الموضوع: Getz Club

المشاركة الأصلية كتبت بواسطة bmw323

ميغركمش أنا جيتزاوى قديم بس مختفى شوية :))) يارب تكون الصور عجبتكم ......

تحياتى ahmed.m

شوية صور تشرح القلب والله يا ابوحميد . نفسي عربيتي تبقى زي العربية السوداء دي .

المشاركة الأصلية كتبت بواسطة bmw323

حبيب قلبي يامادا و أول مقابلة أن شاء الله تبقى عندكم فى الرحاب أية رأيكم:b4_033:

انا عن نفسي موافق ومعنديش اي مانع . وحتى لو في حتة تانية برضه انا معنديش مانع لو في المريخ .

المشاركة الأصلية كتبت بواسطة ahmedalaa88

اسف على عدم مشاركتى فى الclub اصل انا فى الجيش و كنت مشغول فى موضوع التسليم علشان انا الحمد لله فى نهاية فترة تجنيدى فى سلاح القوات الجوية ربنا يكملها على خير , الحاجة الى مش تمام ان قاعده الموتور جابت اخرها الرجرجة زادت اوى وصلت للصالون ربنا يستر لحسن انا سمعت انها غالية اوى , كمان محتاج كاوتش جديد سألت عليه البريجيستون 185/60/14 =670 جنية الفرده.

اهلا بيك وان شاء الله قريب نقولك كفااااااااااااااااااارة ونشوفك معانا في التجمع اللى جاي ان شاء الله .
بالنسبة لقاعدة الموتور دي لازم تجيبها اصلي من غبور وهاتعمل في حدود 900 بالضريبة . في نوع تاني في السوق هو كوري برضه بس مش اللى عند غبور ودي في حدود 400 جنيه . والفرق بينهم هو العمر او الفترة اللى هاتعيشها القاعدة .
لو عايز التانية انا ممكن اساعدك وهاتعرف كل حاجة في المشاركة اللى جاية .
بالنسبة للكاوتش بقى فانا زيك بالظبط وعايز اجيب 4 فرد وبلف بقالي كتير وللاسف كل الناس بتقول ان كله مضروب . بصراحة مش عارف اعمل ايه وخصوصا اني عايز اجيب جنوط وكاوتش 15 بس للاسف مش جاهز دلوقتي للجرح ده وفي نفس الوقت الكاوتش اللى عندي بدأ ينهار .

المشاركة الأصلية كتبت بواسطة mohab555

حبيبى يا مادا والله
بص يا سبدى الرباط ده افيز عادى من بتاع الطاسات و مربوط حولين الخرطوم الى طالع من البوابه و كمان مربوط فى الحديدة المخرومة الى عند الموتور كل ده علشان الخرطوم ده مع المشى و المطبات بتحرك وبيتهز فالموضوع ده علشان الخرطوم يبقى ثابت فى مكانه و ميدبدبش فى قاعدة الفلتر الاصلى ... اشتريته من واحد صاحبى كان جايب 2 و هو جاى من دبى خدت منه واحد ,, و تنضيفة سهل جدا بتفك الفلتر من فوق و بطلع الجسم الداخلى الى مسئول عن الفلترة و بتغسله بميه زى فلت التكييف بتااع البيت و بعدين تسيبه ينشف وركب و عيش .. موضوع السحب العربيه السحب بقه بسم الله ماشاء الله جميل جميل جميل و فرق كتير عن الاول .. بالنسبة للصوت فى صوت ونه خفيفه من اول 3 rpm و بعدها بيبدأ يشتغل بس بيلعلع بعد 4.5 بيبقى دولى ..

اصلي يا معلم .
بس موضوع الجسم الداخلي ده موجود عندي انا كمان ولا ايه ؟؟؟
احساس وحش اوي ان الواحد يحس انه جاهل كده ومش فاهم حاجة

بصوا بقى يا رجالة
في حوار ظريف بالنسبة لموضوع الصيانة والتصليح للجيتز والهيونداي عموما . بس هو بصراحة موضوع سري وماينفعش ابوح بيه هنا على العام .
وكمان هو ينفع مع الناس اللى عربيتهم خرجت بره الضمان.
انا هابعت على الخاص للناس المتواجدة معانا هنا ونشيطة معانا وسامحوني لو نسيت حد ياريت يفكرني بس .
وان شاء الله المصلحة تعم علينا جميعا

المشاركة الأصلية كتبت بواسطة ahmedalaa88

كنت بخدم فى رئاسة القوات الجوية فى عمارات العبور جنب نادى الحرس الجمهورى

تحيا جمهورية مصر العربية

انا بقى عشت 25 سنة من عمري في مدينة التوفيق اللى جنبك في شارع الطيران .