الموضوع: العربية المرعوشة

المشاركة الأصلية كتبت بواسطة totyk

بص علي خرطوم الهوا الصغير اللي راكب جنب حساس tps راكب في مكانو ولا لا.....انا عندي العربية كانت فيها نفس المشكلة

حضرتك لو تقصد الخرطوم اللى راكب فى المنافولد فهو راكب انا متاكد باذن الله لان كمان لمبة التشيك م منورة و لو كان الخرطوم ده متشال كانت نورت

بص انا كان عندي مشكله زي ديه بظبط ودوختني كام يوم تمام وفي الاخر اكتشفت ان في كسر في ماسوره البنزين اللي تحت العربيه بس كان العيب ده بيصاحبه استهلاك جامد في البنزين ولفيت نفس اللف اللي انت بتلفه ده كله وما حدش عرف يحل المشكله وفي الاخر شلت كاتوت الطلومبه وقفلت عليه والعربيه واقفه يعني كاني مشغل الطلومبه علطول ولفيت حولين العربيه لقيت التسريب جاي من تحت ورحت لحمت الماسوره والمشكله اتحلت
انا عاوز الفت نظرك لشيء ان ممكن يكون ده ضخ بنزين قليل يعني ابتدي من الطلومبه والفلتر بتاعها وفلتر البنزين اللي بره بعد التاكد ان مفيش تسريب لو عرف كمان تقيس ضغط الطلومبه يبقي قشطه

حضرتك لعبت في المسمار اللي علي بكرة الاكسراتير او حد جرب يعلي العربية او يوطيها قبل كدة...؟؟؟؟

لو خرطوم الهوا الراكب في المنافولد مش في مكانو لمبة التشك ملهاش دعوة مش هتنور

النهارده نزلت روحت لميكانيكى تانى خالص .. بفكر جديد .. و قولتله على المشكلة بتاعتى
نزل تحت العربية و قعد يبص و يتفحص و كده و جاب كوريك و فك القاعدة بتاعة الموتور الخلفية و رفع بالكوريك ( الرعشة ر احت كتير عن الاول )
طلع قالى ان القواعد بتاعتى جديدة و سليمة بس وحشة لانها الكاوتش بتاعها ناشف و هو ده السر اللى بيخليها تعمل كده
و قالى اجيب القواعد الاصلية عشان يركبهم

بس لما رجعت البيت و اتكلمت مع والدى قالى انه طبيعى ان الرعشة تروح طالما رفع بالكوريك لان جزء كبير من رد فعل الاهتزاز بتاع الموتور بقى مع الارض مش مع العربية

السؤال بقى
1 - هل الكلام بتاع ان القواعد تكون سليمة و مش مقطوعة بس ناشفة ده حقيقى ؟؟؟ شوروا عليا اغير القواعد بقواعد اصلى و لا ملهاش لازمة
2 - منين اجيب قواعد اصلية ؟؟ و بكام ؟؟؟ و هل ليهم علامة او نقش يدل انهم اصليين ؟؟

جرب وحدة كونترول تانيه

انا انهردا روحت لميكانيكي عشان بحس ان العربية انها خشنة و فيها قواعد موتور مش سليمة برضو قالي ان القواعد كويسة مفيهاش حاجة و بلاش اغيرها عشان كل القواعد اللي في السوق ناشفة حتي اللي في التوكيل نفس البضاعة