الموضوع: هل تفضل وضعية العدادات خلف عجلة القيادة ام فى منتصف التابلوه ؟

نفسى عداد الrpm يبقى فى منتصف العدادات.

هى يا جماعة مسالة تعود... لان كلنا من يوم لما ركبنا عربيات كنا متعودين على ان العدادات ورا الدركسيون فعلشان كده الكل شايف ان فى النص دى حاجة غير طبيعية

بس زى ما اعضاء اخرين ذكره انت لو تفكر كويس انت بتابع المرايا اللى على اليمين اكتر ما بتبص على العدادات بتاعت عربيتك و مع ذلك مش حاسس بمشكلة و السبب فى كده انك برضو من يوم لما ركبت عربيات و المرايا اللى على اليمين علطول موجودة هناك... تخيلوا لو غيره مكانها هتلاقى نفسك برضو مش مرتاح للوضع ده

انا معايا ابيزا 94 و والدى معاه نيسان صنى و كان طول عمرنا معانا بيجو يعنى متعود طول حياتى على العداد وراه الدركسيون و لما سوقت الماتريكس بصراحة اول مرة كنت مخنوق من العداد بس بعد بمجرد ما اتعودت عليه لاقيته انه مش مشكلة زى ما الكل متخيل لانك مش بتحرك راسك 90 درجة لليمين مثلا ولا حاجة ده هو فعلا بطرف عينك بتشوف العداد كله

المشاركة الأصلية كتبت بواسطة sa3dawy

بصوا لكل العربيات الى فى العالم هتلاقوه ورا المقود (بوجاتى - لامبورجينى - مايباخ - مرسيديس - فيراراى - مازيراتى - بى ام دبليو) فا مش هيجى واحد عاملى تويوتا ياريس (عربية العيال بتروح بيها المدارس- مش اوى كدا يعنى:d) يعدل على دا كلو :d
بس انا على فكرة معايا ياريس وعجبانى جدا رغم انى معترض على مكان التابلوة دا ميخلينيش اغير راى فيها ابدا (عربية جامدةةةةةةةةةةةة):d:d:d:d:d:d:d:d

البيرفورمنس كارز مينفعش يحطوا العدادات فى النص لسبب صغير جدا

انهم بيحتاجه يبقوا متابعين العدادات بتاعت العربية طول ما هما ماشين و يكون عنيهم على الطريق فى نفس الوقت... علشان كده لو تاخد بالك دايما نور العدادات بيكون واضح اوى و الارقام فيه واضحة جدا بحيث ان السواق ميتعبش فى التركيز على العداد... بمجرد ما يبص بصة خاطفة يلمح العدادات كلها

انما فى السيتى كارز هما فكروا فى وضع العدادات فى النص علشان ارتفاع الطابلوه قدام السائق يقل فيقدر يشوف مساحة اكتر من الطريق نظرا لانه مش محتاج العدادات بالشكل الرهيب اللى سائق البيرفونس كار محتاجه

و فى الاول و الاخر هى مسالة راحة

بكره العدادات في وسط التابلوه (سبارك، ماتريكس، جيلي، ياريس، إيكو ...)