Getz Club

**mohamadcar** · 08-10-2015 02:10 PM

سلام عليكم. حد غير زيت الفتيس الاوتوماتيك فى الجيتز قبل كدة. والى غيرة ممكن يقول غير الفلتر الداخلى معاة ولا لق ونوع الزيت الى اشتراة. وشكرا

**lad** · 16-10-2015 11:42 AM

يا جماعة عاوز اعرف اجيب الكبالين منين العربية مانوال

**georock** · 16-10-2015 09:15 PM

المشاركة الأصلية كتبت بواسطة mohamadcar

سلام عليكم. حد غير زيت الفتيس الاوتوماتيك فى الجيتز قبل كدة. والى غيرة ممكن يقول غير الفلتر الداخلى معاة ولا لق ونوع الزيت الى اشتراة. وشكرا

بص ياباشا أنا غبرته عن طريق السحب من فتحة القياس و ضيفته برده من فتحة القياس ولما سألت على الفلتر قالولى أنه بيتغير لما بتعمل عمرة للفتيس لأنه علشان يتغير لازم تفك الفتيس علشان تطلعه فنصيحة منى غير الزيت بس

**georock** · 16-10-2015 09:17 PM

أزيكم يا شباب عاملين أيه كنت عايز أسأل سؤال
العربية عندى حاسس أن سحبها بقى ضعيف و إستهلاكها زائد للبنزين
بس العربية بتجمع سرعة فى وقت أطول و السرعة القصوى بتاعتها قلت ياعنى كانت بتجيب 165 مستريح و دلوقتى 140 بالعافية بتيجى
مع العلم أنا مغير البوجيهات و فلتر الهوا من حوالى 10000 كيلو
المفروض أن الشهر الجاى حعمل صيانة 90000 كم و حغير فيها التالى :-
1- سير التقسيمة
2- فلتر الهوا بفلتر k&n رياضى
3- فلتر البنزين و اللى كان المفروض يتغير على 60000 كم و ماغيرتوش سهواً منى
4- البوجيهات
5- قاعدة المحرك أعلى يمين (الزيت)
6- تغيير زيت الفتيس
7- تنظيف الموتور من الداخل (الفلاش)
و بالمرة حخلى الميكانيكى ينظف مدخل الهوا و الحساس

السؤال الأول هل فى حاجة من اللى فاتت ممكن تكون مأثرة على موضوع ضعف السحب و إستهلاك البنزين الزائد ولما تتغير تتظبط الدنيا ؟
السؤال الثانى إيه اللى أنا ناسيه و ممكن يكون سبب المشكلة دى ؟

**mohamadcar** · 18-10-2015 12:21 AM

المشاركة الأصلية كتبت بواسطة georock

بص ياباشا أنا غبرته عن طريق السحب من فتحة القياس و ضيفته برده من فتحة القياس ولما سألت على الفلتر قالولى أنه بيتغير لما بتعمل عمرة للفتيس لأنه علشان يتغير لازم تفك الفتيس علشان تطلعه فنصيحة منى غير الزيت بس

الف شكر يا باشا على الرد بس سوال ازاى قدرت تسحب قرب 3 لتر زيت من فتحة القياس يعنى استخدمت اية لسحب الزيت. ونوع الزيت اية الى حطيته وكانت العربية عاملة معاك كام الف وقت تغيره. والف شكر واسف على الاطالة

**georock** · 18-10-2015 11:59 AM

المشاركة الأصلية كتبت بواسطة mohamadcar

الف شكر يا باشا على الرد بس سوال ازاى قدرت تسحب قرب 3 لتر زيت من فتحة القياس يعنى استخدمت اية لسحب الزيت. ونوع الزيت اية الى حطيته وكانت العربية عاملة معاك كام الف وقت تغيره. والف شكر واسف على الاطالة

فى طرمبة سحب بتسحب الزيت من فتحة القياس و بتبقى موجودة فى محطات البنزين النضيفة و العربية كانت عاملة 60000 و أستخدمت زيت ACdelco والأحسن لو لقيته بره يبقى الزيت بتاع الهيونداى

لكن لو عربيتك عدت 80000 يبقى كمان لازم تغير فلتر الفتيس علشان الفتيس يعيش معاك و الكلام ده على لسان الباشمهندس هانى

**mohamadcar** · 19-10-2015 02:10 AM

المشاركة الأصلية كتبت بواسطة georock

فى طرمبة سحب بتسحب الزيت من فتحة القياس و بتبقى موجودة فى محطات البنزين النضيفة و العربية كانت عاملة 60000 و أستخدمت زيت acdelco والأحسن لو لقيته بره يبقى الزيت بتاع الهيونداى

لكن لو عربيتك عدت 80000 يبقى كمان لازم تغير فلتر الفتيس علشان الفتيس يعيش معاك و الكلام ده على لسان الباشمهندس هانى

الف شكر. ربنا يكرمك

**egale2008** · 27-10-2015 11:23 AM

المشاركة الأصلية كتبت بواسطة georock

أزيكم يا شباب عاملين أيه كنت عايز أسأل سؤال
العربية عندى حاسس أن سحبها بقى ضعيف و إستهلاكها زائد للبنزين
بس العربية بتجمع سرعة فى وقت أطول و السرعة القصوى بتاعتها قلت ياعنى كانت بتجيب 165 مستريح و دلوقتى 140 بالعافية بتيجى
مع العلم أنا مغير البوجيهات و فلتر الهوا من حوالى 10000 كيلو
المفروض أن الشهر الجاى حعمل صيانة 90000 كم و حغير فيها التالى :-
1- سير التقسيمة
2- فلتر الهوا بفلتر k&n رياضى
3- فلتر البنزين و اللى كان المفروض يتغير على 60000 كم و ماغيرتوش سهواً منى
4- البوجيهات
5- قاعدة المحرك أعلى يمين (الزيت)
6- تغيير زيت الفتيس
7- تنظيف الموتور من الداخل (الفلاش)
و بالمرة حخلى الميكانيكى ينظف مدخل الهوا و الحساس

السؤال الأول هل فى حاجة من اللى فاتت ممكن تكون مأثرة على موضوع ضعف السحب و إستهلاك البنزين الزائد ولما تتغير تتظبط الدنيا ؟
السؤال الثانى إيه اللى أنا ناسيه و ممكن يكون سبب المشكلة دى ؟

بالتوفيق انت كده جبت من الأخر بس قولنا ايه النتايج علشان انا بردو نفس الموضوع وكان ليا سؤال

لما بدوي فرامل والعربيه سرعتها تبدأ تقل بسمع صوت ونه بس مع الفرامل مش مع المشي مش عارف ديه ممكن تكون بليه ولا تكون ايه علشان شوفت التيل كان كويس .

سؤال تاني : ونا ماشي بحس ان فيه زي صوت كركبه او طنبورة مش ثابته مككن يكون ايه السبب ؟

**Mohamed Fawzy** · 09-11-2015 11:04 AM

ازيكو يا شباب انا جبت بفضل الله جيتز 2010 اوتوماتيك للمدام وكان ليا بس استفسار فيه نتشة بسيطة بتحصل في الفتيس على السرعة القليلة وكمان لما بنقل الفتيس من d الى r يعني لما باجيب مرشيدير الفتيس بياخد حوالي خمس ثواني لحد ما يعشق مرشيدير وتبدأ العربية في الرجوع هل ده طبيعي مع العلم اني لما اشتريت العربية غيرت كل الفلاتر والسيور والزيوت ومنها زيت الفتيس والفلتر بتاعه

**georock** · 09-11-2015 12:18 PM

المشاركة الأصلية كتبت بواسطة Mohamed Fawzy

ازيكو يا شباب انا جبت بفضل الله جيتز 2010 اوتوماتيك للمدام وكان ليا بس استفسار فيه نتشة بسيطة بتحصل في الفتيس على السرعة القليلة وكمان لما بنقل الفتيس من d الى r يعني لما باجيب مرشيدير الفتيس بياخد حوالي خمس ثواني لحد ما يعشق مرشيدير وتبدأ العربية في الرجوع هل ده طبيعي مع العلم اني لما اشتريت العربية غيرت كل الفلاتر والسيور والزيوت ومنها زيت الفتيس والفلتر بتاعه

العربية وهى على 1000 أر بي أم بتعمل رجة ولا لأ ؟؟؟؟؟؟
وحاول لما تجيب الفتيس من d إلى r ريح الأول على n أستنى لما العربية تقف و بعد كده جيب r