Getz Club

**alisamy64** · 03-01-2011 09:32 AM

عايز اعرف بقى من كل جيتزاوى فى الجروب هنا اعلى سرعة سجلها بالعربية ؟ و كان ماشى فى طريق ايه ؟

**mada_76** · 03-01-2011 10:25 AM

المشاركة الأصلية كتبت بواسطة alisamy64

عايز اعرف بقى من كل جيتزاوى فى الجروب هنا اعلى سرعة سجلها بالعربية ؟ و كان ماشى فى طريق ايه ؟

كنت على الطريق الدائري متجه من التجمع الى المعادي وكان بيشد معايا واحد بعربية النترا الشكل الجديد وانا بصراحة كنت نازل من البيت متنرفز وهو كان مركب زينون وعمال يقلب نور وماشي ورايا علطول وانا بوسعله وهو مش عايز يعدي ففهمت انه عايز يجري فقرصت على العربية ورفعت راسي بصراحة انا حسيت الفرق بيني وبينه بيزيد بصورة واضحة .
بس فجاة بصيت في العداد لقيت السرعة 195

بصراحة اتخضيت وهديت فورا وهو جه عدا من جنبي وحاولت انبه انه لازم يهدي عشان الدائري ده مش بتاع جر وكله مطبات هوا ونقل ومقطورات وكمان في ناس بتعدي على رجليها بس هو كان واضح انه مضايق فمشفتوش تاني .

وانت بقى جبت كام ؟؟؟؟

**_Ahmed_casper_** · 03-01-2011 04:20 PM

يا جماعه بعد اذنكو عايز اعرف زيت ١٠٠٠٠ احسن ولا ٥٠٠٠ ولا مفيش فرق غير فى المسافه و السعر بس ؟

**mada_76** · 03-01-2011 08:02 PM

المشاركة الأصلية كتبت بواسطة _ahmed_casper_

يا جماعه بعد اذنكو عايز اعرف زيت ١٠٠٠٠ احسن ولا ٥٠٠٠ ولا مفيش فرق غير فى المسافه و السعر بس ؟

لا طبعا في فرق كبير وهو ان زيت 10000 اسمه زيت تخليقي وده انقى واحسن والتاني اسمه زيوت معدنية اللى هي من اول 1000 لغاية 5000 لكن من اول ال 7000 ده اسمه تخليقي . ( في موضوع هنا اتعمل عن القصة لازم تقراه عشان تفهم الفروق الفنية ).
هو طبعا ال 10000 احسن بس في نقطة كانوا بيتكلموا فيها وهي ان التغيير من التخليقي للمعدني مافيهوش مشكلة والعكس صحيح لو هاتعمل كده مرة واحدة . لكن لو كل شوية هاتغير من ده لي ده محتاج في كل مرة انك تعمل دورة غسيل للبساتم . عشان كده لو هاتغير يبقى غير واثبت على حاجة واحدة .

**alisamy64** · 03-01-2011 08:11 PM

انا اعلى سرعة سجلتها بالعربية كنت على المحور و راجع من 6 اكتوبر و كنت بشد مع رينو ميجان و فولكس جيتتا و ظبت الاتنين جبت بالعربية 200 بالظبط و لقيت الدواسة خلصت مش عايزة تزود تانى لاكن ربنا ستر الحمد لله لانى مكنتش شايف حاجة الحمد لله

**mada_76** · 04-01-2011 02:13 AM

العربية جابت بليه الدبرياج واحتمال يكون الاسطوانة والديسك
اه اه اه اه اه اه ثم اه اه اه

**_Ahmed_casper_** · 04-01-2011 06:15 PM

يا جماعه انا النهارده روحت عملت صيانه ١٠٠٠ كم كنت حاجز من يوم السبت و ادانى معاد النهارده الساعه ٩ بس انا روحت ١١ لأنى من طنطا و سفر و كده المهم دخلت و الحمد لله اول مالوصلت تقريبا ١٠ دقايق و العربيه دخلت و انا وراها مسبتهاش و المهندس سألنى عن المشاكل قلتله الفرامل و الكاسيت المهم انا سبتها شويه و طلعت الاستراحه شويه و نادو على نزلت الورشه قالولى ان الكاسي هيتغير بس اللى موجود دلوقتى مش بيشغل راديو انا قلتله خلاص هبقا اجى الصيانه الجايه اخد واحد جديد و بعد مظبطو العربيه خالص عفشه تمام و فرامل بقت زى الفل عن الاول و حتى اليد بقت من اول تكه و طلعت بالعربيه و لقيتها سبحان الله بقت حاجه تانيه مع انها كانت كويسه اصلا بس بقا سحبها ممتاز و فراملها جامده و صوتها وطى جدا بس فى كاذا حاجه سألتهم عليها ضايقونى . بسأل المهندس بقوله انا عايز اجيب فوج لايت و اركبهم هنا قالى لا مش ممكن قلتله طب هاجبهم من التوكيل هنا قالى لا برضه التوكيل مش بيركب حاجه زياده عن العربيه مدام مفهاش اصلا فوجات متركبش قلتله طب بلاش فوجات انا عايز اغير سماعات الابواب واركب فى الرف و كده قالى لو اللى هتعمله مش هيأثر على حاجه ركب بس لو اثرعلى حاجه هنطلع من الضمان (طبعا كلام عايم جدا ) قلتله انت حيرتنى قالى اعمل اللى انت عايزه بس لو الحاجه دى اثرت على حاجه تانيه هنطلعها من الضمان قالى من الاخر هنا كله هيتلكك انت فى غبوووور قلتله قشطه قلتله طب هو انا لازم اجى كل ٥٠٠٠ كم قالى لاااازم قلتله طب انا عايز اجى كل ١٠٠٠٠ كم قاللى احنا قلنا غبووووور قلتله فله ...بصراحه انا خارج مبسوط ان لعربيه ظبطط و صوتها بقا هادى و ان شاء الله هبقا اغير الكاسيت بس باقى الحاجات دى صدت نفسى ......

**alisamy64** · 04-01-2011 11:24 PM

المشاركة الأصلية كتبت بواسطة mada_76

العربية جابت بليه الدبرياج واحتمال يكون الاسطوانة والديسك

اه اه اه اه اه اه ثم اه اه اه

لا حول الله يا رب ليه يا mada ايه الى حصل طيب و انت هتتصرف ازاى؟؟؟

**alisamy64** · 04-01-2011 11:27 PM

المشاركة الأصلية كتبت بواسطة _Ahmed_casper_

يا جماعه انا النهارده روحت عملت صيانه ١٠٠٠ كم كنت حاجز من يوم السبت و ادانى معاد النهارده الساعه ٩ بس انا روحت ١١ لأنى من طنطا و سفر و كده المهم دخلت و الحمد لله اول مالوصلت تقريبا ١٠ دقايق و العربيه دخلت و انا وراها مسبتهاش و المهندس سألنى عن المشاكل قلتله الفرامل و الكاسيت المهم انا سبتها شويه و طلعت الاستراحه شويه و نادو على نزلت الورشه قالولى ان الكاسي هيتغير بس اللى موجود دلوقتى مش بيشغل راديو انا قلتله خلاص هبقا اجى الصيانه الجايه اخد واحد جديد و بعد مظبطو العربيه خالص عفشه تمام و فرامل بقت زى الفل عن الاول و حتى اليد بقت من اول تكه و طلعت بالعربيه و لقيتها سبحان الله بقت حاجه تانيه مع انها كانت كويسه اصلا بس بقا سحبها ممتاز و فراملها جامده و صوتها وطى جدا بس فى كاذا حاجه سألتهم عليها ضايقونى . بسأل المهندس بقوله انا عايز اجيب فوج لايت و اركبهم هنا قالى لا مش ممكن قلتله طب هاجبهم من التوكيل هنا قالى لا برضه التوكيل مش بيركب حاجه زياده عن العربيه مدام مفهاش اصلا فوجات متركبش قلتله طب بلاش فوجات انا عايز اغير سماعات الابواب واركب فى الرف و كده قالى لو اللى هتعمله مش هيأثر على حاجه ركب بس لو اثرعلى حاجه هنطلع من الضمان (طبعا كلام عايم جدا ) قلتله انت حيرتنى قالى اعمل اللى انت عايزه بس لو الحاجه دى اثرت على حاجه تانيه هنطلعها من الضمان قالى من الاخر هنا كله هيتلكك انت فى غبوووور قلتله قشطه قلتله طب هو انا لازم اجى كل ٥٠٠٠ كم قالى لاااازم قلتله طب انا عايز اجى كل ١٠٠٠٠ كم قاللى احنا قلنا غبووووور قلتله فله ...بصراحه انا خارج مبسوط ان لعربيه ظبطط و صوتها بقا هادى و ان شاء الله هبقا اغير الكاسيت بس باقى الحاجات دى صدت نفسى ......

طيب اولا الف مبروك على العربية
انا عملت فى التوكيل صيانتين بس و عملت اخر واحدة فى بنزينة شيل الى فى مكرم عبيد غير عنده زيت و فيلتر بس
وبس انا بروح كل 10 بس لانهم حرمية و بياخدوا فلوس على اى حاجة بيعملوها و مش عارف لما اروح المرة الى جاية هقولوا ايه و هيخرجونى برة الوكيل ولا ايه و كمان انا انشاء الله ناوى اركب sound system فى العربية هل ده هيخرجها من الضمان على العموم ربنا يسهل و نشوف ايه الى هيحصل و تانى الف مبروك على العربية

**_Ahmed_casper_** · 05-01-2011 12:49 AM

الله يبارك فيك يا باشا و ده نفس السؤال للى نفسى الاقيله اجابه (هل لو ركبت ساوند سيستم هيطلعنى من الضمان ولا لا ؟) و الحل ان يكون حد مجرب بنفسه و ركب وراح صيانه عادى فى الضمان .. افيدوووونا