صيانه ال 10000 للماروتي

**aymanay32** · 11-12-2010 08:20 PM

معلش اصلى غرقان مع الماروتى بتاعتى قضيت معاها يومين بحالهم
ركبت البوبينة الالكترونى و ممتازة بجد
ياريت كلة يركبها
و فكيت الشبكة و الفوانيس الامامية علشان كان عندى فانوس الركن مكسور نصه و الركن التانى مش شغال
فكيت البطارية كمان علشان افك الفانوس
و غسلت الموتور و الفتيس بالجاز
لانهم كان عليهم زيت و شكلهم وحش
و فكيت غطيان البطارية و شيكت على الميه بتاعتها و زودت الناقص فيهم
و فكيت العمة و غسلتها بالجاز
وركبت كلاكس اضافى مع الكلاكس الموجود بس لسة عاوز يتظبط رجلاشة يعنى
و غيرت السلوك اللى رايحة للبوبينة كلها
و فاضل لى تغير او تظبيط الابلاتين
و كان فيه عربية نقل عاوزة سلب علشان كانت غارزة فى رمل اديته السلبه بتاعتى و رجعهالى تانى و انا بتفرج علية ازاى السلبة بتاعتى (الحبل) بيتربط فيها و فى عربية نقل تانية و بتشدها
مع انى كنت اصلا شاريه علشان ابقى اربط الحاجة فوق الشبكة

بس للاسف الشديد و انا برجع بالعربية عند المحمل خبطت فى عربية نص نقل كسرت لى حته من الفانوس الخلفى و زعلان عليه اوى

.

**love7amada** · 11-12-2010 09:04 PM

و لا تزعل نفسك ع الفانوس
لو الكسر كبير غيره كله كده حته واحده ب 45 جنيه عند سوزوكي سنتر انا عملت عشات كان اتفتشش من عربيه نص نقل برده ولو شغال يعني ممكن تحط عليه لزق بس عشان ميدخلش جواه ميه و اكيد ف احمد حلمي الاسعار اقل كمان

نيجي بقي للموبيني الالكتروني
الفرق حاسه ازاي و ليه ؟

**LORD.ADeL** · 12-12-2010 11:05 AM

ياااااة كل دة ياباشاا ههههه انت واخد ليها اجازة بقااااا
ربنا يعنيك والله بس طبعا كله دة من خبرات العربيات القديمه اللى كانت عندك
ههههههههههههههههههههههههه هههههههههههههههه
انا لو عملت كدة ابقا جباررر هههههههههههههههههههه هع اقولك
نجي فى يوم نفك العربيه كلها ونركبها تانى درس علمي وليك عندي كنزاياا وسندوتش فول علشان نعرف نواصل
ههههههههههههههه
ونجيب اسلام وحازم نبعته الحوار بلوتوث ههههههه
ربنا يسهل بس والجو يتعدل ونبقا نتقابل
وقدر الله وماشاء فعل ع فانوس فداك ياعم عادي وخاليها ياخد العين ع اي شي
مهم اخبار الالكتروني ايه

**love7amada** · 12-12-2010 10:52 PM

انا كمان عايز اعرف الاخبار

**aymanay32** · 12-12-2010 11:03 PM

الالكترونى شغال بس لسة العربية مركونة لحين الفضل فى قضية الابلاتين
و نظرا لان النهاردة كان الجو مش زى الفل فانا قعدت فى البيت تحت البطانية مع انى كنت عاوز اعمل كابل ارضى اضافى للموتور من البطارية مباشرة بس مش قادر حتى افتح باب الشقة من البرد و الهواء و التراب

**love7amada** · 13-12-2010 12:07 AM

انا بقي من صبحيه ربنا بره من 7 الصبح ما بين كليا و كورسات و يا دوب راجع البيت من ساعتين و فعلا الجو كان حاجه رهيبه

**love7amada** · 13-12-2010 12:08 AM

ربنا يعينك يا رب و نعمل المقابله و نتفرج ع الشغل

**aymanay32** · 13-12-2010 11:00 AM

المشاركة الأصلية كتبت بواسطة love7amada

ربنا يعينك يا رب و نعمل المقابله و نتفرج ع الشغل

انشاء الله خلص الكتير ما فاضل الا القليل
بس كنت عاوز لو اى حد يعرف حد ركب ابلاتين و كوندنسر الكترونى يقوللى اخبارهم ايه معاه
قبل ما اروح اشتريهم من الشركة المحمدية فى جسر السويس ب170 جنية