امبارح اشتريت شوية حاجات كدة قولت برضة أقولكم سعرها من شارع دمشق
روحت اجيب فلتر بنزين من غبور .. طبعا الرزالة في التعامل وكأنهم بيدونا الحاجة ببلاش، ورغم انهم كانوا قايلين انة موجود، روحت الفرع قالي لا دة خلصان، وسعرة 195 .. علي الناحية التانية لاقيت الأصلي برضة عند محمد عاصم وأرخص 20 جنية ودخلت تاني للبية بتاع غبور قالي ايوة هو الأصلي ... علي فكرة، محمد عاصم عندة قاعدة الموتور الأصلي أرخص بـ 330 جنية من غبور وسعرها كان 650 جنية لكن خلصانة وهتيجي في خلال أسبوع للي محتاجها ... علي فكرة محمد عاصم موزع معتمد هيونداي، كيا، رينو
اشتريت كمان القاعدة الكوري بتاعت الموتور بـ 230 من عند واحد اسمة المصرية تقريبا .. كانت خلصانة من عند الكل بما فيهم نافع كمان !
الخبر الكويس بقي اني عديت علي عشم نوار يظبطلي السنتر علشان كان في باب مش شغال، غير الطلمبة وخد 60 جنية (دة طبعا الجزء اللي مش كويس) .. الجزء الكويس بقي انة بقي بيعمل اخيرا الشنطة ضمن السنتر، تفتح السنتر تفتح معاها، تقفلة تتقفل معاها، ودة بيعملة بـ 120 جنية بالظبط.
سؤال بقي للشباب .. حد يعرف اجيب منين صباع الولاعة علشان ضايع وطلع عيني علية مش لاقية ... وبتاع الفيرنا مش بيشتغل عليها لأني جربت من كذا فيرنا مفيش فايدة
احلى مسا يا بوب
مبروك على القاعدة الجديدة وان شاء تعيش معاك كتيييييييييييييير وتترحم من الرجة .
حلو حوار الشنطة ده عشان بيتحط في مواقف زفت خصوص لو داخل سيتي ستارز مثلا اواي مكان بيفتشوا في الشنطة وتلاقي كل اللى قدامك الشنط بتتفتح لوحدها واحنا لازم نبطل العربية وننزل نفتح الشنطة ونرجع نركب تاني وندور . حوااااااااااااااااااااااا اااار
انا مش مهم عندي الحوار ده كله . انا ببقى خايف من الكلب اللى بيبقى معاهم بصراحة
بس كنت روحت لعشم نوار من فترة وسالتهم على موضوع سنتر الشنطة وقالي بلاش منه عشان مش هاينفع ومش هايعيش . مش عارف ايه اللى خلاهم يغيروا رايهم .
طيب ياترى انت عملته ؟؟؟؟؟؟؟؟؟؟؟
السلام عليكم
انا عضوة قديمة بس اول مرة اخد بالى من الموضوع دا
انا محتاجة مساعدة يا جماعة ياريت ال يعرف ميكانيكى كويس انا معايا جيتز 2004 وعندى مشكلة مش عارفة اية هى والميكانيكى بتاعى جبت اخرى معاه
ركبت الاسبوع ال فات ترس سير الكاتينة ومن يوميها صوت الموتور بقى عالى وكمان الجديد من يومين كل لما ادوس على اللدبرياج يطلع صوت مع العلم انا من اقل من اسبوع كاشفة بالكمبيوتر وكان طقم الدبرياج تمام
انا عايزة حد بيفهم فيها وياريت يكون قريب من الحلمية الجديدة او عابدين
وعليكم السلام ورحمة الله وبركاته
انا بضم صوتي لصوت الاخ منسق القسم وبقولك المهندس هاني هو الحل ان شاء الله .
مشوار مش بعيد وانتي كده كده جاية من عابدين او من وسط البلد يعني مش هاتفرق كتير مدينة نصر او جسر السويس والراجل هايعمل معاكي الواجب وزيادة ( بالتوصية طبعا ) Getz Club ليه معاملة خاصة عند المهندس هاني .
موضوع الصوت بتاع الدبرياج ده غالبا هايطلع البلية . وعايز اقولك على حاجة مهمة اوي هي ان طقم الدبرياج مش بيتكشف عليه بالكمبيوتر .
هو انتي غيرتي طقم الدبرياج اخر مرة امتى ؟؟؟؟؟
لو سمحتو يا جماعة اجيب فانوس خلفى شمال للجيتز مين بيبيعو و بكام جديد
شوف عند الشرقاوي في جسر السويس. حاجته نضيفة وعنده كل حاجات الجيتز . اعمل سيرش في اليلو بيدجز هاتلاقي ارقامه كلمهم واسال.
لو مكانش شوف محمد عاصم في شارع دمشق بس ده اسعاره اغلى شوية .
وربنا معاك وقولنا عملت ايه؟
شوف عند الشرقاوي في جسر السويس. حاجته نضيفة وعنده كل حاجات الجيتز . اعمل سيرش في اليلو بيدجز هاتلاقي ارقامه كلمهم واسال.
لو مكانش شوف محمد عاصم في شارع دمشق بس ده اسعاره اغلى شوية .
وربنا معاك وقولنا عملت ايه؟
متشكر اوى اوى اوى اتصلت بيه و قالى عندى تيوانى وب 175 و روحتلو بس لما روحت ملقتش الا الصينى هناك و كان اخر واحد اللى كان معروض اخده ب110 بالفيش بتاعتو بس شغال وشكلو معقول اوى اوى الصراحة متشكر ليك جدا جدا
المفضلات