الموضوع: Getz Club

المشاركة الأصلية كتبت بواسطة mayki4u

الله ينور يا مادا بيه
كده الشغل وأحييك على افكارك الجديدة دائما
انت بترفع الصور ازاى يا مادا بيه؟
شكرا لمجهوداتك فى المنتدى

يا باشا افكاري الجديدة استوحتها من تعليقك اللى فات وده بيثبت فعلا اننا كلنا بنكمل بعض ولازم نتشارك وان شاء الله الفايدة هاتعم .
بالنسبة لرفع الصور يا باشا حاول تركز معايا
في موقع لرفع الصور وهو http://my.imageshack.us/
هاتعمل حساب باسمك مجانا وتبدأ بتحميل الصور بتاعتك على الموقع ده ودي سهلة ان شاء الله .
ثانيا لما تحب ترفع الصورة على الموقع هنا هاتفتح صفحة ( رد سريع او اقتباس او اي كان المهم انك هاتكتب تعليق ) هاتلاقي في شريط الادوات مربع صغير مرسوم عليه جبلين ووراهم شمس . لما هاتقف بالماوس عليه هايظهر وظيفة المربع ده وهو ( ادراج صورة ) . لما هاتدوس عليه هايطلع مربع صغير وفيه خانة فاضية مكتوب فيها برجاء ادخال رابط الصورة . منين تجيب رابط الصورة ؟؟؟؟؟؟؟؟؟؟؟؟
هاترجع للموقع اللى انت رافع عليه الصورة . هاتلاقي جنب الصورة ايقون كده على شكل ( i) او بمعني information عن الصورة . لما هاتدوس عليه هايظهر كل بيانات الصورة وهاتلاقي حاجة اسمها direct link
هاتاخد الرابط ده وتنسخه في المربع بتاع نايل موتورز هاتلاقي الصورة نزلت في الموضوع اللى انت بتكبته .
نلخص بقى الموضوع :
1- رفع الصور على موقع الصور .
2- ناخد ال direct link وننسخه في مربع ادراج الصورة في شريط ادوات نايل موتورز .

يارب اكون بعرف اشرح لاني عمرى ماتخيلت نفسي ينفع اشتغل مدرس
لو في اي حاجة مش واضحة قول يا بوب وانا معاك لغاية لما اشوف عربيتك شكلها ايه
وياريت تفاجأني والاقي صورة مرفوعة

المشاركة الأصلية كتبت بواسطة _Ahmed_casper_

السلام عليكم يا شبااااب
اخبارك ايه يا مادا والله واحشنى بس الشغل بقا و مش بعرف افتح خاالص
ان شاء الله نرجع زى الاول و عايزين مقابلااات
انا كنت ركبت فلتر هوا سيموتا المخروطى من فتره و غيرته قريب ب hks mashrum بس مقلكوش على سحب العربيه بقت روعه و جبت 200

انت فين يا كبير؟؟؟؟؟؟
ينفع كده ؟؟؟؟
والله ليك واحشة جامدة جدي
تعالالي بقى من حيث الفلتر عشان انا هاموت واركبه بس قلقان اركب السيموتا و مستخصر اجيب ال K&N
احكيلي بقى انت عملت ايه بالتفاصيل المملة وحياة ابوك .
وبيركب الفلتر بس ولا لازم الماسورة والقصة دي ؟
والعربية اتغير فيها ايه بعد الفلتر ؟؟
وبيتنضف ازاي؟
وال HKS ده هاتجيبه منين وبكام ؟؟
اتفضل جاوب