الموضوع: Getz Club

المشاركة الأصلية كتبت بواسطة mohamedenzo

مش قصدك بجلى يعنى تنعيم الطنابير تانى بحيث انها تكون سوا واحد عملتها والله
اطياش الميزان الامامية شكلها المسؤلة عن لف الدريكسيون هم دراعان صغيرين اوى بيلفوا يمين وشمال يعنى بصراحة ما يستهلوش 200 جنيه خالص فشكلى هاضطر اتعامل الحاجة بقى اللى ملاحظها ان السقف بقى فى تعوجات ومجرد بس ما المسه بفوظة عشان انضفه مثلا الاقى السقف ضعيف اوى مش بيستحمل خالص

معلش يا باشا كنت عايز اعرف ايه اللى انت بتحسه عشان كده عايز تغير الاطياش دي؟
وموضوع السقف ده يعني انا مش شايف انه مشكلة كبيرة لان اي عربية سقفها مابيكونش مصفح يعني.
اكيد في عيال صغيرة بتقف على السقف او كلاب بتنام عليه بليل . المهم ان اكيد في حاجة بتخليه يتعوج كده لكن مش هاتيعوج لوحده .

المشاركة الأصلية كتبت بواسطة mohamedenzo

مادا باشا ازيك عامل ايه مش بتدخل ولا ايه ؟
كنت عايز اسالك سؤال هو انت لما مليت التيل بتاعك ملبت عند مين فى الحرفيين؟ واوصله ازاى؟

بص انا مش هاقدر اوصفلك ولا اعرف اسمه ايه لكن انا حافظ الطريق ازاي . ممكن في اي يوم انت هاتشرفنا هنا نتفق واوصلك لغاية هناك .

المشاركة الأصلية كتبت بواسطة mohab555

الحقنى يا مادا .... انا خلاص جاتلى صدمة ....
فاكر موضوع الهزة و الرجه الى قلتلك عليها ... رحت لواحد ميكانيكى كان شغال فى غبور و فتح ورشة بره بس بقولك ايه استاذ
قولت اروح اخد رأيه برده ..
المهم اول ما ركب قالى اذاى راكب العربية و هى بتترج كدة ... قالتلة طب شوف من ايه بالضبط يا مادا مفيش 10 سوانى و لقيتة بيقولى ادخل اركب و شوف الهزة منعت ولا و بركب و اذا بالعربية هس اسكت خالص مفيش هزة خالص بقوله من ايه قالى قاعدة الموتور اليمين مقطوعة .. ولازم تتغير

انا اتصدمت عربية 2010 و ماشية 37 الف و جابت قاعدة ... يا مصيبة سودة
المهم انى مش عارف اشترى القاعدة منيين و مش هستنى لحد الصيانة الجاية ؟؟؟؟
هى القاعدة الى بتبقى ظاهرة على الشمال لما تفتح الكابوت ...

الحقنى يا كبير الجتزاوية ..

يا مهاب لا تقلق
احنا كده اتاكدنا انها قواعد لان كل اللى كانوا بيشتكوا من الرجة دي ومنهم انا راحوا كشفوا وطلعت القواعد عشان محدش يشتغلنا تاني ويقولك دي الحساسات والمش عارف ايه .
المشكلة دي بسيطة يا مهاب وزي ما قلنا قبل كده ان ده مش عيب في العربية عموما لكن وارد جدا انه يكون عيب في صناعة القاعدة دي بالذات واتركبت في عربيتك وده نصيبك والحمد لله على كل حال .
انا انصحك زي ما محمد قالك تروح على غبور وتشتكي وتشوف الاول هل الضمان بيغطي القواعد ولا مش بيغطي وان كنت اشك انه بيغطيها لان القواعد دي من الحاجات المستهلكة وممكن تبوظ بسرعة مع المطبات الكتيرة .
لكن في اي حال انصحك انك تشتري قواعد اصلية لان القواعد المضروبة مش هاتعيش كتير وهاتفضل تغير كل فترة قصيرة

المشاركة الأصلية كتبت بواسطة mohamedenzo

مهاب ازيك عامل ايه
معلش اعذرنى فى رايى بس انا شايف انك قبل ما تروح تشترى روح بالعربية للتوكيل ووريهم القاعدة واعملهم مشكلة عشان ازاى عربية موديل 2010 تجيب قاعدة موتور ما تعقلش يعنى بصراحة
ولو على شرائها انا جيبت رقم وكيل لغبور فى شارع دمشق ممكن اديك رقمه لكن ياريت بجد لو واثق انها قاعدة موتور لازم تروح توريهالهم اصل انا اعرف قاعدة موتور دى لو لقدر الله العربيه عملت حادثة او مثلا عمال تاخد مطبات للصبح او اخدت بالاعة جامدة اوى فروح وريهالهم الاول ده رايى بصراحة ولا ايه رايك يامادا؟

انا متفق معاك يا محمد باشا وعلى فكرة انا كمان عندي قاعدتين بايظين الكبيرة والمتوسطة وسعرهم الاتنين حوالى 800 ولسة ماغيرتهمش . وبفكر اصبر عليهم شوية لان كل ما الجو بيكون حر الرجة بتختفي خالص فبفكر اني اشوف كده الصيف ده نظامه ايه لو وافيش رجة هاغيرهم على دخول الشتاء اللى جاي

المشاركة الأصلية كتبت بواسطة mohab555

أنا سألت انهاردة مهندس فى التوكيل قالى لا الضمان مش بيغطى القواعد علشان ده جزء تبع الاستهلاك زى ما انته قلت يا مادا .... طب قولى استريها منيين علشان دايخ و مش لاقيها و عايزها الاصلية و رحت سألت عند واحد موزع لغبور فى الدقى اسمه زهير و قالى الصدمة هى مش موجودة دلوقتى و ممكن تيجى بكرة تاخدها بكام يا عم قالى 855 جنية !!!!!
قاعدة ب900 جنية

دبرونى يا رجاله عاوز اغير القاعدة و مش لاقيها ولا عارف هيا بكام ولا اى حاجة ؟؟ ساعدونى فى المشكلة دى انا متسوح و خلاص التوكيل طلع مش بيغطى الموضوع ده

حاول تسال عليها في التوكيل عشان انا برضه سالت عليها عند اكتر من موزع مش لاقيها . ان شاء الله هاتلاقيها في غبور نفسه . وبالمرة اسال على تركيبها هاياخدو كام مصنعية . ولو الموضوع بسيط ركبها عندهم احسن .

المشاركة الأصلية كتبت بواسطة mohamedenzo

مادا باشا اللى مخلينى اغير الاطياش دى ان انا طول ما انا ماشى بحس ان الدريكسيون بيتهز من اقل حاجة فا وانا بضبط زوايا لقيت الراجل بيقولى ان الاسكراته بتاعتك(العمود اللى رابط بين العجليتن الاماميتين والدريكسيون)عايزه تتضبط فبصراحة تعبت من العربية دى عارف حتى قولت خلاص هاشترى التيل الورانى الاصلى عشان اخلص بصراحة بس العربية دى واضح انها كل ما تتطول معانا هاتقضى علينا

وبالنسبة لموضوع مهاب مش عارف اقولك ايه بصراحة بس انا مش مقتنع ان عربية لسه موديل 2010 بصراحة قواعدها تبوظ كده حتى لو من المطبات ما تبقاش اوى كده

كنت عايز اسالك سؤال يا محمد
هو انت شاري العربية دي مستعملة ولا معاك من الزيرو ؟؟؟؟