الموضوع: العربية المرعوشة

بسم الله

ندخل فى الموضوع عى طول
عربيتى دايو لانوس 2 مو 2002 عداد 113000

الشكوى
العربية عندى فيها مشكلة الا و هى ان العربية وهى على السلانسية بتبقى بتترعش و كانها مزندة لما افتح النور الواطى احس بالرعشة تزيد لما افتح العالى تزيد اكتر ولما اشغل التكييف احس انى راكب سيا موديل التلاتينات كان العربية مفيهاش قواعد موتور

تجارب الاصلاح الفاشلة

1- روحت للميكانيكى بص على قواعد الموتور لقاها كلها سليمة ( روحت لاكتر من واحد و فى مرة عشان مكنتش مقتنع فالميكانيكى فكلى واحدة و لقيتها بالفعل كالجدية و فك التانية نفس الكلام )
2- روحت لبتاع الشكمانات قالى الشكمان زى الفل و عشرة على عشرة ( اخد الشكمان من اوله لاخره كان عايز يطلع فيه اى غلطة و كمان بص على قواعد الموتور و قالى مفيهاش لهوا )
3 روحت للكهربائى قالى مفيش حاجة فى الكهربا و الل فيها ده عيب ميكانيا ( نظف الطرف الارضى اللى واصل بجسم العربية و شحن البطارية و جاب الجهاز بتاع قياس الشحن وقالى ان الشحن بتاع الدينامو ممتاز خليته يقعد هو جوا العربية و قلتله جايز انا بيتهيالى العيب لكن هو كمان قالى انها مش مظبوطة )


طيب الحاجات اللى انا مغيرها بسبب القصة دى ( من اقل من 1000 كيلو )
1 طقم دبرياج
2 رشاشات بى ام
3 فلتر بنزين و هواء و طقم بوجيهات بوش المانى


ملاحظة : البوجيهات فكيناها امبارح و لقيتها مهببه و ده يبقى حرق مش كامل علما بان البوجيهات مركبها مع الرشاشات و مكملتش 1000 كيلو
و لما الكهربائى عرف قصة الرشاشات قالى ارجع للقديمة لان الفتحة بتاعتها بتكون شبه المصفى و بترش زى البخاخة اما بتوع البى ام فبترش على شكل خيط (لكن طبعا انا مش مقتنع ) لان فى زملاء هنا مركبينه و مش بيشتكو منه خالص و قالى لو عايز تغير كنت غيرت ببتوع الهيونداى اكسنت عشان توفر بنزين ( طبعا مكدبتش خبر و بصيت على الرشاشات القديمة و لقيتها فعلا فيها حاجة عاملة زى المصفى مثلا و دى الناحية اللى بترش منها و فيها حوالى 5 اخرام رفيعين جدا ) بس مش هوا ده السبب لان فى اعضاء هنا مركبين نفس الرشاشات بالظبط و ما شاء الله مش بيشتكو
علما بان عندى الرشاشات التخينة

انا دلوقتى غلبت مع العربية و مش عارف اعمل ايه

يا ريت حد يفيدنى ارجوكم