الموضوع: صيانة ال 20 ألف للماروتى- فى الجراج تحت البيت

الزرجينة دى بتعمل كام تقريبا

المشاركة الأصلية كتبت بواسطة aymanay32

الزرجينة دى بتعمل كام تقريبا

15-25جنيه حسب مقاسها

المشاركة الأصلية كتبت بواسطة aymanay32

عشرين الف شكر على الخطوات الرائعة دى
بس انا حليت ال ابلاتين و الكوندنسر بطريقة مختلفة شوية
بعد فك الشاكوش
فكيت مسمار الاسبراتير
لفيت الاسبراتير كله فى اتجاه عقارب الساعة و فكيت خرطوم اللى واصل فيه
فكيت مسمار الكوندنسر و مسمارين الابلاتين
و صامولة اللى فى الجنب 8
و بكدة طلع الكوندنسر و الابلاتين و ركبت غيرهم
و عنك ياسيدى و العربية بتنتش و تبطل فجأة و اخر مرة عملتها كنت فى الطريق الصحراوى امبارح و انا جاى من الفيوم و نزلت حركت الابلاتين شوية و دارت بعد كام محاولة مع الابلاتين و الحمد لله
اللى انا ملاحظة انها تنتش لما اخد مطب جامد اوى و بسرعة عالية
طبعا الطريق كنت ماشى على 120 و ما ينفعش اضرب فرامل فجأة علشان شوفت مطب او بالمعنى الاصح حفرة غويطة و لذلك نزلت فيها بسرعتى و اول ما ضغطت على البنزين نتشت منى العربية
و المكان التانى على المنزل اللى رايح على ميدان الرماية كان الطريق واقف و بيمشى سنة سنة و بطلت بردوا العربية و مكانتش عاوزة تدور
فالمشكلة عندى كدة ممكن تكون ايه

إما مسمار مش مربوط كويس (مسمارين الأبلاتين ومسمار الكوندنسر والصامولة ال 8) ا وان فتحة الأبلاتين واسعة خلته لدع، راجع المسامير و حالة ملامسات الأبلاتين وفتحة الأبلاتين

المشاركة الأصلية كتبت بواسطة sab3aawy

1- بالنسبة لطقم الكهرباء انا كنت جايبهم يابانى الأبلاتين ب 20 والكوندنسر ب 20، يمكن بس علشان بلد المنشأ، لكن البوجيهات مش فارقة، انا شتريت 3 فقط ب 21وانت اشتريت 4 ب 30، يعنى مش فارقة تقريبا
تمام ياكبير اشتريت طقم كهرباء ياباينى كله و4بوجيه ب45
2- زيت الفتيس كشف عليه كل ما تفتح الكبوت، العربية دى فيها ميزة خرافية بالنسبة لزيت الفتيس، انه له غطاء للكشف عليه لونه اسود شبه غطاء علبه الدواء بيتفك باليد موجود فى حوض الموتور فى جسم الفتيس فى وسط يسار الحوض تقريبا، هتفكه هتلاقى فيه مقاس متعلم اطمن ان الزيت على الماكس وشكله نضيف، انا غيرت لها زيت الفتيس بعد 5000 كيلومتر من الزيرو لانه كان شكله فيه رايش من تليين الفتيس ، حطيت لها زيت 90 تعاون ،ومن ساعتها كويس ومحتجتش اغيره ولا ازوده لكن بكشف عليه كل فترة كدة على سبيل الاطمئنان
اوكي ربنا يسهل واشوفه هيا العربيه بتاخد كام لتر وبكام ....
3- لو قلت كلمة بوجيه بدون اضافات فالبياع بيعرف انك عايز بوجيه واحد شمعة، بوجيه 3 شمعاة بيتحدد بالأسم، وبعدين شكله واضح جدا، البوجيه ابو شمعة واحدة بيكون فى طرفه سنة واحدة متنية ، اما ال 3 شمعة فبيكون له 3 سنات متوزعين على دايرة البوجيه مثل علامة المرسيدس

4- امشى على الكتالوج فى كل مواعيد التغيير، اهل مكة ادرى بشعابها وصانع السيارة ادرى بادائها

5-التيل حاول تشوف ايه اللى موجود فى السوق واستنضف

تسلم يا غالي ع المعلومات الغاليه دي

المشاركة الأصلية كتبت بواسطة sab3aawy

إما مسمار مش مربوط كويس (مسمارين الأبلاتين ومسمار الكوندنسر والصامولة ال 8) ا وان فتحة الأبلاتين واسعة خلته لدع، راجع المسامير و حالة ملامسات الأبلاتين وفتحة الأبلاتين

العربية بقت ما بتسحبش كويس و بتنتش و تبطل لوحدها النهاردة و ركنتها فى نصر الدين فى الهرم و جانى 2 ميكانيكية فجأة و فكولى الاسبراتير و سلك البوجيهات و قعدوا يغيروا فى تقسيمة البوجيهات و يلفوا الاسبراتير و قالولى ان الاسبراتير فيه جلبة جوة وسعت و عاوزة تتغير و ركبوا كل حاجة تانى و دارت بعد صعوبة و اخدوا 40 جنية و قالولى مش اى ميكانيكى هيعرف يدورها دة احنا اسطوات كبار و مشيت شوية و ابتديت احس ان السحب بتاعها بيقل فجأه و مشيت كدة لحد ما رجعت البيت ركنتها و بفكر جديا انى اغير الابلاتين و الكوندنسر و البوبينة لابلاتين الكترونى و كوندنسر الكترونى و بوبينة الكترونى من الشركة المحمدية اللى فى جسر السويس و اتصلت بيهم قالوا الابلاتين و الكوندنسر الالكترونى ب 170 جنية و عاوز رائيكم اعمل كدة ولا لاء
لانى اتعذبت بصراحة من مشاكل الكهرباء فى العربية
و مافيش ميكانيكى عارف يظبط لى العربية تمام كل واحد بياخد فلوس و يمشيهالى شوية و خلاص و ابدأ تانى المعاناه
لو فيه حد غير لالكترونى يقوللى ايه رائيه فى التغيير يستاهل المبلغ المدفوع فيه ولا لاء

المشاركة الأصلية كتبت بواسطة aymanay32

العربية بقت ما بتسحبش كويس و بتنتش و تبطل لوحدها النهاردة و ركنتها فى نصر الدين فى الهرم و جانى 2 ميكانيكية فجأة و فكولى الاسبراتير و سلك البوجيهات و قعدوا يغيروا فى تقسيمة البوجيهات و يلفوا الاسبراتير و قالولى ان الاسبراتير فيه جلبة جوة وسعت و عاوزة تتغير و ركبوا كل حاجة تانى و دارت بعد صعوبة و اخدوا 40 جنية و قالولى مش اى ميكانيكى هيعرف يدورها دة احنا اسطوات كبار و مشيت شوية و ابتديت احس ان السحب بتاعها بيقل فجأه و مشيت كدة لحد ما رجعت البيت ركنتها و بفكر جديا انى اغير الابلاتين و الكوندنسر و البوبينة لابلاتين الكترونى و كوندنسر الكترونى و بوبينة الكترونى من الشركة المحمدية اللى فى جسر السويس و اتصلت بيهم قالوا الابلاتين و الكوندنسر الالكترونى ب 170 جنية و عاوز رائيكم اعمل كدة ولا لاء
لانى اتعذبت بصراحة من مشاكل الكهرباء فى العربية
و مافيش ميكانيكى عارف يظبط لى العربية تمام كل واحد بياخد فلوس و يمشيهالى شوية و خلاص و ابدأ تانى المعاناه
لو فيه حد غير لالكترونى يقوللى ايه رائيه فى التغيير يستاهل المبلغ المدفوع فيه ولا لاء

لو الشاكوش بيلق(إمسكه وحركه بإيدك حركة خطية يمين وشمال ) يبقى كلام البهوات دول سليم وفعلا فيه جلبة متاكلة وبالتالى ده بيخلى الأبلاتين يلدع نتيجة لأن حركته مع كامة الشاكوش مش مظبوطة

لو الشاكوش مش بيلق غير الكوندنسر فقط مع مراجعة فتحة الأبلاتين وحالة الملامسات (مافيهاش لدعة)

لو فعلا الشاكوش محتاج جلبة يبقى تفك الاسبراتير وتوديه لخراط يعمل لك الجلبة دى وممكن بعد كدة تلجأ للاسبراتير للإشعال الإلكترونى، هو طبعا الاشعال الالكترونى مريح بس حسب جودته بيعيش

المشاركة الأصلية كتبت بواسطة sab3aawy

لو الشاكوش بيلق(إمسكه وحركه بإيدك حركة خطية يمين وشمال ) يبقى كلام البهوات دول سليم وفعلا فيه جلبة متاكلة وبالتالى ده بيخلى الأبلاتين يلدع نتيجة لأن حركته مع كامة الشاكوش مش مظبوطة

لو الشاكوش مش بيلق غير الكوندنسر فقط مع مراجعة فتحة الأبلاتين وحالة الملامسات (مافيهاش لدعة)

لو فعلا الشاكوش محتاج جلبة يبقى تفك الاسبراتير وتوديه لخراط يعمل لك الجلبة دى وممكن بعد كدة تلجأ للاسبراتير للإشعال الإلكترونى، هو طبعا الاشعال الالكترونى مريح بس حسب جودته بيعيش

الف شكر على ردك الجميل
بكرة انشاء الله هجرب حكاية اللقة بتاعة الاسبراتير دى فعلا صح و لا غلط
لانى مش متوقع الحكاية دى بنسبة كبيرة لان العربية 2009 و يادوب عملت 20 الف كيلو من كام يوم

و النهاردة رحت التوفيقية للمحل اللى قلت عليه و حاطط فى الوش تقريبا صورة الشهيد مارجرجس و صاحبة اسمه ممدوح فوزى ارشى
و جيبت بوبينة الكترونى ب65 جنية و قاللى دى بديل البرميل اللى عندك لان البرميلية بطلت تنزل
و جيبت كوندنسر و ابلاتين ب15 جنية
و فعلا كما توقعت فيه اختلاف كبير جدا بين خامة الابلاتين عندة مع اللى اشتريتهم من سوزوكى سنتر مع العلم ان العلبة للاثنين واحدة مفيش فرق فى اى حاجة بين العلبتين بس الخامة مختلفة السلكة بتاعته محملة و لونها اصفر و داخل العلبة كيس بلاستيك شفاف صغير فيه شحم

و اشتريت كمان سلك بوجيهات احتياطى و اشتريت طقم فرامل امامى ب35 جنية و نسيت اشترى الزرجينة

و بكرة انشاء الله هعيش مع العربية و يا انا يا هيه
و انشاء الله هتدور و تبقى فله
لانى محتاجها جدا جدا اليومين الجايين
و ياريت تبعت لى نمرتك على الخاص يا بشمهندس سبعاوى