الموضوع: Getz Club

المشاركة الأصلية كتبت بواسطة Mohab555

ان شاء الله نرجع انشط من الاول كمان
شوف يا سيدى القصة من البداية ... مبدائيا اكتشفت ان الجيتز من العربيات الى من الصعب تلاقى حاجتها و اقرب للمستحيل تحس انك لما بتسأل على حاجة تحس ان الناس بتعملك انك راكب عربية من المريخ ..

شوف يا سيدى انا الاول نزلت الحرفيين لحد ما نفسى انقطع ملقيتش غير واحد بس عاندو الفوجات بس قالى مش بطلعهم لوحدهم لازم الاكصدام كله و بعد مداولات قالى هديك الفوجات ب 500 جنية من غير المفتاح و الضفيرة .. اكيد قالتلة متشكر جدا جدا ..
رحت التوكيل بسأل عليها قلت اخرها هتبقى كام يعنى 600 جنية بس اصلى و جداد لقيت الراجل صدمنى بالرقم 1200 جنية من غير الضريبة و التركيب .. قلتلة شكرا جدا جدا جدا
و فقدت الامل انى اركب فوجات و قلت خلاص انتهت القصة ...
لحد ما لقيت واحد صحبى مسافر كوريا و بالحظ قلتله لو لقيت الفوجات هاتها و انت جاى و اكيد ما كنتش متوقع انو هيجبها و فعلا لقيتو بيقولى انا لقيتهم ب 70 دولار اصلى اكيد و جداد قلتلة هاتهم و بالفعل وصل صحبى و الصدمة جاتلى لما شفت نضافة الفوجات حاجة كدة بسم الله ماشاء الله تحفة و تحس انها بتاعتها فعلا مش الناس الى تقولك هو هو بتاع الفيرنا لا ده مختلف تماما .. بس المشكلة ... مش معاهم المفتاح !!!
نزلت تانى الحرفيين و قعدت الف لحد ما لقيت واحد عاندو تابلوه جيتز بس متكسر و مش نافع و راميه على جنب ببص لقيت مفتاح الفوجات فيه جريت علشان اجيبة و لقيتة بيقولى 200 جنية بقوله ليه قالى حاجة الجيتز نادرة و مش حتلاقى المفتاح تانى فى الحرفيين و بعد الفصال خلص على 80 جنية ..
و الحمد لله نزلت النهادرة اركبهم علشان افرح بزئردة شوية
الراجل الكهربائى بتاعى فك الاكصدام و بداء يحدد و يقطع مكان الفوجات ( مش طبة و مسامير تتشال ) و قطع على المقاس بالضبط و طلعت زى الفل و ركب الفانوس على قواعدة تمام و بدأت الرحلة الاخرى الكهرباء العربية طلعت مفيهاش فيش فوجات خارجة من الضفيرة علشان لو حبيت تركب فوجات بس فيها حاجة الذ ... بنبص على علبة الفيوزات لقينا الكتاوات بتاعة الفوجات مكانها موجود بس مش موجودة ركبناها و لقينا ورا الطبة الى فى التبلوه الفيشة الى بتركب فى المفتاح جاهزة قالنا الحمد لله الصعب خلص و بالفعل بدأنا فى تركيب الكتاوت الاصلى و هى مكانها موجود عاملة زى الفيوز كدة بس كبيرة شوية و ركبنا الاكصدام و الحمد لله كله تمام و العربية بقت حاجة تانية ...

الدروس المستفادة :
1- فوجات الجيتز غير فوجات الفيرنا تماما
2- لازم كهربائى شاطر جدا جدا جدا
3- غبور ضحك علينا و شال كل حاجة من العربية حتى استخسر فينا الطبة الى فى الاكصدام ..

الف مبروك يا بوب وشغل عالي
بس عايز اقولك انك كان ممكن تعمل شغل جامد من ورا صاحبك اللى راح كوريا ده . يعني كان ممكن تكتب بس على الموقع هنا ان عندك فوجات وكنت عملت مصلحة كبيرة .
بس المهم انا عايز انصحك بقى نصيحة حلوة انك تحاول تشوف زينون في الظريف وتشغله على الفوجات بس ( لو ليك مزاج في الزينون يعني ) .
والف مبروك يا باشا وعقبال فوجات البي ام الفئة السابعة ( تفتكر دي بتنزل بالفوجات ؟؟؟؟؟ )

المشاركة الأصلية كتبت بواسطة _ahmed_casper_

فعلا الصوت بيبان فى الحرق على الغيا و بيبان فى التانى بغبااااااء و اول ماتعدى 3rpm ‎‏ بيبان جامد و طبعا ال‎ kn ‎‏ احسن بس متهئلى متهئلى عندنا ملوش لازمه تجيبه غالى اوى و لما هتركبه هيكون لاازق فى الموتور و هياخد هواء سخن يعنى هتشترى حاجه غاليه و مش هتاخد كل فايدتها
‏ متهيئلى خليك فى السيموتا نضيف و كله بيشكر فيه و بالنسبه للمواسير و الكلام ده فكك من الكلام ده لأن اصلا اصلا فيييييين المكان اللى عندك هتمد فيه ماسوره للفلتر؟
هى الطريقه اللى مركب بيها دى اسلم طريقه و زى الفل

فل
انا احتمال اركبه قريبا جدا
بس ايه اخبار السخونية بقى ؟ ( اقصد سخونية الجري يعني )
حاسس ان صوته ده هايخليني بفرك علطول وعايز اجري وكده ولا ايه ؟

المشاركة الأصلية كتبت بواسطة _ahmed_casper_

ههههههه ده مجرم و هيخليك تسخن تسخن تسخن لحد السنه الجايه ده غير ان اصلا الموتور انت عارف عامل زى المجنون
ركبه هيظبطلك الجو

اذن
على بركة الله

المشاركة الأصلية كتبت بواسطة _ahmed_casper_

انا من يومين روحت التوكيل اعمل صيانه ٥٠٠٠ كم و كان عندى مسكله ان الكاسيت بيعلق و البطاريه كانت بتفضى خالص لو مدورتش العربيه يومين و الفرامل بقت تعبانه مله
انا قلتلهم على المشاكل دى و دخلو العربيه و فضلت من الساعه ١٠ الصبح لحد ٤ العصر و لما استلمتها قالولى ان ان البطاريه تمام و الكاسيت هو اللى كان بيسحب من البطاريه كان بيفصل شاشه و صوت و الدايره جوه شغاله فا غيرولى الكاسيت بكاسيت ٢٠١١ و بصراحه انضف كتييير و صوته جميل و الفرامل و انا طالع من التوكيل كانت تمام و اول ما وصلت طنطا بقت فستك

كويس انهم غيروا الكاسيت ومبروك على الكاسيت الجديد .
موضوع الفرامل ده عادي هما بيرجلشوها بس للاسف بترجع تاني تخف واحدة واحدة .
انا هاروح التوكيل يوم الاحد ان شاء الله عشان اشوف مشكلتي دي حلها ايه