الموضوع: Getz Club

ياجماعة سير الكاتينه اتقطع بس بعد ماحاولت ادور مرتين ممكن يكون ليه تأثير علي الصبابات ؟
ومش عارف اغير السير وامشي بيها ولا اعمل ايه ؟

المشاركة الأصلية كتبت بواسطة georock

قلبى معاك ربنا يستر أنا فى رأيى أرفعها ووديها عند ميكاينكى شاطر وغير سير الكاتينة من التوكيل و خليه يشوف الصبابات

بس كنت عايز أسألك أنت عربيتك عاملة كام كيلومتر و أول مرة تغيره ولا غيرته قبل كده علشان أنا مقلق من موضوع سير الكاتينة ده ومش عارف المفروض أغيره أمتى ؟

أبقى طمنا إنشاء الله خير

الحمدلله الموضوع عدي علي خير بس اول مجالي الميكانيكي قالي حاولت تتدورها كتير قولته مرتين قالي طيب ربنا يسترها
وغير السير وقالي دور الحمدلله جت سليمة .

الخلاصة بلاش اهمال في موضوع السيور وخاصة الكاتينه انا اتاخرت 5000 كيلو في التغير . كان المفروض اغير علي 100000 كم بس علشان مكنش عندي وقت ماعملتش حاجه وقولت هيحصل ايه . وخاصة سمعت صوت تصقيف قبل الموضوع ده بكام يوم.

ديه كانت 3 مرة للتغير السيور . والعربية عاملة 105000 كم
ربنا يسترها عليكم وعلينا والحمدلله انها جت علي كده.

المشاركة الأصلية كتبت بواسطة georock

أنا كمان بسأل فى الكاتولوج مكتوب فحص عند 60 و تغيير عند 90
كنت عايز أعرف أنت ليه غيرته كل 30 ألف

الكاتينه المفروض بتتغير كل 60 الف كيلو . حتي لو مفهاش حاجه علشان الموضوع مابيكونش ليه مقدمات خاصة ان سير الكاتيه بيتشد علي بليتين بلية متحركه وبلية ثابته وطبعا حتي لو شاف السير سليم حتحتاج تتاكد ان البلي نافوش خشونه علشان مايقففش فايقطع السير .

طبعا السير متغير في ال 60 الف الاولي .
وبصراحه كنت عند محل قطع غيار هشتري طقم السرفيس قالي اصبر لل 120 بس الحمدلله انها جت علي كده .
بالنسبة للسيور انا جبت سيروالكاتينة والبلي اصلي السير كان عامل 220 جنيه ومش فاكر البليتين كانو بكام . وفي السير في غبور عامل 330 جنيه بس الاتنين واحد .
بقيت السيور كوري وسعرهم من 20 لي 30 جتيه . سير البور والدينامو وطرمبة الميه . تقريبا كلهم كانو ب 90 .
وطقم بوجيهات هيونداي ب 75 جنيه .
والطقم كله عمل 600 جنيه .

اقف قدام الكبوت.
هاتبقي القاعدة علي ايدك الشمال ورا السيور علطول. هي دي القاعدة الزيت وهي دي اللي بتبوظ. سعرها 475 الاصلي وفي تايواني سعرها 250.
دي اسعار خارج التوكيل