Getz Club

**georock** · 13-06-2015 11:56 PM

المشاركة الأصلية كتبت بواسطة mody112

ياباشا ربنا يكرمك لانك رافع معنوياتى هنا فى الكلب وكمان فى سبيد سيرفيس .
بالنسبة لموضوع الجنوط انا كنت بفكر فى مقاس 14-195-60 ايه رايك ؟
وياريت ترد عليا فى موضوع الكلاكس الفردة واحدة ده لان صوته رفيع قوى شبه العرسة كده ؟
واسف لتعبك معايا

بص حشوفه وأرد عليك

**mody112** · 14-06-2015 11:49 AM

صباح الخير يا شباب
عندى حصلتلى حاجة ع الصبح مش ظريفة خالص
نازل الصبج وبدور العربية دارت ولكن فى صوت غريب من عند الموتور كده هو الصوت عبارة عن حشرجة كده وزى ما تكون حاجة صوتها مغلق - وجاى من تحت الموبينة وبصراحة كانت حاجة اخر نكد قمت قفلتها وسيبتها مكنها وروحت الشغل مواصلات .
تفتكروا ده ايه ؟
مع ان العربية اخر صيانة ليها من اسبوعين فى التوكيييييييييييييييييييي يييل ومعايا الفواتير ؟
لا حول ولا قوة الا بالله العلى العظيم .

**mody112** · 16-06-2015 12:01 PM

ولو ان محدش واسانى ولا سئلنى ايه اللى حصل غير المحترم georock الا ان المشكلة الحمد لله اتحلت عند المهندس هانى فى مركز سبيد سيرفيس .

**mody112** · 16-06-2015 12:02 PM

دلوقتى انا عاوز اركب فوجات .
فهل فوجات الفيرنا بتركب عادى عليها ولا لا .
وهى تمنها كام ومنين وهل اشترى معاها دراع نور ولا زرار شبورة فقط .ومنين وبكام .؟

**georock** · 16-06-2015 05:07 PM

المشاركة الأصلية كتبت بواسطة mody112

دلوقتى انا عاوز اركب فوجات .
فهل فوجات الفيرنا بتركب عادى عليها ولا لا .
وهى تمنها كام ومنين وهل اشترى معاها دراع نور ولا زرار شبورة فقط .ومنين وبكام .؟

بص عن تجارب ناس سابقة قالت أن الفوجات بتاعت الفيرنا شكلها مش بيبقى حلو فى واحد فى المنتدى دخل على مواقع البيع على الأنترنت و جابهم أصلى من كوريا و راح جاب الزرار إستعمال خارج و ركبهم وهو بيبقى زرار مستطيل بيركب فى التايلوه وراه الدركسيون عايز أقولك بيخلوا العربية شكلها يجنن بالليل

**جيتزاوي55** · 22-06-2015 09:03 AM

سلام عليكم يا رجالة الجيتز , أنا كنت عاوز أغير الكاوتش ومحتار اجيب اية من كتر الماركات والنصايح من الناس , الكاوتش اللي كان راكب فيها كان بيريللي بس مش عارفة موديلة اية هوكان ممتاز بصراحة وعفي علي الطريق .
يا ريت نصيحتكوا ويا ريت لو حد عندة فكرة عن الأسعار

**georock** · 27-06-2015 10:46 AM

المشاركة الأصلية كتبت بواسطة جيتزاوي55

سلام عليكم يا رجالة الجيتز , أنا كنت عاوز أغير الكاوتش ومحتار اجيب اية من كتر الماركات والنصايح من الناس , الكاوتش اللي كان راكب فيها كان بيريللي بس مش عارفة موديلة اية هوكان ممتاز بصراحة وعفي علي الطريق .
يا ريت نصيحتكوا ويا ريت لو حد عندة فكرة عن الأسعار

الأنواع كتير و حسب الميزانية

بيريللى ممتاز وبريدجستون ممتاز

**mezo310** · 06-07-2015 02:32 PM

اا نا عايز شكل الكاسيت الاصلى للجيتز موديل 2007 الكامله منوال

**جيتزاوي55** · 07-07-2015 09:52 AM

المشاركة الأصلية كتبت بواسطة georock

الأنواع كتير و حسب الميزانية

بيريللى ممتاز وبريدجستون ممتاز

الف شكر علي ردك يا باشا , المشكلة بس ان الناس بتتكلم عن ان البراند الواحد فيه منه موديلات كتير و كذا دولة بتصنعة , وأنا بصراحة مليس خبرة للأسف

**georock** · 09-07-2015 02:21 AM

المشاركة الأصلية كتبت بواسطة جيتزاوي55

الف شكر علي ردك يا باشا , المشكلة بس ان الناس بتتكلم عن ان البراند الواحد فيه منه موديلات كتير و كذا دولة بتصنعة , وأنا بصراحة مليس خبرة للأسف

بص ياباشا عايز أقولك أن موديل فى أى براند ليه مميزات وعيوب ياعنى مثلا أغلى موديل حتلاقيه مالوش صوت على الطريق والمميزات والعيوب دى حتلاقيه فى الويب سايت بتاع البراند و متسألش
عن بلد المنشأ طالما بتشترى براند مشهورة

أنا مثلاً مركب الأربع فرد كومهو كورى جميل و مريحنى فى الثبات بس عيبه صوته عالى و ده مش فارق معايا
فشوف أنت أيه الميزة اللى أنت عايزها و العيوب اللى تقدر تستحملها و بكده تقدر تحدد الموديل اللى أنت عايزه

بس فى الاول والأخر أهم حاجة البراند ده الكاوتش ماتسترخصش فيه