أنا بس إلي كده ؟؟؟

**mmffor** · 03-12-2010 03:32 AM

انت حالك احسن من حالي!

**hossam165** · 04-12-2010 07:28 PM

المشاركة الأصلية كتبت بواسطة hussein_emara

بشمهندس حسام

كلامك جميل, انا اختصرت بس عشان المساحة
حفكر معاك بصوت عالي
كل واحد كان عندو طموحاتة و هو صغير
الطموح ده مش لازم يتحقق و بتمشي في حياتك لأنها لازم تمشي بس الطموح ده محفور في الذاكرة
و المخ يشتغل, انت هالك نفسك في الحياة عشان تعمل حاجات انت اصلا مش عايزها, و اللي انت عايزة سايبة
و بعدين تخش في دوامة الجواز و العيال و الاسرة و و و و دوامة تنسي الواحد اسمة مش طموحة
بس دفن الطموح مش حل, لأنه مسيره يقب على السطح, و يعذبنا اكتر
شوف كام واحد مموت نفسة في شغلة, و اسألة انت كنت عايز تعمل, و ممكن يسيبو بمزاجة, لأن الطموح مش دايما بيأكل عيش, و زي ما قلنا الحياة لازم تمشي

الواحد عشان يعيش بيسيب حاجات كتير ورا ضهره
بس الحاجات بنطاردنا في شكل الهموم و الاحزان على العمر اللي بيتسرسب من تحت ايدينا من غير من نحقق اهدافنا
و المجتمع حواليك مش شايف غير انك تجوز و تخلف

الحل يا نطاردة الاسطورة الذاتية
تحقيق الاهداف و الطموح
بس دة طبعا في عالم غير اللي احنا فية
و ظروف غير اللي احنا فيها
يا نسيب الاجانب هما اللي يعمروا الارض بالعلم و التكنولوجيا
و احنا نملاهلهم عبال

انا معاك انها مشكلة مجتمع التعامل معاه بجيب احباط
بس ايه النتيجة عاوز تستسلم وتقول ما فيش فايدة
لا اتفق معك ومش لازم كل الي نحلم بيه يتحقق ولكن مجرد الحلم ده شيء جميل
ومحاولة الوصول ليه ده شيء اجمل واذا قدرت تحققه ده قمة الجمال والسعادة وهتقعد تضحك علي كل الي مر عليك وانت بتحقق حلمك
انا عارف ان فيه ناس حوالينا شغلتهم يهدمو الاحلام ويخنوقوها ودول لازم ميكونش ليهم تأثير علينا لو كل واحد فينا قابل شيء محبط استسلم مكنش يبقي فيه ناجحين ابدا
نفرض انك مش قادر تحقق طموح ما حاول مرة اخري واخري .... معرفتش سيبه وابعد عنه خالص وشوف غيره هو الي هيجيلك لواحده من غير تعب بس دايما لازم يكون عندك شيء عاوز تعرفه او مهارة عاوز تتعلمها ولا تقف عند حد معين وتقول بس كده تمام ,مافيش فايدة

**sarah5** · 05-12-2010 12:56 AM

كتير حاولت اسأل نفسي ليه انا دايما حاسة بالملل والزهق حتي وانا مشغولة او بخرج او بسافر رغم ان ربنا انعم عليا بنعم كتير جدا لو فضلت احمده عليها طول عمري مش هيكفي بجد مش لاقية اجابة بس اعتقد ان الانسان اللي في طبعه اصلا مش اجتماعي بيكون دايما حاسس بالوحدة والملل حتي وهو وسط الناس بحس انها طبيعة في الشخصية ولا يمكن التغلب عليها الا باننا نبقي مع ناس بيفهمونا وبيحسوا بينا وبطبيعتنا دي ولكن معتقدش ان الحالة دي ليها علاقة بحال البلد او حال الناس اعتقد انها بتتعلق بالشخصية

**magyver** · 05-12-2010 03:30 AM

اظم انها فترة وهتعدي
الواحد ساعات بتعدي علية ايام مش بيكون طايق نفسة من الملل
بس حاول تغير يوومك
بس سؤال يادوك
انت رافض فكرة الخطووبة والجوااز لييية ؟

**A7MED_PHARMA** · 05-12-2010 05:26 AM

المشاركة الأصلية كتبت بواسطة magyver

اظم انها فترة وهتعدي
الواحد ساعات بتعدي علية ايام مش بيكون طايق نفسة من الملل
بس حاول تغير يوومك
بس سؤال يادوك
انت رافض فكرة الخطووبة والجوااز لييية ؟

سببين والله يابوحميد
الأول::
إني مش عاوز أدور في طاحونة الزواج..شغل+عيال+مصاريف+مسؤ� �ية+إلتزام
ومش عاوز أعلق حد في رقبتي..وبالذات إني مجنون
وممكن أعمل أي حاجة تخطر على بالي فجأة مهما كانت نتايجها
يعني ممكن لو هيا خنقتني في يوم ..أصبر
لو خنقتني تاني..أطلقها
ومش عاوز حد يعد عليا أنفاسي ويشاركي خصوصياتي

التاني::
كانت بنت واحدة بس إلي أنا كنت مستعد أدخل طاحون الجواز علشانها
وللأسف
راحت لصاحب نصيبها
وبس

**magyver** · 06-12-2010 03:38 AM

هاقلك علي حااجة
الواحد هايفضل كدة لامتي
هيا دة سنة الحياااة يعني
مالناش اختياار فيها
اكيد فترة وهتعدي انشاء الله

**mesaharaty** · 06-12-2010 08:34 AM

هل تصلى ؟

الكلمتين دول هما الحل لكل المشاكل النفسية

**wassim_nasser** · 06-12-2010 09:08 AM

ياجماعة الموضوع تفسيره واضح .. فيه اكتئاب بيجي لفترات صغيره والفتره دي بتبقى مصحوبة بقرارات غبية وتصرفات اغبى والواحد بيحس انه فاشل ومالوش لزوم ف الدنيا و دي بنسميها انخفاض الايقاع الحيوى ودي بتروح وحدها .. وفيه فترات اكتئاب طويله ودي بتيجي للواحد بعد مايكون حقق جزء كبير من اهدافه ف الحياه بس مع الجري ف الحياه الوحدة والروتين سببوله ارهاق خلاه مالوش نفس يعمل حاجه جديده ودي فتره علاجها الصلاه واجازة طويلة و الرجوع للماضى .. دور علي اصحابك القدام أوسافر اسكندرية ف الشتا بتبقا روعة وغالبا مع أول مشكلة بتظهر ف حياتك بتنشغل بحلها وبتنفض للدلع ده .. وصدقنى لو دورت جواك هاتلاقي الف سبب يخليك تستمر ف حياتك .. دور بنفسك جوا نفسك