ده فين العفشجى ده يا باشا .. شكله قريب منى .. انا ساكن عند محمد نجيب ؟؟ .. بالنسبة لموضوع ظبط الزوايا و الترصيص انا متعود بعمله عند صادق اللى قبل دوران جيهان بشارع ..بصراحة ناس كويسة و فاهمة و عندهم شغل عفشة باردو
رقم العضوية : 44537
تاريخ التسجيل : 05Aug2009
المشاركات : 1,930
النوع : ذكر
الاقامة : alexandria
السيارة: mfeeeeeeeeeesh
السيارة[2]: nubira
دراجة بخارية: noooooooooo
الحالة :
سلامو عليكو
و كل سنة و انتم طيبين
طبعا انا متعود افضفض معاكم شوية كل ما اعمل وقفة محترمة مع العربية المهم المرة دى عفشة ( المرة اللى فاتت كانت ميكانيكا) المهم جتلى فلوس من الحج لزوم تظبيط العفشة بعد ما شاف بالتجربة السمعية و البصرية و الحسية و بجميع جوارحة و بصم بالعشرة ان العربية محتاجة ( شوية تظبيط خفيف) المهم انا عارف مشاوير العفشة السودة دى و جهزت نفسى قبلها بيوم كأنى رايح المرور بالظبط يعنى الصحيان بدرى و الدعاء( دائما فى اى مشوار) انى ارجع سليم و منغير ضغط عالى وفضيت نفسى خالص . المهم يوم السبت اللى فات نزلت و دورت العربية و لسة بقول يا هادى صوت الدربة اشتغل ( الطريق زفت ) روحت للعفشجى الساعة 11 بالظبط طلع معايا الدكتور ( قصدى العفشجى) و اخد بيها لفة فى حتت مدغدغة جنب منه ( حاسس انه مكسره مخصوص عشان تبقى حلبة اختبار مثالية) و رجعنا قاللى و كتب روشتة تصرف من اى بتاع قطع غيار على الفور 1- عدد 2 دراع اسكترا باور ب 130
2- بيض دريكسيون 2 ب 70
وجلب كبيرة اصلى ب 80
الحساب 280 قولتو الحاجة دى منين قاللى من عندى المهم قولتو حاشوف الاول و ارد عليك روحت لواحد اسمة الدكتور و جيبت اللى طلبة ب 205 !!!!!!!! فرق 75 ج مرة واحدة
رجعتلو بالحاجة قاللى الجلب دى وحشة و دراع اسكترا الباور دول بتوع تويوتا!!1 انا من ساعت ال75 الفرق رجعت جيبت جلبتين كورولا عيون ب 50 و روحت خرطهم عند الخراط الساعة كام دلوقتى 12.30 روحت للخراط قاللى من عنيا و شخص ما جه ( ماعرفوش) و الخراط بصله و خاف و قال المعوذتين انا استغربت و هوب النور قطع ( عرفت انه البركة بتاع المنطقة اينما حل حلت معه .....) و مفيش خراط غيره قريب قعدت يجى ساعة فى عرض النور انو يجى المهم النور جه و ابتدى الشغل قعدت نص ساعة كمان بس لقيت عنده جلب كتير فسالتوه اية كل ده ؟؟
قاللى زى حالاتك بالظبط ( اتضح ان العفشجى بيعمل زى ما عملت بس على نطاق واسع و يبعهم على انهم اصلى) عرفت ده بعد فوات الاوان ( لو كان قاللى انو بيعمل كدة كنت وافقت على طول) و خد 25 ج المهم رجعتلو تانى قاللى تمام كان حالل المقصين و دراع الدريكسيون المهم قاللى عايزة جلب صغيرة و مش عندى قولتلوا ماش جيبت اتنين صغيرين بتوع نوبيرا و ركب كل حاجة تمام و ربط العفشة و اخد 60 ج مصنعية و طبعا جبت 2 دراع اسكترا باور من ام 130 عشان خلاص كنت جبت زيت و اطلع جرب طلعت تما مافيش اى صوت غريب الفلوس اللى معايا خلصت راجع معيش ولا مليم يا دوبك طلعت لمزلقان سيدى بشر كانت الساعة 4 بالتمام و الكمال سمعت خير اللهم اجعله خير صوت غريب من العجلة الشمال( شكل العربية بتعند معايا) قولت يا واد طنش دى تخيلات و فى الاخر خدت القرار انى ارجع بعد اما وصلت لنفق محمد نجيب رجعت حالف انى &))^&@@^) و مش حسيبو الهم رجعت تانى و طلع معايا تانى و فك العجلة للقى دراع اسه ( مش متاكد منه ) استرب حاجة مفكوك و لما جه يربط علية لقى السن فى الضياع و انا معيش ولا مليم و لقيتو بيقول يعمل 60ج جديد قولتو اتصرف جاب واحد من عندو ب 20 ( بعد اما جبت واحد صاحبى بترنج البيت جرى) و الصوت راح و رجعت الساعة 6 البيت مش طايق العربية او اشوف مفتاحها
ملاحظاتى بعد المشوار الحلو دة
1- صوت الدربكة راح خالص اما امشى فى حتت مكسرة
2- عايزة زوايا و اتزان و ترصيص ( سؤال كدة يعنى اية ترصيص داخلى و خارجى و اية فايدتة) لأن العربية بتحدف يمين لما اسيب الدريكسيون
3- فى صوت طقة عند الطلوع من السكون ( ممكن يكون من اية ده؟؟؟؟؟)
4- الباور بقى تقيل عن الاول ( حد عندو تفسير) و فى صوت زنة اول ما الف الدريكسيون يمين او شمال من اية ده)
5- عايز اغير زيت الباور بكام و احسن نوع زيت؟؟؟
انا عارف انى طولت عليكو بس قولت احكيلكم على اللى حصل و كل سنة و انتم طيبين
كلمات اتعبت الملائكه فى كتابة الأجر
((اللهم لك الحمد كما ينبغى لجلال وجهك وعظيم سلطانك))
رقم العضوية : 20596
تاريخ التسجيل : 29Sep2008
المشاركات : 36
النوع : ذكر
الاقامة : Alex
السيارة: شيفرولية لانوس 2011
السيارة[2]: "Sold" fiat 132
دراجة بخارية: no
الحالة :
ده فين العفشجى ده يا باشا .. شكله قريب منى .. انا ساكن عند محمد نجيب ؟؟ .. بالنسبة لموضوع ظبط الزوايا و الترصيص انا متعود بعمله عند صادق اللى قبل دوران جيهان بشارع ..بصراحة ناس كويسة و فاهمة و عندهم شغل عفشة باردو
رقم العضوية : 44537
تاريخ التسجيل : 05Aug2009
المشاركات : 1,930
النوع : ذكر
الاقامة : alexandria
السيارة: mfeeeeeeeeeesh
السيارة[2]: nubira
دراجة بخارية: noooooooooo
الحالة :
اية دة طلع ليا جار فى المنطقة من نايل موتورز هو حضرتك قبلى ولا بحرى؟؟
لا هو عند الامن المركزى فى شارع سيف بس الموضوع بدا عند مزلقان سيدى بشر و على ما اتاكد و شاورت عقلى كنت عند نفق محمد نجيب ده احنا طلعنا جيران
كلمات اتعبت الملائكه فى كتابة الأجر
((اللهم لك الحمد كما ينبغى لجلال وجهك وعظيم سلطانك))
رقم العضوية : 162
تاريخ التسجيل : 24Apr2007
المشاركات : 3,521
النوع : ذكر
الاقامة : Cairo
السيارة: Opel Corsa 1998
السيارة[2]: KIA Carens 2011
دراجة بخارية: no
الحالة :
ترصيص داخلى او خارجة كدة كدة بيتعمل و انت بترصص حسب الحاجة
و مبروك على الصيانة
بس لية غير دراعات الاسكترا
رقم العضوية : 44537
تاريخ التسجيل : 05Aug2009
المشاركات : 1,930
النوع : ذكر
الاقامة : alexandria
السيارة: mfeeeeeeeeeesh
السيارة[2]: nubira
دراجة بخارية: noooooooooo
الحالة :
المفضلات