات يعني مش دايماً.

4- رجرجة الفتيس

برضه في ناس إتكلمت عنها كتير - بصراحة أنا مش عارف هو دة الطبيعي ولا لأ - اللي ملاحظه إن الفتيس بيترجرج بس مش قوي - على العموم الحكاية دي مش مديقاني.


دوول يا إخواني شوية الملاحظات السلبية اللي جمعتهم خلال الفترة اللي فاتت وعرضتهم بما يرضي الله بأمانة تامة وحيادية عشان الكل يستفيد.

الله الموفق

طيب دة كدة زى الفل يدوبك حتعمل شوية كيلوات والملاحظات دى كلها حتقل رويدا رويدا .... احنا عايزين ندخل فى التقيل

المشاركة الأصلية كتبت بواسطة zemanovaxxx

أميــــــــــــــــن
أنا نفسي أجيبها بس مش قلقان من الأداء لأني متأكد إن موتور اللوجان والعفشة تمام
حاسس إن شكلها من جوه مش حلو أوي
بس عندي سؤال بسيط لكل مالكي اللوجان
لو كان معاك نفس الفلوس اللي اشتريت بيها اللوجان ورجعت بالزمن هتشتري اللوجان تاني؟

والله آه

المشاركة الأصلية كتبت بواسطة baset

والله آه

خلاص يا عم أنا كنت باهزر متتحمئش أوي كده

ع العموم ربنا يملهالك بركة

المشاركة الأصلية كتبت بواسطة zemanovaxxx

خلاص يا عم أنا كنت باهزر متتحمئش أوي كده

ع العموم ربنا يملهالك بركة

يارب

ويرزقني خيرها

ويكفيني شرها