الموضوع: Getz Club

أهلا بيكم شباب أنا باتابع بس من بعيد :) و لو في مقابله قريب يا ريت تقولولي عشان أتشرف بيكم ان شاء الله :)

مش عارف مفيش مقابلات لييييه .. ولا احنا عددنا قليل ولا ايه

يا ريت لو هتتقابلوا أنا معاكم ان شاء الله

السلام عليكم و رحمة الله .. دلوقتى و انا بدور بقالى كذا شهر على عربية و فى الاخر رسيت ادور على ياريس .. اذ فجأة ظهرتلى جيتز 2005 اتوماتيك 1500 سى سى فيه رفرف خلفى و حتة من الاكصدام معاة .. مع العلم ان دى اول عربيه ليا .. محتارة و محتاجه رأى الخبرا .. هى معروضه عليا بـ63000 وبالكتيييير هيسيب 1000 كمان اوفر و اخدها و لا اكمل بحث عن الياريس و لا افكسها اصلا .. انا بصراحه شفتها العربيه نظيفه كصاج و هنكشف عليها بكرة علشان اعرف حالتها بالتفصيل مافيهاش خربوش .. كمان هى استيراد عليها نمر الشارقه .. مش عارفه ده ميزة ولا عيب .. افيدونى افادكم الله محتارة بجد جدااااااا

لسة منضم النهاردة لنادي الجيتز ... خلصت في 2009 منيوال ماشية 70 الف كيلو، وقبلها فرتكت الـ 101 صفحة هنا والحقيقة استفدت كتير من الشباب وتحديدا مادا قاهر الكيلوميترز :d

العربية سحبها عظيم وعفشتها كويسة وكل حاجة زي الفل، سبق وسوقت فيرنا زيرو ومكانش سحبها كويس كدة رغم ان الفيرنا وزنها أخف .. طبعا دة دليل علي عالمية الصناعة المصرية :d

بس للأسف الحلو ميكملش .. طلعلي حاجتين مكدريني !

أولا: الزجاج الأمامي خلاص بيفرفر، اي حد قدامي يدوس فرامل بشوف ديسكو علي الإزاز ومش عارف هل ممكن جلية ولا لازم يتغير، وفين ألاقي ازاز كويس وسعرة حنين (فعليا شراء العربية فلسني تماما) !

ثانيا: والعربية باردة أول ما تدور بتترج وكأنها 128 موديل 69 .. بعد ما ممشيت عليها شوية إتظبطت، بس برضة لما اتظبطت حاسس صوت ماتورها عالي رغم ان علي المور مفيش صوت ولا اهتزاز (سبق وسوقت فيرنا زيرو أظن أن الصوت مكانش عالي اوي كدة وربما وهم) مع العلم ان في كشف البنزينة الراجل قالي الموتور ممتاز يقرب تقريبا علي 80% ... لسة ناقل من عربية كاربيراتير بقي ومعرفش اية الأيدال ولا البوابات ولا القواعد ولا جايز بنزين زبالة، افيدونا يا شباب !

المشاركة الأصلية كتبت بواسطة elmkaneeki

الازاز من ٣٥٠ ل ٦٥٠
الرجرجة دي من القاعدة اليمين فوق وده عيب كومن يعني ولو صلحته هيرجع تاني

متشكر جدا يا فندم
بس هل دة معناة اني مضيعش فلوس في تصليحة ؟ وهل علي المدي الطويل دة ممكن يتعب الموتور ؟؟

يا ريت حضرتك تقولي ممكن الاقي فين زجاج امامي بـ 350 ويا تري هيبقي سيكوريت ؟