الموضوع: Getz Club

المشاركة الأصلية كتبت بواسطة elking60309

عايزين نعمل حاجة جديده وهى اننا نجمع ايه القطع الخاصة بالجيتز اللى تركب لانواع تانية مثل الفيرنا -الماتريكس
على سبيل المثال امبارح روحت اجيب فلتر تكييف جيتز الراجل باع لى بتاع الفيرنا وطلع هو هو بالظبط والسعر اقل طبعا

اللى أنا أعرفه أن هيونداى وكيا بتعتمد قطعة غيار ثابتة لكذا موديل
أما مثلاً حصل معايا موقف كنت بشترى دينامو من التوكيل للجيتز وواحد واقف جنبى بيشترى دينامو للماتركس و الأثنين زي بعض نفس الباركود نفس المواصفات فقلقنا بصراحة فسألنا الموظف قالنا أن الدينامو ده معمول لكل الموديلات الأربعة سلندر وفعلنا ركبته وشغال زى الفل فأنا أتعلمت لما أروح أسال على حاجة ومالقهاش أسأل الموظف على أى حاجة تتوافق معاه و بيدور فى كل الموديلات وبيلاقى

عادى أنا مركب أمبارح فلتر زيت جايبه من توكيل الكيا العلبة من بره كيا بس الفلتر مكتوب عليه هيونداى و كيا
ده أنا كنت بدور على لمبات للتابلوه مالقتهاش فى توكيل الهيونداى الراجل قالى أسأل عليها فى توكيل الكيا و فعلا رحت ولقيتها و أشتغلت

ماتشغلش بالك أنت أحسن حاجة تاخد معاك القطعة القديمة وهما بيتصرفوا

http://www.nilemotors.net/Nile/473093-a.html

السلام عليكم

سؤال يا شباب حد يعرف مركز سمكرة و دوكو محترم في شارع فيصل

شكراً

المشاركة الأصلية كتبت بواسطة mody112

شباب برجاء المساعدة فى تسعير السيارة دى :
هيونداى جيتز موديل 2010 شامبين كاملة مانيوال فابريكة بالكامل ماشية 78000 كم جميع الصيانات بالتوكيل وبالفواتير واخر صيانة عند 76000 كم بحالة جيدة جدا ةلا تحتاج لاى مصاريف والصالون زييييييييرو وعليه فرش فوق الفرش الاصلى ومتركب لها فوجات اصلية واسبويلر اصلى .
سعرها كام ؟.

معلش يا باشا علي التأخير في الرد أعتقد المواصات دي تخليها تحت بند الحلة الممتازة او الجيدة جدا علي الأقل , ودي هنتكلم في رنج 82 أو 83 وممكن بالتفاوض والغلاسة تنزل ل 80 أخرك , دة أعتقادي الشخصي ويا ريت فعلا رجالة الجيتز ترجع تاني وتفيد ببرأيهم , انا مشكلتي انضميت للجروب علي كبر :d

المشاركة الأصلية كتبت بواسطة mody112

طب انا عاوز ابيع ب 80
ايه رايك ؟

أعتقد زي ما قلتلك سعر كويس , وكمان لزيادة تأكيد أدخل علي المواقع بتاعه نايل موتورز وكونتاكت وشوف العربيات اللي في نفس الحالة تقريبا تعمل كام وهيا هتبقي غالبا نفس السعر أو أعلي أو أقل حاجة بسيطة .
وحاول برضة تشوف كدة مرة لو ممكن تنزل سوق السيارات تعرف رنج الأسعار اللي الناس هتكلمك فيها , وعلي فكرة عربيتنا بياعة جدا ان شاء الله برغم عدم أنتشارها زي موديلات تانية .
دةأنا مرة سمكري كان هيشتريها مني وأنا واقف برغم أني كنت رايح لة أساسا عشان يظبطلي القايم لأن شجرة وقعت عليها وطبقت السقف وكدة وهو قاللي اخدها منك علي حالتها علي 65 وهيا 2008 , بس أنا مكنتش ناوي ابيع بصراحة .
عموما ربنا يوفقك في البيع أن شاء الله ويكرمك بعربية جديدة تكون كويسة

السلام عليكم

ازيكم يا شباب

انا عيز اسأل علي لبفرش بتاع الدريكسيون الاصلي الي هو لونه احمر في اسود هو ده ينفع يتغير ولا لأ
عشان الي عندي اتبهدل جامد وكان نفسي اجيب زيه

يا ريت لو حد يعرف يقولي الاقيه فين وبكام وهل ممكن يرجع زي الاصلي