الموضوع: افيدوني بخصوص صيانة الالف قي مودرن موتورز ابو رواش

مافيش مشكلة لانك فاضل على ال1000 كيلو عشرين كيلو و دول يادوب تمشيهم للتوكيل بس متعمليش زى ما انا عملت و روحت ليهم ب 1000 كيلو مظبوط لانى شوفت واحد خلفى عامل الفين الا حاجة بسيطة و دخل عمل صيانة ال1000 فاصبرى شوية لما توصلى ل1500 مثلا و روحى يمكن فى الفترة دى تقابلك مشاكل جديدة فى العربية يعملوهالك بالمرة
و لما تغيرى الزيت هاتى ال10 الاف كيلو لان ابو خمسة الاف كيلو دة اصلا 3الاف مش 5 الاف و هما بيقولوا عليه كدة اما العشرة فافضل ليكى و للعربية
و ابو رواش احسنمليون مرة من الدقى بس انا مروحتش هناك انا سمعت بس
و لكن انا جربت الدقى و قمة التهريج و عدم الاهتمام بالزبون فيه
و طبعا اكيد قبل داندى مول

المشاركة الأصلية كتبت بواسطة yara_87

هااااي شباااب
انا جبت عربية شانا بيني من حوالي شهرين بالظبط و الحمد لله عملت 980 كم و انا كنت عاوزة اعملها صيانة الالف كيلو بس كان نفسي استشيركوا الاول في شوية حاجات كدة عشان رايكم دة هو المرجع الاساسي ليا
مع العلم ان توكيلهل هو مودرن مودورز بتاع نيسان و سوزوكي:
أولا الف الف مبروك علي العربية اللي ناس كتير اوي اعرفهم بيشكروا فيها جدا
1-هو انه مكان الاحسن بتاع الهايكستب ولا ابو رواش وليه"
برشحلك مودرن ابورواش لأننا هنا في القسم نعرف ناس هناك هيهتموا بالعربية بس المسئول عن الموضوع هيكون الاستاذ احمد تي في و اكيد هيدخل الموضوع و هيعطي رد
2- هو لازم العربية تكون مقفلة الف بالظبط ولا ممكن الف الا حاجة بسيطة؟؟
لأ حضرتك عادي ممكن الف الا شوية او تعدي الالف مفيش اي مشكلة خالص خالص
3-هو انا لازم احجز قبل ما اروح فعلا؟؟؟المعلومة دي انا لسه عارفاها لما دخلت علي المنتدي؟؟؟؟طب رقم الحجز كام ؟؟؟وهم شغالين يوم الجمعة؟؟؟؟؟
هما مش شغاليين الجمعة و الافضل انك تحجزي قبل ما تروحي عشان تاخدي ميعاد لأنك ممكن تروحي من غير حجز و يا اما يوافقوا و يعملوا الصيانة بس هتتأخري اوي او مش هيعملوا الصيانة .. فالافضل الحجز المسبق
4-هو الصيانة دي قين قي ابو رواش بالظبط؟؟هل ابو رواش دة بعد داندي موول ولا قبلة؟؟؟؟ياريت حد يوصفلي العنوان عشان مش عارفاه بالظبط!!!!!!!!
العنوان سهل جدا و حضرتك علي الدائري في اتجاه الجيزة حضرتك تنزلي علي المحور من فاتحة الطريق الصحراوي و بعد ماتنزلي علي المحور .. هتمشي لغاية ما تلاقي نزلة الصحراوي لغاية ما هتلاقي بنزينة امارات مصر علي شمالك هتلاقي الشارع اللي بعد البنزينة تدخليه و تمشي بالعربية 500 متر هتلاقي التوكيل علي شمالك بوابة كبيرة .
5-هل فعلا صياتة الالف دي لازم تتعمل قبل شهرين من شراء العربية ّّّّّّّ!!!يعني انا لو ما عملتش الف كيلو وعدي علي العربية شهرين لازم اوديها للصيانة ولا الضمان اتغلي ومش هعرف اعمل صيانة الالف؟؟؟؟؟؟؟؟؟؟ارجو الافادة لات دة اللي حصل معايا دلوقتي!!!!
انا معرفش حاجه عن الموضوع ده لكن معتقدتش ان المعلومة ديه صحيحة يعني المفروض تعملي الصيانة بعد الالف كيلو علي طول.
6-هو انا ممكن اشتري زيت الموتور من برة ولا لازم اجيبه من التوكيل الغالي....و هل الاحسن احط بتاااع 5000 كم ولا ال10000كم
حضرتك ممكن تشتري الزيت عادي من بره التوكيل مفيش مشكلة لكن عايز اقول لحضرتك ان التوكيل هتلاقي الزيت فيه زي بره بالظبط و بعدين التوكيل عشان بيعير زيت للعربيات فمش هيحط لحضرتك الا اللي العربية عايزاه و بس و هيحاسبك علي الكمية الموضوعة فقط يعني لو مثلا العربية هتاخد 3 كيلو زيت و الجركن فيه 4 كيلو يبقي هو هيحاسبك علي الـ 3 كيلو فقط
7-هو انا غالبا هدفع كام كدة في صيلنة الالف دي عشات اعمل حسابي
دي بقي معرفش كام بالظبط بس ممكن تعملي حسابك علي 250 جنيه لغاية 300 جنيه علي ما اعتقد.


ميرسي كتييييييييير ليكو و سوري علي الرغي وفي انتظار الافادة
اي خدمة و حضرتك تنورينا في اي وقت

اجاباتي علي اسئلة حضرتك كلها باللون الكحلي