الموضوع: Getz Club

المشاركة الأصلية كتبت بواسطة m_220volts

كنت بسأل انت بتصين في التوكيل و لا عند مين؟ كمان بتحط زيت ايه؟ أخيرا لو في تجمع للجيتزاويه يا ريت نعمله و سلام للكل

والله انا هاعتبر السؤال ليا عشان مش عارف انت بتسال مين وهاقولك اني بعمل الصيانة عند المهندس هاني ( سيبد سيرفيس) .
وكنت بحط زيت ليكوي مولي وان شاء اللمرة اللى جاية هاغير لكاسترول .
وياريت نتجمع والله ده حلم ونفسي احققه .

المشاركة الأصلية كتبت بواسطة looloo1000000

السلام عليكم
انا عضوة قديمة بس اول مرة اخد بالى من الموضوع دا
انا محتاجة مساعدة يا جماعة ياريت ال يعرف ميكانيكى كويس انا معايا جيتز 2004 وعندى مشكلة مش عارفة اية هى والميكانيكى بتاعى جبت اخرى معاه

ركبت الاسبوع ال فات ترس سير الكاتينة ومن يوميها صوت الموتور بقى عالى وكمان الجديد من يومين كل لما ادوس على اللدبرياج يطلع صوت مع العلم انا من اقل من اسبوع كاشفة بالكمبيوتر وكان طقم الدبرياج تمام
انا عايزة حد بيفهم فيها وياريت يكون قريب من الحلمية الجديدة او عابدين

وعليكم السلام ورحمة الله وبركاته

انا بضم صوتي لصوت الاخ منسق القسم وبقولك المهندس هاني هو الحل ان شاء الله .
مشوار مش بعيد وانتي كده كده جاية من عابدين او من وسط البلد يعني مش هاتفرق كتير مدينة نصر او جسر السويس والراجل هايعمل معاكي الواجب وزيادة ( بالتوصية طبعا ) Getz Club ليه معاملة خاصة عند المهندس هاني .
موضوع الصوت بتاع الدبرياج ده غالبا هايطلع البلية . وعايز اقولك على حاجة مهمة اوي هي ان طقم الدبرياج مش بيتكشف عليه بالكمبيوتر .
هو انتي غيرتي طقم الدبرياج اخر مرة امتى ؟؟؟؟؟

المشاركة الأصلية كتبت بواسطة samir elshahawy

الاخوة و الاخوات / مالكي و محبي هيونداي جيتز

أسعد الله أوقاتكم بكل الخير ...

النهاردة جاي و جايب لكم بعض أكسسوارات الجميلة الجيتز بالصور و الاسعار من عند

علي رضا

بمدينة نصر - تقاطع شارعي الطيران و أسماعيل القباني

---------------------------------------------------------------------

أولا .. الاسبويلر الخلفي

بدون أستوب خلفي = 475 جنيه

و يجب رشه بلون السيارة قبل التركيب

------------------------------------------------------------------

ثانيا.. الهوايات الجانبية

اللون أسود مكتوب عليها click

السعر = 75 جنيه

-----------------------------------------------------------------------------

ثالثا.. الفوج لايت بالمفتاح

ماركة : موبيس

السعر = 650 جنيه

تسلم ياباشا الف شكر على مجهودك وتعبك.

المشاركة الأصلية كتبت بواسطة bareeq300999

طيب ممكن حضرتك تساعدنى من فضلك :)
مساء الخير
والله انتو جيتولى من السما
انا عندى عربيه جيتز ٢٠٠٩ والاكصدام الخلفى شبك فى كاوتش عربيه نقل كان مرمى على الطريق الصحراوى وخده وطار :)
المهم انا مش لاقيه الاكصدام ده فى حته بره التوكيل وسعره عال اوى فى التوكيل، ممكن تدلونى الاقيه فين؟
وشكرا والله
وكنت عاوزه كمان اقوى نور العربيه بس مش عاوزه اركب الزينون علشان بيأذى اللى سايق قدامى و كمان عاوزه اركب مسند جمبى و حاجه ترفع الازاز مع اللوك بتاع العربيه والسنتر كمان فيه مشكله :)
معلش بقى استحملونى مهو انا جبت العربيه دى بناء على نصايح نايل موتورز :)
شكرا مقدما

الاكصدام في الحرفيين عامل من 900 الى 1300
وفي بورسعيد عامل من 800 الى 1000
انا شايف الحرفيين افضل وقريبة

المشاركة الأصلية كتبت بواسطة lad

لو سمحتو يا جماعة اجيب فانوس خلفى شمال للجيتز مين بيبيعو و بكام جديد

شوف عند الشرقاوي في جسر السويس. حاجته نضيفة وعنده كل حاجات الجيتز . اعمل سيرش في اليلو بيدجز هاتلاقي ارقامه كلمهم واسال.
لو مكانش شوف محمد عاصم في شارع دمشق بس ده اسعاره اغلى شوية .
وربنا معاك وقولنا عملت ايه؟