لحام الشداد الخلفي بالشاهين

**heronasser** · 23-03-2008 08:34 PM

الميكانيكي قالي اني اروح الحم الشداد الخلفي للشاهين عند السمكري بس انا عاوز اعرف هل اللحام ده صح وايه هيه اصلا الشدادات وهل هناك تغير لها افضل اما هذا الكلام صحيح

**sab3aawy** · 24-03-2008 04:04 PM

الشاهين من ورا ليها 5 شدادات

شدادين طوال ماشيين بالطول من الديفرانس وحتى نصف السيارة تقريبا وشدادين قصيرين مايلين وشداد بالعرض رابط الديفرانس بالشاسيه

عادة الشدادات الى بتعمل مشاكل هى القصيرة المائلة ودى بتتغير سهلة جدا وسعرها مش غالى ، مع ذلك انا رأييى ان ايا كان الشداد اللى عامل مشكلة غيره وماتلحمهوش

**heronasser** · 24-03-2008 08:29 PM

اولا خالص شكري ليك يا استاذ سبعاوي علي الرد الوافي والميكانيكي كاتب ورقه لحام قاعده الشداد الخلفي يعني الافضل اشوف ميكانيكي عفشه يبدلهم ليه وهل العمليه ديه تاخذ وقت كبير وفك كامل العفشه ولاه شي منفصل عن المقصات والكبالين خالص تحياتي

**hazem_khidr** · 25-03-2008 02:29 AM

المسئله مش وقت بس طالما شداد بايظ غيره زي ما الباشمهندس سبعاوي قال و ما تخاطرش بحياتك و حياه اسرتك

**sab3aawy** · 25-03-2008 08:45 AM

المشاركة الأصلية كتبت بواسطة heronasser

اولا خالص شكري ليك يا استاذ سبعاوي علي الرد الوافي والميكانيكي كاتب ورقه لحام قاعده الشداد الخلفي يعني الافضل اشوف ميكانيكي عفشه يبدلهم ليه وهل العمليه ديه تاخذ وقت كبير وفك كامل العفشه ولاه شي منفصل عن المقصات والكبالين خالص تحياتي

قاعدة الشداد ليست هى الشداد وانما الجزء من الشاسيه اللى بيتربط فيه الشداد

الخمس شدادات بادئين من الديفرانس ومنتهيين فى الشاسيه ، ولذلك انا متخيل ان القاعدة المحتاجة لحام هى احدى القواعد الموجودة فى شاسيه العربية،
ولذلك انت محتاج تسأل الميكانيكى عن الآتى: انهى قاعدة شداد اللى محتاجة تتلحم، والشدادات اساميها كالآتى: شداد شمال طويل ، شداد يمين طويل، شداد شمال قصير، شداد يمين قصير، الشداد اللى بالعرض، الوقاعدة المحتاجة لحام هل هى اللى فى شاسيه السيارة وللا فى الديفرانس

**heronasser** · 25-03-2008 09:50 AM

بارك الله فيك استاذ سبعاوي انا افتكرت اليه مع الميكانيكي كان بيقول لحام من عند الركبه علي ما افتكر ولي سوال مهم هل اروح السمكري يلكحم بالانابيب ولاه كنت زمان لحمت حاجه مش فكرها في 127 بالكهرباء عند ميكانيكي عفشه بالازريطه يعني ايهم افضل لحام الانبيب ولاه الكهرباء
ملحوظه مطلوب ترجمه لتوقيعك الجديد يا استاذ سبعاوي