الموضوع: Getz Club

كل عام وانتم بخير

عيدية العيد

دي بقة العيدية اللى عمو مادا هايديها لكل اللى مع اهم جيتزوكا بتاعتنا .

هانقول للحرامية لأ

بصوا يا مينز & وومنيز

من فترة كده كان عندي مشكلة في العربية بتاعة حساس الكرنك وكانت العربية بتفصل وقعدت فترة لغاية لما اكتشفت العيب بفضل الله وبعدين بفضل المهندس هاني بتاع التوكيل .
اثناء القصة دي بقى كنت بلعب في الفيوزات لاني كنت شاكك ان في فيوز بيتحرق مثلا وهو اللى بيسبب ان العربية بتبطل .
من خلال لعبي في الفيوزات اكتشفت ما يلي وهو غير ضار اطلاقا للعربية بشهادة المهندس هاني وعن تجربة لمدة شهر لغاية دلوقتي وان شاء الله مش هابطل العادة دي لغاية لما الوضع الامني يرجع زي زمان .

1- افتح غطاء الفيوزات اللى تحت الدركسيون على الشمال .
2- في مشبك اسود هاتلاقيه موجود عشان تخلع بيه الفيوزات .
3- العامود اللى على اليمين خالص - ثالث فيوز من تحت
ركزوا كويس ( هما فيوزات مرصوصة تحت بعضها على هيئة صفوف واعمدة . العمود الاول من ناحية اليمين , ثالث فيوز من تحت )
4- اشبك فيه المشبك وشيل الفيوز وخليه في المشبك .
5- جرب تدور العربية هاتلاقي العربية مش بتدور . يعني في مارش لكن الموتور مش هايدور .
6 - ركب الفيوز تاني وخلى فيه المشبك . ( ولنا في ذلك حكمة )
7- جرب تدور العربية هاتلاقيها بتدور عادي جدا .
8 - اقفل الباب او الغطاء بتاع الفيوزات وسيب المشبك في الفيوز وماتخافش الباب هايقفل عادي .
( للتاكد من ان الفيوز ده هو اللى صح هاتلاقي على الغطاء بتاع الفيوزات دي من ورا خريطة باماكن الفيوزات واسمائها , هات الفيوز ده من على الخريطة هاتلاقي مكتوب عليه ecu وهي اختصار لـ electronic control unit )
اولا الفيوز ده بتاع جزء في الكونترول يونيت الخاص بتشغيل المحرك .
ثانيا لما بنشيله العربية لا يمكن تدور .
ثالثا كل اللى هاتعمله انك بليل وانت بتركن العربية هاتفتح الغطاء بتاع الفيوزات وتحسس بايدك من غير ماتبص لغاية لما تلاقي المشبك اللى انت شابكه في الفيوز ( هي دي الحكمة ) وتقوم شده .
رابعا لما تنزل الصبح هاياخد منك تركيب الفيوز بالظبط 3 ثواني قبل ماتركب العربية .
خامسا لا يوجد اي ضرر وانا بجد بعمل كده من حوالى شهر والحمد لله على الاقل بكون نايم وانا مطمن ان الحرامي اخره يعني هايسرق السماعات .

يارب اكون عرفت اشرح كويس واي حد مش فاهم انا ممكن اشرح تاني

تحياتي يا وحوش الجيتز وربنا يسترها مع الجميع

والله تسلم أيديك وربنا يحفظنا جميعا بس أنا خايف ليكون فى حرامية بتدخل على المنتدى والخبر ينتشر ونبقى ولا أكننا عملنا حاجةهههههههههههههههههه

المشاركة الأصلية كتبت بواسطة bmw323

والله تسلم أيديك وربنا يحفظنا جميعا بس أنا خايف ليكون فى حرامية بتدخل على المنتدى والخبر ينتشر ونبقى ولا أكننا عملنا حاجةهههههههههههههههههه

يبقى نصيبنا كده بقى هانعمل ايه .
بس على الاقل محدش هنا بيعرف المعلومات الحقيقية عن الناس زي العنوان مثلا او الاسم الحقيقي كده يعني .

المشاركة الأصلية كتبت بواسطة khaabas

ليه كده بس يا ناس يا فل الخير للكل

طبعا يا جامد وانت اولنا

المشاركة الأصلية كتبت بواسطة lost2008

[right]
متنسانيش معاكو , احنا نفس الموتور

عيني يا كبير الكوبرات

كلوا على الخاص يا رجالة