الموضوع: دليل شامل عن الادا بواسطة اسئلة الاعضاء واجاباتهم --نرجو الاهتمام من الاعضاء والتقييم

علبه الفيوزات في النيفا بتكون موجوده تحت الدركسيون شمال

خبط ورزع في المطبات والصوت جاي من ورا
1- ارفع العربيه علي مجري وانزل تحتها واتشعبط في العربيه واتهز بيها وشوف الصوت طالع منين عشان تقدر تحدد مشكلتك فين
2-اكشف كويس علي اليايات او السوست وشوف حاجه فيهم مريحه او حاجه فيهم مكسوره ومنقوله من مكانها
3- بص علي المساعدين لو مرشحين زيت اكيد السبب منهم لانهم فقدوا قدرتهم علي امتصاص الصدمات وبيحصل الخبط والرزع ده .
4- ولو انت مغير مساعدين جديد ورا .( اتاكد ان المساعدين الجداد نفس الطول مش اقصر ولا اطول - اتاكد من المساعدين الجديدة راكبه علي جلب جلد بتكون مع المساعدين وغالبا الميكانيكي مش بيركبهم لانه بيستهل يشبطهم . ويشحمهم )
5- بص علي جلد شدادت الكرونه الخلفيه لانه ممكن يكون تأكل وبيأدي الي احتكاك الحديد بالحديد وده الي بيعمل صوت الخبط ده
ولو هو السبب بتجيب جلد شدادات كرونه خلفي نفس المقاس وبيكرب علي المكبس بالجلب بتاعته حديد او بيركبه الميكانيكي وبيشحم عشان الصوت . بص علي الشدادت دي لو فيها حاجه مكسوره من مطب قوي بتتغير برضوا . وممكن يكرب عليها شداد كارونه شاهين وده الجوز ب 50 - جلد شدادات ب 12 جنيه ايطالي - مساعدين خلفي حسب النوع وانا جيبت نوع اسمه جامبو ب 140 جنيه لونهم اسود وفي علبه لونها ازرق اداؤه كويس ومريح العربيه .
6- ممكن الصون يكون جاي من الفرد الي ورا بالتالي لازم تفك الكاوتش وتكشف علي الصرة وتكشف علي الاكسات وماتنساش التشحيم لان الميكانيكيه بيستسهلوا اليومين دول
ولو في اسباب تانيه ياريت الاخوه يقيمونا ...............منــــــــــذر

صوت تصفير او تزييق وانت بتحمل فرمله وريحه شياط
1- تيل فرامل هتلاقيه مبلط وعايز يتملي فك الاربع فرد بالمرة واملي التيل او يتغير حسب ما يقول لك المتخصص
2- علبه زيت فرامل الماستر بتسرب علي التيل وده بيخليه يعمل ريحه شياط عابره وبتزول بسرعه بس بتقلق طبعا
3- اظبط الاداء وخليه ياخد هوا الفرامل ويظبط لك حسب راحتك في الفرمله ويشيك لك كمان علي فرامل اليد بالمرة عشان تبقي في السليم ..... وما تنساش تظبط زوايا بعد كده ................ منــــــــــذر
علي فكرة نسيت اقول لكم بعد العمليه دي كلها هتلاقي في ريحه شياط ما تقلقش ده لان التيل جديد وهطيبع من مشوارين ومش هتشم ريحه شياط تاني . وبرضوا ممكن ممكن تلاقي في تصفير ما تقلقش برضوا بيكون من التيل لانه جديد وغالبا هتزول المشكله بعد مشوار ولا حاجه

بارك الله فيكم والله يا رجال اللادا
وربنا يجازيكوا كل الخير يارب

يلا يا شباب اى استفسارات ولا اسئلة هتلاقوا ان شاء الله اجابات مقنعه ..............فرصه لن تعوض مرة ثانيه اكبر تجمع من خبراء لادا في المنتدي حاليا .منــــــــــــــــذر