و اخرتها ...... الهم ارحمنا ؟!

**د.محمود صلاح** · 07-12-2010 05:49 AM

القيادة في مصر نوع من المخاطرة الآن

**dr.hazem** · 07-12-2010 06:09 AM

لسا امبارح واحد راكب بي ام 740 كنت انا على مصر اسماعيليه الصحراوي وهوا نازل من نزلة الدائري
انا على اقصى الشمال
البيه نازل من النزله وفورا عايز يبقى عالشمال
كسر عليا وانا في نص عربيته (وبقول انا على الخانه الاولى في اقصى الشمال وجنبي الرصيف)
طبعا هوا داخل ولا همه وان عاربيتي صغيره يفعصني عادي
اديته كلاكس اتنين يابيه انا هروح فين
راح باصص في مرايته الجانبية وشافني وراح مكمل دخول
طبعا خلاص كده هوا بيقولي انتا مين انتا عشان تزمرلي
وانا طبعا مستحملتش كده رحت مهدي ودخلته ورحت مسقط نقله وطالع من يمينه ورحت كاسر عليه ومكنش فارق معايا اي حاجه تحصل لانه انا عربيتي ماروتي وهوا بي ام وكسرت عليه على رفرفه اليمين طبعا ضرب فرامل محترمه
كانو اتنين راكبين قدام لابسين بدل
قعدو يضحكو
يعني كل الحكايه من الاساس بالعمد
فطبعا انا مكنش مني الا اني قفلت عليه تلات مرات مره كان كان هيدخل فنص نقل والتانيه في تاكسي شاهين والتالته فرمل
وما كان منه الا انه عرف اني مش هعديه في يومه اللي مش فايت ان شالله لو ركب صاروخ وانا توك توك والله مكنت هخليه يعدي
فحضرته هدي جامد
كان جه بقا نفق العبور وانا رايح هناك فنزلت وكبرت دماغي والله المستعان

ممكن اكون انا غلطت
يعني ظنا مني اني كده بصلح الغلط ولكني عملت غلط كمان
لكن والله يا اخوان حاجه تغيظ ان حد يحسسك انه عشان ركب بي ام يعمل اللي يعوزه....

الله المستعان

**dr.hazem** · 07-12-2010 06:11 AM

المشاركة الأصلية كتبت بواسطة د.محمود صلاح

القيادة في مصر نوع من المخاطرة الآن

القياده في مصر دفاع عن النفس لا اكثر ولا اقل

**shaddadfalcon1** · 07-12-2010 07:55 AM

الموضوع ده مش بس بيه كتيير في الاسكندريه لكن حسيته جامد في القاهره لما رحت الشهر اللي فات

بحس اني ماشي وسط قطيع خرفان مع فارق التشبيه طبعا
كله ماشي يخبط في كله وده ملاكي واجره ونقل وكله

يزنق عليك والطبيعي انك توسعله وانا مش فاهم كده والاقي الناس كلها تبصلي باستغراب وكاني جاي من كوكب زحل

**M.Osman** · 07-12-2010 12:52 PM

المشاركة الأصلية كتبت بواسطة hm414

القياده في مصر دفاع عن النفس لا اكثر ولا اقل

احسن تعبير فعلاً!!

**wael17** · 07-12-2010 03:08 PM

فعلا الموضوع زاد عن حده و الواحد لو هاجر بره مصر هاتكون تعاملات الناس هنا السبب الرئيسي للهجرة
انا كنت بانفعل كتير بسبب تصرفات الناس في الشارع و وصلت اني مره من سنه نزلت مسكت في واحد راكب فيليشيا و الحمد لله الناس حاشت قبل الموضوع ما يوصل للضرب...هو زقني و انا زقيته وبعدين الناس حاشت
بصراحة الواحد و هو سايق بتبقي روحه في مناخيره و ممكن موقف بسيط يتطور لخناقه كبيره لا يعلم غير الله نتائجها و التي قد تغير مسار حياتك تماما...بس بعد الواحد ما يهدي و يفكر في سبب الخناقه و يقارنه بالنتائج اللي ممكن تترتب عليها هيوصل للاتي...مافيش حاجة تستاهل انك تشتم...او تنزل من عربيتك....او تتخانق...او حتي مجرد انك تتنرفز بينك و بين نفسك
و بعدين الناس اللي بتقول انزل اضرب و اتخانق...انتو مش بتقروا جرايد؟؟ ماسمعتوش عن الناس اللي بتموت في خناقات بسيطة لمجراد احتكاكات بسيطة اثناء القيادة...طب ماسمعتوش عن وكيل الوزارة الي وقف ميكروباص في شارع احمد عرابي عشان خبطه راح السواق فرمه تحت العربية و اتكررت نفس الحادثة علي الدائري....يا تري ايه يستاهل و انا أب لطفلين اني أموت و انا رايح او راجع من الشغل...لا عربيتي و لا عربية غيري و لا اي حد في الشارع او في مصر كلها يستاهل ان أموت بسببه...تخيل انك تموت في خناقة بسبب ان فانوس عربيتك اتكسر!!!! في داهية الفانوس علي العربية علي اللي ماشيين علي الطريق كلهم!!!

تعامل مع الاخرين و كأنهم أشياء تمر بجوارك و ليسوا بني ادميين (انا اسف اني اقول كده)...يعني لو ماشي بالعربية و شفت حمار (اسف بشده علي التشبيه) او حصان او خروف...اي حاجة بتمشي بس مش بني ادم و الحاجة دي جت جنب عربيتك و حكتها...يا تري هاتشتمها؟؟؟ طبعا لأ...طب لو الحاجة دي نظرت لك و هي ماشية هاتحس باستفزاز او اهانة...طبعا لأ...و هو ده الحل السحري اللي بقالي فترة ماشي عليه و الحمدلله مافيش اي انفعالات وانا سايق...اول لما انزل الصبح من البيت و اركب العربية عشان اروح الشغل ...اقوم لابس النضارة الشمس و اطلع بالعربية و اعتبر اني انا البني ادم الوحيد الي علي الطريق و جميع من حولي اشياء غير عاقلة...واحد يدينني كلاكس و او فلاشر عشان يعدي من الشمال و انا اصلا ماشي علي اقصي سرعة مسموح بيها....ولا الهوا....يجي جنبي يبصلي....ولا الهوا....يقول اي حاجة...مش هاسمعها عشان قافل الازاز و مشغل الكاسيت...ممكن ابصله بدافع الفضول مش اكتر و طبعا مفيش اي انفعالات علي وشي و ده بيجننه اكتر (مش عارف ليه) ....يعني البرود القاتل افضل وسيلة بس لازم فعلا تقنع نفسك تماما انك انت البني ادم الوحيد و مفيش حد يستاهل انك حتي تنفعل بينك و بين نفسك...و لو فكرت هتلاقي ان احسن انتقام تقدر تعمله هو انك تتجاهله تماما و تحسسه انه شيء لا يرقي لمستوي انه يثير اي انفعال لديك..هو بقي هاينفعل و مزاجه يتعكر و يشتم و ياخد سيئات و انت تاخد حسناته و هايحس باهانه لانك حسيسته انه شيء...يعني هاتنتقم منه و بدون اي خسائر عليك

**hugan** · 07-12-2010 06:53 PM

الواحد بيعمل له يوميا مش اقل من 3 او 4 خناقات بسبب العالم دي
الموضه الاجدد الناس اللي بتغير العجل النايم علي شمال الطريق علي الدائري او علي الطرق السريعه

يعني هو لو ركن علي اليمين العجله ها تبوظ

-

-

الموضوع: و اخرتها ...... الهم ارحمنا ؟!

LinkBack

أدوات الموضوع

عرض

-

-

-

المواضيع المتشابهه

و اخرتها مع الاكصدامات

اخرتها ايه مع الكائن ده

السرعة غلط......و دي اخرتها

اخرتها ايه مع اهمال السواقين

الكلمات الدلالية لهذا الموضوع

المفضلات

المفضلات

ضوابط المشاركة