الموضوع: Getz Club

المشاركة الأصلية كتبت بواسطة whynot100

مادا باشا العظـــــــــيم
انا الصراحه متابع كل تعليقاتك ومواضيعك من ايام الرابطه اللي الله يرحمها مش عارف راحت فين والاخت شيمو صاحبت الفكره برده مش عارف راحت فين
المهم انا اسمي زياد ويا ريت تقولي زيزو
وان شاء الله هصورها صور نضيفه كدا بس مستني استنضف مكان حلو كدا والنور فيه يكون كويس واظبط الصور وانزلها ان شاء الله

زيزو باشا
انت طرحت حوار فعلا مفيد وهو موضوع الاسم ده لان اغلب الناس مش كاتبه اسمها الحقيقي ودي مشكلة ان الواحد يبقى ليه اصدقاء وبيكلمهم كل يوم ومش عارف اسمهم ايه .
انا اسمى احمد واتشرفت بيك وبكل اللى في الclub وياريت نقدر نساعد بعض فعلا ونتعلم من بعض .
انا عايز اقولك بقى ان انا ساكن في التجمع الخامس والنهاردة كان امطار جامدة اوي وهي بدات من امبارح والشوارع كلها مياه . ومشوار واحد بس على الدائري يخلي العربية كأنك لسة راجع من الرالي . انا بقى بعشق منظر العربية وهي عليها طين كلها والمساحات معلمة في الزجاج . انا قربت اوصل للمرحلة دي يعني مشوارين كمان كده بكرة ولا حاجة وهاتبقى وصلت للمرحلة اللى بحبها . مع ان مراتي وكل الناس بتقعد تقولي انت ليه سايبها كده بس هاعمل ايه بقى ؟ بحبها كده .
مع اني لسة غاسلها من يومين بالظبط والعربية من جوه فله .
هابقى اصورها جايز تعجبكوا . جايز
جايز

المشاركة الأصلية كتبت بواسطة whynot100

ايه يا جماعه هيا الرابطه مفيهاش غيرنا احنا الاربعه ولا ايه يا رب ناس تانيه معها جيتز تكون بتقرا الكلام وتشارك مش تقرا بس

والله يا زيزو انا برضه بلاحظ كده وبلاحظ كمان انه بييجي وقت وبيظهر ناس يقعدوا شوية بتاع شهر كده وبعدين يختفوا ( واحنا قاعدين )
وييجي ناس غيرهم وبعدين يختفوا
( واحنا قاعدين )

المشاركة الأصلية كتبت بواسطة _ahmed_casper_

ايه يا مادا انت بترش العربيه طين بدل مط ولا ايه هههههههه طب لو عايز تطينها تعالالى طنطا و اديها وش التراب عندنا كتير و تراب البلاد الىى حولينا بتصب عندنا و شويه مطر و بتبقا لوووووز

انا مش برش والله . العربيات اللى جنبي هي اللى بترش .
بالنسبة للمط ده والله عاجبني جدا بس غالي اوي وكمان مش عايز عربية زيرو يعني . بحس ان التعديلات دي تتعمل في عربيات قديمة نوعا ما يبقى احسن .

المشاركة الأصلية كتبت بواسطة alisamy64

يا جماعة انا لحد دلوقتى مشفتش واحد عامل tuning للجيتز فى مصر
هل محدش معتبرها عربية شبابية و الكل مركز فى السيفيك و الجولف و اللانسر و كدة ولا ايه الحكاية
اخر حاجة شفتها بيكون مركب جنط و مفيم العربية و لمات زرقة و خلاص

اعتقد عشان زي ماقلت قبل كده ان التعديلات بتتعمل في عربيات عدى عليها مثلا 10 سنين شغل عشان ماتضايقش لما تفك اكصدامتها ورفارفها وتنفخ وتوطي وتعمل عتب وتلعب في الكهرباء .
يعني كل ما العربية بتقدم قلبك بيقوى على انك تلعب فيها براحتك
لكن الجيتز تعتبر لسة جديدة برضه
الله يرحمك يا 128 . كانت ملكة التعديلات وتسقيط المواتير والعدد والتنفيخ وكله والله .
دلوقتي الواحد بيشوف منها عربية كل فين وفين

المشاركة الأصلية كتبت بواسطة _ahmed_casper_

و الله هى مش نحتاجه حاجه انا اكتر عربيه شفتها كانت مفيمه و مركب سبويلر و جنوط و زينون و ستيكر صغير و والفوانيس الى ورا عدسات بصراحه مش محتاجه اكترمن كده . بس اللى انا نفسى اعرفه الواحد لو عايز يؤكب فلتر هواء رياضى اركبه فين ده الكبوت صغير جدا و مفيش مكان لأى حاجه

والله يا ابو حميد انا سالت واحد صحبي مركب فلتر برضه وبص على الكبوت عندي وقالي انه هايركب مكان الفلتر القديم بالظبط .
قال اني هافك الفلتر القديم بالعلبة بتاعته بالماسورة اللى داخلة لغاية جوه دي كلها وهاركب الفلتر الجديد في نفس المكان بالماسورة بتاعته الجديدة .
بس خلى بالك ده واحد صحبي . مش خبير يعني