Getz Club

**eng_mnaguib** · 14-01-2014 12:31 PM

المشاركة الأصلية كتبت بواسطة mada_76

فعلا في انواع كتير اوي غير الصيني.
ماليزي واندونيسي عند محل زي اشرفكو.
وفي انواع تانية ايطالي واوروبي عند شركة ارابكوم بتاعه اسلام مشهور في مدينة نصر.

شكرا يا معلم على الاهتمام هروح كده واشوف ان شاء الله

**hgemaiy** · 22-01-2014 04:52 PM

السلام عليكم .انا معايا جيتز 2011 اتوماتيك .العربيه عامله 20000كم بحكم ان شغلي علاطول مسافر .روحت التوكيل اعمل صيانة ال20000 قالولي ان العربيه لازم تغير طقم السيور لان كل 3 سنين او 60000كم لازم تتغير وقالولي طقم السيور هايتكلف 1100 جنيه .انا عاوز اعرف هل السعر دا مبالغ فيه والا ايه وكمان لو فيه مكان ثقه في اسكندريه اعمل فيه الصيانات لان انا شاكك ان التوكيل دا بيبالغ في كل حاجه المهم اني عملت الصيانه وغيرت الزيت والفلتر و كمان طقم السيور و دفعت 1680 جنيه .حاسس ان اتضحك عليا .ياريت الناس الخبراء يفيدوني و اهم حاجه المركز الموثوق فيه في اسكندرية.

**hgemaiy** · 22-01-2014 05:19 PM

منتظر ردودكم يا شباب الجيتز .مفيش حد معانا هنا والا ايه

**lad** · 23-01-2014 12:03 AM

البيلى و السيور كلها كنت سائل عليها من يومين عند موزع معتمد كانو ب 600 و قول مصنعية ميكانيكى كويس حوالى 100 مثلا يبقى الدنيا 700 شامل البيلى كمان خد بالك

**looloo1000000** · 24-01-2014 09:53 PM

ازيكم يا جماعة يارب تكونوا بخير

انا من فترة كنت كتبت ع مشكلة ف عربيتى والحمدلله ظبطتها وحبيت اقولك تجربتى والتكلفة
هى طلعت البلية وغيرت طقم الدبرياج كله انا سالت عليه ف التوكيل فكان اجمالى تمن البلية والاسطوانة والديسك 1000 ج

رحت جبتها من عند واحد اسمه حسام ب 650 ج كورى والميكانيكى اخد 150 ج وطبعا اشتغل فيها يوم كامل والحمدلله ماشية تمام التمام وقبلها غيرت ترس سير الكاتينة ودا جبته من التوكيل ب 133 ج والحمدلله العربية دلوقتى ماشية تمام
وبالنسبة لل بيسأل عن الفوانيس انا شوفتها عند حسام دا ومكنتش مكملة 200 ج فدا رقمه لو حد حب يسال عن اكسسورز ولا حاجة هو مكانه فى ش بورسعيد - السيدة زينب ودا رقمه 01001552454

**looloo1000000** · 24-01-2014 10:01 PM

المشاركة الأصلية كتبت بواسطة mada_76

وعليكم السلام ورحمة الله وبركاته

انا بضم صوتي لصوت الاخ منسق القسم وبقولك المهندس هاني هو الحل ان شاء الله .
مشوار مش بعيد وانتي كده كده جاية من عابدين او من وسط البلد يعني مش هاتفرق كتير مدينة نصر او جسر السويس والراجل هايعمل معاكي الواجب وزيادة ( بالتوصية طبعا ) getz club ليه معاملة خاصة عند المهندس هاني .
موضوع الصوت بتاع الدبرياج ده غالبا هايطلع البلية . وعايز اقولك على حاجة مهمة اوي هي ان طقم الدبرياج مش بيتكشف عليه بالكمبيوتر .
هو انتي غيرتي طقم الدبرياج اخر مرة امتى ؟؟؟؟؟

انت برافو عليك طلع عندك حق وانا فعلا غيرته ودى اول مرة يتغير اصلا للعربية والحمدلله
تسلم

**lad** · 27-02-2014 01:33 AM

ممكن يا استاذ مادا لو تعرف سعر علبة الدركسيون بكام للجيتز

**eng_ahmedryad** · 02-03-2014 12:26 AM

السلام عليكم
ياريت يارجالة لو تفيدوني، معروض عليا جيتز 1300 سي سي موديل 2004 عاملة 37000 كم، بـ 50000 ألف، وفيها شوية شغل سمكرة. أخلص ولا بلاش؟ وهل قطع غيارها هي نفس قطع غيار الأكسنت 1300 سي سي؟

**looloo1000000** · 03-03-2014 11:51 AM

انا معايا 2004 بس 1100 سى سى ، هو فى من 2004 اصلا 1300 سى سى ؟؟؟

عموما انا عربيتى فابريكا جوه وبره ونضيفة ماشية 100 الف وكنت عرضاها من شهرين وجابتلى 50 الف بس انا كنسلت البيعة و50 الف دى كانت من اكتر من واحد شافها

فلو هى حالتها كويسة و1300 فعلا اعتقد سعرها هيكون كويس

اما بالنسبة لقطع غيارها انا 2004 ال معايا متوفرة الحمدلله

**ahmad.11** · 03-03-2014 07:58 PM

السلام عليكم
انا معايا جيتز 2007 1600 سى سى و معنديش لمبة ال تشيك انجين
فا هل كل الجيتز كدة ولا ايه الحكاية؟
و لو هى بتنزل من غير اللمبة ينفع تركب و تشتغل صح ولا ملهاش لازمة؟
و شكرا