الموضوع: بتركن عربيتك فين ؟

المشكلة لما يكون واحد سخيف وعنده عربيتين زى جارى فى العمارة جنبنا واحدة محنطها علشان زيرو والتانية بيمشى بيها طب شاريها ليه اصلا وانا تحت بيتى محلين وف مرة ركنت تحت عمارته فزعل وصمم ارجع ورا فتحديته ورجعت حتى الحد الفاصل بين العمارتين وقلتله علله تعدى هذه الحدود بأى عربية من بتوعك فالمكان مكفاش عربية من بتوعه فراح موقفها بالعرض رغم ان الشارع عمومى ورغم ان عنده مكان تانى فاضى تطل عليه عمارته من جانب اخر والناس كلها قعدت تضحك عليه والاضحك من كده انه بيسوق من 20 سنه ومبيعرفش يركن حتى الان والعربيات عندنا فى الزقازيق اكتر من الناس

في اي مكان فاضي :)

موضوع جميل فعلا

قبل ما ابيع عربيتى
كنت بحتاسسسسسسسس حوسة مالهاش حل اكنى شايل عيل صغير ومش عارف اوديه فين

الشارع عندنا مليان عربيات اكتر من الناس وعمره مابيكون فاضى
لدرجة انى كنت بركن بعيد عن بيتى بحوالى 10 دقائق مشى عن بيت واحد صاحبى بس ببقى قاعد قلقان على العربية

ومرة فكرت اروح جراج قريب من البيت الباشا صاحب الجراج اساسا مارضاش انى اركن لان مافييش مكان ولما جبتله واسطة قالى ماشى نبقى نتصرف بس هاخد من 550 جنيه فى الشهر ده غير 20 جنيه اسبوعيا للعمال علشان النضافة والكلام ده

قلت انشاء الله اول لما اشترى جراج هاخليه بالفين جنيه فى الاسبوع ههههههههه

المشاركة الأصلية كتبت بواسطة Rerii

هههههههههههه والله عملت كده النهارده رحت اخد العربيه ولاقتها كلها تراب كأنها كانت محوشاه لها وللزمن وملقتش نفس فى الجراج قلت الحمد لله هاخدها المرة دى من غير مادفع مليم ومش مهم خليها بترابها ... وفجأة الاقى واحد طالعلى معرفش منين وسؤال غريب من شخص اغرب ملوش لازمة اصلا " طالعه بالعربية يادكتورة ؟؟؟" معرفش كان فاكرنى جايه اسلم عليها وامشى وللا ايه احتمال كنت بشوفها عاملة ايه فى البرد قلتله ايوة ان شاء الله ز
لاقيته جاب الفوطة اللى حيلته وتقريبا ماسح بيها كل العربيات ورا بعض وبيمسح العربيه

دورت انا العربية وعملت عبيطة

لاقيته وقف مستنى الفرج فاستهبلت وعملت كأنى فهمت انه مستنى عشان وانا بطلع بالعربية يقعد يعمل الحبة بتوعه وارجعى يادكتورة ولفى الدريكسيون يمين قال يعنى انا مش شايفه فى المرايات واصلا المرة اللى مشيت ورا كلامه حكيت العربيه شكله حافظمش فاهم

فعملت هبلة وقلتله لا متعطلش نفسك روح شوف شغلك انت وانا لسه هسخنها عشان متفصلش

هو مشى من هنا وانا قلت يافكيك

ولما رجعت دخلت الجراج بسرعه ومستنتوش ودخلت ركنت العربية وغطتها وانا ماشية قلتلهم سلام عليكما

الله ينوووووووووووووووووووووور مش قولتلك عايز حلاوتي بقي
كل يوم من ده بقي لحد مايشوفوكي داخلة يدخلو يستخبو منك ويطلعو عليكي الزبونة اللي مبتدفعش مليم اهي ( وطبعاااااااااااا مصلحة مبدفعش مبدفعش ). اصل دول ناس بتتعامل باستهبال فاستعباط فالاستنطااااااااااااااع. بلد غرقاااااااااااانة فالنطاعة والله. دنا حسبت لواحد ساس عندي فالمنطقة مرة علي ادني تقدير لقيته باشا وفكرت اسيب شغلي واجي اظبط المرور معاه يمكن اطلع ربع اللي بيطلعه. بس قولت لاء انا اخليني زي منا واديلووووووووووووووووووو