بتركن عربيتك فين ؟

**mr_vampire** · 11-12-2010 10:37 AM

المشاركة الأصلية كتبت بواسطة rerii

.................................................. .......................

المشكله انهم بيستغلونى كل مااروح وسواء بينضفوا العربية او لا عاوزين كل مااروح اديهم فلوس حتى لما بروح والاقى واحد بس ييجوا التانيين يقولولى مخدناش يادكتورة ويحرجونى وبضطر اديهم بس بصراحه بقيت مضايقه منهم جدا انا بديهم اكتر من اللى بدفعه للجراج والمصيبة انهم عارفين انى لسه طالبة ومستغلينى اعلى استغلال اتخنقت اوووووووف

مادام كل مرة عارفين انهم هياخدو فلوس يبقي شوية شوية هتلاقي عيالهم وعيال عيالهم مستنيينك حولين العربية.

نصيحة من مجرب وخبرة مع الناس ده اركبي عربيتك ومتبصيش لحد فيهم ولو قالك انضفها قوليلها لاء سيبها كدة ومرة والتانية هيعرفو انك خلاص مش بتاعة زمان اللي بتدي كل يوم فلوس. جربي وهتدعيلي

**MaZaGAngeE** · 11-12-2010 11:54 AM

أنا انسان محظوظ
بركن في الجراش في البيت في مصر و في المنيا
و الشغل العربية بتكون في البارك بتاع المصنع

**COOLCHEETOS** · 11-12-2010 12:04 PM

كل الجراجات مليانة عندنا و لو عايز اركن فيها يبقى لازم اسيب المفتاح وتفضل رايحة جاية كل شوية عشان فلان طالع و اللى راجع وده شى مرفوض بالنسبة ليا
فبركن تحت البيت ده لو رجعت بدرى انما لو رجعت متاخر وده العادى بقعد الف حوالى ربع او نص ساعة عقبال ما الاقى ركنة

**abumoh2000** · 11-12-2010 12:15 PM

فى الشغل باركن فى شارع مخصص للكليه وبرغم ان ده شارع خاص الاقى واحد ماسك فوطه زفره وعمال ينضف فى العربيات وطبعا بالاحراج بياخد فلوس وغى البيت بركن ادام البيت وطبعا دى فرصه للعيال الصغيره يمارسوا هوايتهم فى العنف ولاد ال.........

**kamalsalem** · 11-12-2010 12:27 PM

يا جماعة والله حسستوني انه حياتي فيها أمل... فعلاً اللي يشوف مصيبة غيرة.. انا بركن في الشارع.. ومغ ان الحي هنا مش مشهور ولا غالي لكن هادي واصحاب المحلات لسه مضطرتش اضرب حد فيهم بالجزم زي ما كنت بعمل عند بيت أهلي

الحل في كل مشاكل الركنة؟ قلة الادب... والله البولونيز عند بيت أهلي كنت بركنها في بق التخين عشان كله عارف انه انا بالذات مش بخاف عليها... واللي يفسيلي فردة بفسيله نص عمره ضرب

دولقتي الدنيا واسعة والشارع يساع... ف من يوم ما نقلت هنا الحمد لله ولا خناقة... بس برضه مش عارف ليه الشارع واسع ااااد كده ومع ذلك التكاتك بتيجي تحك في العربية

**Formula** · 11-12-2010 12:42 PM

هو فيه غيره:
فوق الرصيف طبعا
انا وجارى عاملين مطلع ومنزل اسمنت علشان العربيات ما تتحكش من تحت
ولأن الركنة جنب الرصيف بقت صعبة و خطرة برضه: انا بنصح كل اللى يقدر يعمل كده, يدوس وش

**Zika9909** · 11-12-2010 05:49 PM

أنا بركن في جراج بعيد عن البيت شويتين، بس مش مهم، إحنا عندنا الناس بيحطوا خوازيق حديد بأقفال جنب الرصيف عشان يحجز المكان و ماحدش يعرف يركن في المكان ده غير إللي معاه مفتاح القفل، و كنت بدوخ عشان أركن لحد ما لاقيت الجراج إللي بركن فيه دلوقتي.
و من أسخف المواقف إللي حصلت معايا: مرة كنت راكن العربية في الشارع و مغطيها آجي تاني يوم ألاقي عقب سيجارة مرمي فوق العربية و حرق دائرة صغيرة من الغطاء، طب ده لو كان ولع في الغطاء و في العربية كنت هعمل إيه ساعتها؟؟؟؟

**Amro_ON** · 11-12-2010 06:17 PM

الحمد لله ... العبور مدينه شوارعها وسعها وكل حته في مكان واسع للعربيات عشان كده مفيش مشكله الحمد لله... بس منزل الزقازيق بيطلع عيني بجد و سعات اركنها فحته بعيده خالص و ققضي كل مشاويري تاكسيات احسن

**alaa99991111** · 11-12-2010 06:26 PM

طبعا مفيش مواقف طريفة كلها خناقات بس الحمد لله مجمع سكني بيتبني وساحته معموله كجراج وعليها 3 خفراء ب 3 ورادي

افضل مليون مرة من حرقة الدم وناس بتقلك ده مكاني عشان تطلع انت و يركن هو مع اني والله مبحبش اعمل كده ادام بيتي لانه مش ملكي

**Rerii** · 11-12-2010 10:41 PM

مادام كل مرة عارفين انهم هياخدو فلوس يبقي شوية شوية هتلاقي عيالهم وعيال عيالهم مستنيينك حولين العربية.

نصيحة من مجرب وخبرة مع الناس ده اركبي عربيتك ومتبصيش لحد فيهم ولو قالك انضفها قوليلها لاء سيبها كدة ومرة والتانية هيعرفو انك خلاص مش بتاعة زمان اللي بتدي كل يوم فلوس. جربي وهتدعيلي

هههههههههههه والله عملت كده النهارده رحت اخد العربيه ولاقتها كلها تراب كأنها كانت محوشاه لها وللزمن وملقتش نفس فى الجراج قلت الحمد لله هاخدها المرة دى من غير مادفع مليم ومش مهم خليها بترابها ... وفجأة الاقى واحد طالعلى معرفش منين وسؤال غريب من شخص اغرب ملوش لازمة اصلا " طالعه بالعربية يادكتورة ؟؟؟

" معرفش كان فاكرنى جايه اسلم عليها وامشى وللا ايه احتمال كنت بشوفها عاملة ايه فى البرد

قلتله ايوة ان شاء الله ز
لاقيته جاب الفوطة اللى حيلته وتقريبا ماسح بيها كل العربيات ورا بعض وبيمسح العربيه

دورت انا العربية وعملت عبيطة

لاقيته وقف مستنى الفرج فاستهبلت وعملت كأنى فهمت انه مستنى عشان وانا بطلع بالعربية يقعد يعمل الحبة بتوعه وارجعى يادكتورة ولفى الدريكسيون يمين قال يعنى انا مش شايفه فى المرايات واصلا المرة اللى مشيت ورا كلامه حكيت العربيه شكله حافظمش فاهم

فعملت هبلة وقلتله لا متعطلش نفسك روح شوف شغلك انت وانا لسه هسخنها عشان متفصلش

هو مشى من هنا وانا قلت يافكيك

ولما رجعت دخلت الجراج بسرعه ومستنتوش ودخلت ركنت العربية وغطتها وانا ماشية قلتلهم سلام عليكوا

الموضوع: بتركن عربيتك فين ؟

LinkBack

أدوات الموضوع

عرض

-

-

-

-

-

-

المواضيع المتشابهه

بتركن عربيتك فى جراج ولا بتسيبها مرمية فى الشارع؟؟؟؟؟؟

بتركن عربيتك الأوتوماتيك ازاى !

كلنا عارفين ان العربيات بتركن لوحدها دلوقتى لكن كمان الجراج يركنلك عربيتك اوتوماتيك

خلى بالك و انت بتركن

ملاحظات تأخذ فى الاعتبار وانته بتركن عربيتك

الكلمات الدلالية لهذا الموضوع

المفضلات

المفضلات

ضوابط المشاركة