الموضوع: Getz Club

شباب :)
ازيكم جميعا .....انا كنت نازل النهارده اجيب جيتز 1100 موديل 2005 و كنت ايز اعرف قطع غيارها هيا هيا ال 1600 ولا لأ؟؟
كنت عايز اعرف كمان العربيه ايه ادائها وتمنها في حدود كام ارجو الأجابه

المشاركة الأصلية كتبت بواسطة Mohab555

سلام عليكم يا رجالة
انا معايا اكسنت 99 و ان شاء الله هبيع و عايز اجيب جيتز اوتو من 2007 و انت طالع و كنت عايز اسأل على شوية حاجات كدة :

1- ايه اخبار الفرامل بصراحة علشان فى ناس بتقول ان فرامل الجيتز مش قد كدة .... من الاخر ( مش بتقف ) نظرا بقوة الموتور و الوزن و بيقولولى فرامل الاكسنت بالنسبة للجيتز فرق السما من الارض ؟؟؟

2- موضوع العزل الخارجى ايه اخبارة ؟؟؟

3- هل فعلا العربية بتسخن كتير زى ما فى ناس بتقول ؟

4- فى ناس بتقولى هات ابيزا 2007 اوتو و هتبقى فى نفس الرنج ايه رأيكو ؟
عايز اجابة بصراحة يا رجالة علشان الواحد كل يوم و انا متأكد انكم هتقولوا كل حاجة بمصداقية تامة ..

تحياتى

اهلا بيك فى النادى
موضوع الفرامل مش عشان هى وحشة هى بس حجم العربية صغير و جواها موتور 1600 يعنى هتلاقى العربية بتجر منك غصب عندك بس الفرامل من ممتازة كدة اكون بكدب هى محتاجة abs لاكن ربنا يستر
و انا مش فاهم موضوع العزل الخارجى دة ؟!!!
من ناحية انها بتسخن اقولك بقوة لا العربية فى عز الحر مسخنتش منى خالص و انا بغير المياه بتاعتها كل 10 الف كيلو
بالنسبة لموضوع الابيزا دة القرار هيرجع ليك فى الاخر لاكن على ما اسمع ان اول حاجة بتضرب فى الابيزا العفشة لا دة كلام انا بسمعة و لك حرية القرار طبعا و اهم حاجة مش تستعجل خالص

المشاركة الأصلية كتبت بواسطة mada_76

اولا اهلا بيك طبعا يا على معانا ونورت الجيتزاوية كلهم .
وثانيا معلش يا جماعة انا بقالي كام يوم كده مش بدخل على النت خالص وكمان الموقع هنا كان بيهيس .
وثالثا يا على بصراحة كده انا شايف ان الجنوط ال 16 كتير شوية على العربية بس ايه اللى بيحصل وايه الاضرار بطريقة فنية انا مش عارف . بس من ناحية تانية انا اعرف اصحاب ليا مركبين 16 في فيرنا والعربية ماشية عادي جدا لكن لو سالت اي حد بتاع عفشة يقولك بلاااااااااااااااش حرام عليك العفشة هاتبوظ فا مش عارف والله يا على . انا كمان نفسي اجنط بس مش قادر اخد الخطوة بس يمكن لما العربية تقدم شوية ممكن قلبي يقوى على موضوع الجنوط ده .

و الله انا سألت ناس كتير و المشكلة كل واحد بيقولى على حاجة حد يقولى 15 و التانى يقولى 16 و حد يقولى اوعى تركب 16 و مينفعلهاش غير 15 و انا بقيت محتار
بس انا استقريت على حجم الكاوتش الى هو 205/45-15
انا عرفت انه مناسب للعربية و لو فى جديد فى الموضوع دة ياريت تقول عليه عشان كلنا نستفيد

او 205/50-15

بصراحة انا شايفة الجيتز حلوة وشايفة الفرامل حلوة بس نفسى اعمل الشنطة تبع السنتر

الابيزا بحب شكلها لكن ما عنديش فكرة عنها

عندى فكرة صغنونه للجيتزاوية عاملاها فى العربية بس تنفع غير المدخنين
خليت الطفاية اللى شكل كباية دى للفلوس الفضة جنيهات انصاص اى حاجة بتنفع للسايس اما بركن قدام اى محل وللى رايح واللى جاى وكمان بتبقى تقيلة اوى فى المحفظة